Ibarani 13:23 - Ma Jou ai Demo-demo o Totobelohoka

²³ De naa moi ngohi tinihingahu nginika la ka idadi nihioriki abe ma titi nanga gianongoru o Timotiusu. Abe una gea ma duruika de iwihihupuoka o bui ma tauoka de aino. Ho ka de una woboa ngohino de ahao ngohi de una miloiki mimakiniiki la minitutumu ngini genangoka.

Ibarani 13:23 ပူးပေါင်းရင်းမြစ်များ

Roma 15:25

Masara nako ma oraha naa naga kiani ngohi toikohi o Yerusaleeme ma kotaika la tototaka o tiwi de tahidoaka abe nanga gogianongoruika genangoka.

Roma 15:28

Ho ngohi ka de tototaka de tahidoaka ma tiwi nanga gogianongoruika o Yerusaleemoka la ahi tagongo gea tabootoka, de gea ahao o Yerusaleemoka tosobo de toboa tinitutumu abe ngini ahi gogianongoru o Roma ma kotaka nigogere. De ngohi tohioriki abe ma oraha ngohi toboa nginika de o Kristusu ahao wonahiowa ngone de ma utumu kohaamoko abe Unangoka de aino. De tinitutumu ibooto de ahao ngohi tohigila-gila ahi dodagi abe toiki o Spanyolo ma tonakika.

Kolose 1:1

Mia gogianongoru o Yesusoka. Ngohi naa o Paulusu, abe Ma Jou wohiiriki ngohi la todadi o hidingoto ma nyawa abe tahingahu-ngahu o nyawaika ma titi o Yesusu Kristusu nanga Koano abe Ma Jou wonahibehehongoka. De o Timotiusu, nanga gianongoru o Yesusoka, una naga de de ngohi.

1 Tesalonika 3:2

masara iti ka idadi wiwihidingoto nanga gianongoru o Timotiusu nginika abe o Tesalonika ma kotaika la ka idadi una winitutumu. Abe o Timotiusu una gea wileleani Ma Jouika ma titi ai karajaangino, abe Ma Jou ai karajaanga gea la o Kristusu ai Abari ma Rorahai ihiabari o nyawa-nyawaika. De gea wiwihidingoto o Timotiusu nginika la miato una ka idadi winihigaro de hiadono winihiputurungu ngini ma titi nia ngongakuoka,

1 Timotiusu 6:12

Abe ma dihira Ma Jou woniahoko ai wowangoino gea abe ma oraha nomahingahu o nyawa manga ngoe manga himangoka nato, “Ngohi naa tingaku nanga Baluhu idodutuika o Kristusika.” Ho gea ma oraha abe ahao ningaku de woniahoko ai wowangoino de ka hiadono ahao ani wowango ma baha o duniaka, gea tohiketero abe hoka o nyawa yomaketejai-jai yomapopaata de yomaribuutu la ato ka idadi yolaku. Abe ngonaoo ma kiani ani wowango ma dodagi ma goronaka de kiani nomaribuutu la hiadono ani ngongaku ka idadi ilaku ani wowangoka, de gea ani wowango ma baha adonoka de ahao nomahitongonaka abe gea ani hadia ani wowango ma ngangoino. Abe ma dihira de Ma Jou woniahoko, gea woniahoko la ma bahaika de ka idadi nasoino ani hadia ani wowango ma ngangoino gea.

2 Timotiusu 1:8

Ho naa ahi ngofaka, ufa hiadono inimaleke ma titi o Yesusu Kristusu nanga Baluhu idodutu abe to Una gea ai abari ngone hahingahu-ngahu o nyawaika. De ufa inimaleke ma titi ngohi, ngaro igoungu ngohi ma oraha naa naga ihibuikahi nenangoka angamoi tileleani Una. Masara koaho ngona ani tagongo gea ka nohidagiohi de ani hininga de ma domoroinoka la o Abari ma Rorahai ka nahingahu-ngahuohi o nyawaika. De ngaro ahao idadi abe o nyawa inihikangela hiadono ngonaoo ani kangela naga abe imaketero hoka to ngohioli ahi kangela, masara gea de ahao Ma Jou wonihiputurungu ani hiningaka de ka napoa.

Filemono 1:1

Ngohi naa o Paulusu, de ngohi ihibuioka ma titi o Yesusu Kristusu tiniiki. De nanga gianongoru o Timotiusu, unangoo naga de de ngohi nenangoka. Naa ahi hurata tohidingoto ahi oloika o Filemonika, abe ngona de ngomi homakuduhunu hileleani o Kristusu nanga Koano abe Ma Jou wonahibehehongoka.

Filemono 1:22

De naa moioli ahi gogahoko, la ngona ani kamar moi ani tauoka nohihidiaiokau. Angamoi ngohi tonganono ahao ihihiluasa la ka idadi tolio ngonaika, de gea ma titi ti ngini nia niniatino.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.