Ibarani 2:6 - Ma Jou ai Demo-demo o Totobelohoka

⁶ De abe Ma Jou ai hidee gea ma titi ngone o nyawa, gea ka idadi hohioriki ma titi ai Demo-demoino abe ma dodihiraino ihitulihukuoka ato, “Jou, done ma titi o kia naga ngomi o nyawaka hiadono Ngona nomingano-nganono? De ngomi naa ko kia-kiaua imidaene, ho ma titi o kia hiadono nomalega ngomiuku?

Ibarani 2:6 ပူးပေါင်းရင်းမြစ်များ

Dodadi 50:24

De ma oraha itigioka wohonenge de o Yusupu wabehehongo la ai gogianongoru yoboa unangino de wahingahu wato, “Ahi ngofa-ngofaka, itigioka ngohi tohonenge masara Ma Jou igoungu ahao woboa nginiuku de ka ma moi winihihupu o Mesiiri ma tonakino naa. Una gea ahao winihihira-hira la winihigogere o tonakoka gea abe wahibehehongo o Abarahaamika de o Isakika de o Yakubika.”

Yesaya 40:17

De ngaro o dunia ma nyawa mata-mataika masara Una waetongo ona wato parahaja dika, abe ona ko kia-kiaua to Una ai himangoka.

Lukasa 1:68

“Niaino la ngone hihigiriiri Ma Jou, To ngone o Isiraele ma nyawa nanga Jou, Angamoi Una nanga Baluhu woboaka la wonaduhunu, De Una woboa la wonabangu ngone ai nyawa, Abe wonahiluasa nanga hohowonino de wonahidadi ai ngofa-ngofaka idodutu.

Lukasa 1:78

De mangale ma titi nanga Jou ai dora de ai hininga ma mobole, Ho hiadono o dararono o Horogaka de auku inahitararono ngoneuku.

Lukasa 7:16

De ona mata-mata genangoka duru yokokihawanoka de ona iwihigogiriiri Ma Jouika ato, “Ma Jou ai kuaha de ai duduhunu duru o wange naa dika de itagi ngoneuku to Una ai nyawauku!” De utu iwihigiriiri ato, “O wange naa Ma Jou wihidingotoka ai uru ma dodofanga nanga hidogoronaino naa, de una duru de ai kuahaka!”

1 Tesalonika 4:6

De gea kiani hokogea nimahipareta done niahowono nia gianongoruika de nimagora manga fekata eko manga rokata eko manga ngofaka eko manga dutu onagona dika. De nako hiadono idadi hokogea nginioka, gea ahao nanga Baluhu idodutu wahohowono ona abe yahowo-howonika, de gea wahohowono abe imaketero hoka ngomi nengokadau minihingahuoka de minihitiarioka miato ahao hokogea kiani wahohowono.

Ibarani 4:4

De gea ka idadi hohioriki abe to Una ai dulaada mata-mata wohidadi ibooto angamoi ma dodihiraino naga moi Ma Jou ai Demo-demoka ihitulihukuoka abe ma titi to Una ai hiaini abe ma wange ma tumidoka, de gea itemo ato, “De o wange ma tumidi de Ma Jou womahiaini wotulaada angamoi wakokibootokau mata-mata wotulaada.” De Ma Jou ai demoino gea de ka idadi hamake itararono abe Una ma hirete womahiaini ma dodihiraka gea.

Ibarani 5:6

De gea Ma Jou Unangoo abe wigorakiye o Kristusu la wodadi nanga Hidemo, abe Ma Jou ai Demo-demoka ma dodihiraino ihitulihukuoka ato, “Ngona nodadioka o Hidemo ka hiado-adonika, de ani hidemo ma gogeroka gea hatoli imaketero de o Mekisedeke ma dodihiraino ai hidemo ma gogeroka, abe unangoo o hidemo womatengo.” Hokogea itemo ma dodihiraino Ma Jou ai Demo-demoka.

1 Peturusu 1:11

Angamoi ma dodihiraino gea de o Kristusu ai Womaha abe naga Ma Jou ai uru ma dodofangoka, Una gea wahitararonohi onangika abe ma titi ahao o Kristusu kiani iwihikangelahi de ipahaino ahao idadi ma utumu kohaamoko abe ai kokangelaino. Masara gea ko itararonuahi Ma Jou ai uru ma dodofangika abe ahao hokokia idadi eko muruonoka ahao idadi Ma Jou ai hidee gea, ma enangoo ma ko ihiorikua. Ho ona manga hiningaka de duru yomalingi-lingiri la utuohi ihioriki abe Ma Jou ai hininga ma owa ngoneuku.