Ibarani 2:15 - Ma Jou ai Demo-demo o Totobelohoka

¹⁵ ho hiadono ngone naa ngaro ufa de hohawanohi o hone-honengika. Angamoi ngaro ma oraha homaboaino ka hiadono ma oraha naa de ka hohawanohi o hone-honengika ma titi ena gea inahipareta, masara ibootohi enangika hohawana angamoi o Yesusu wonahihupuoka nanga hawanoka de aino ma titi ai datorino hiadono o hone-honenge ko inahiparetakaua.

Ibarani 2:15 ပူးပေါင်းရင်းမြစ်များ

Higiriiri 33:19

Abe gea wonaduhunu la ufa hobodito, de ngaro o hafini ma amoko ma ka idadi wonahidailako.

Roma 8:15

De gea igoungu abe ngone naa hodadioka to Una ai ngofa-ngofaka. De tanu ngone homoi-homoi nanga hiningaka de hohioriki abe ai ngofa-ngofaka hodadioka angamoi Ma Jou o Womaha hiborimakeoka nanga kokihiningaka. Angamoi abeika homatailako to ngone nanga hiningaka. Abe ma dihiraino de ngone himodongo Ma Jouika abe imaketero hoka o gilaongo womatengo wimodongo ai dutuika. Masara ma oraha naa de nanga modongo Ma Jouika ko iwaka ngoneoka angamoi Ma Jou o Womaha wokarajaanga nanga hiningaka la ka idadi ngone duru hohioriki abe Ma Jou Una gea wodadioka nanga Baba. De hiadono ngone ma oraha hitemo Unangiye de hobaba Unangika de nanga hininga de ma dora.

2 Korintusu 1:10

De igoungu ma oraha gea Una womiduhunoka mia boditoino la ufa mihonenge. De ngomi duru mihioriki abe Una ahao ka ihikaika womiduhunu ngaro o kangela eko o bodito o kia dika naga miaohana, angamoi ngomi duru mimahinganono ka Unangika dika.

Galatia 4:21

De naa ahi demo tinihidumutu nginika abe ngini duru nioigo nimahingahu abe ka ihikaika nimahinganono o Musa ai demo mata-mataika. Angamoi naa o ade-ade moi tagoraka o Musa ma hirete ai demoino, ho abeika niongano-nganono ma ade-ade naa moi la nako nihiorikoka ma titi genangino eko kouahi, done nagahi ma kuranga ti ngini nia hiningaka ma titi to Musa ai demoino.

2 Timotiusu 1:7

De ufa hiadono nohawana de done ani hiakunu gea ko napakeokaua de gea done ko nileleaniokaua Unangika. Gea ufa nodiai hokogea, angamoi Ma Jou wonahidoakoka Ma Jou o Womaha ngoneino, de o hawana gea ko ihititiua Ma Jou o Womahoka. Abe ko o hawanua wonahidoaka, masara abe Una wonahidoaka ngoneino gea o hiakunu de ma buturungoka, de o dora, de wonahiakunoo la ka idadi hakunu homatongohono ma dorouino.

Ibarani 2:16

De gea ngone hohiorikoka abe nako o malaekata, ona gea ko yohone-honengua, ho ko iwa o malaekata abe yohawana o hone-honengika. Ho gea duru itararonoka abe ko o malaekatua o Yesusu waduhunu de wahihupu o hawa-hawanino abe yohawana o hone-honengika, masara gea ngone wonaduhunu abe ngone to Abarahaama ai totoforauku.