Ibarani 13:12 - Ma Jou ai Demo-demo o Totobelohoka

¹² De nako o hiketero hodiai, ngade-ngade hokogenangoo idadi abe ma oraha o Yesusu womahidadi to ngone nanga huhuba Ma Jouiye de gea ai honengino de ka idadi wonahitebini ngone ma titi ai awunino. Angamoi Unangoo iwihikangela de iwihohonenge ma kota ma poretoka abe imaketero hoka ma aewani ma badanga abe o Howono ma Dadamunu ma wangeoka de enangoo yatufuku ona mata-mata manga hijai-jai ma kapongo ma poretoka. De imaketero hoka ma huhubaino gea de manga hidemo ko yamakeua o hidoku genangino, hokogenangoo de ona ko yamakeua o hidoku abe to ngone nanga huhuba o Yesusino. De ngaro onagona dika abe ka yaniikohi ma huhuba ma hiaturu ihira-hiraika ma onangoo gea ko idadiua yamake manga utumu abe nako de to ngoneoli nanga huhuba ma hungi o Yesusino. De gea ma titi abe ona duru ko yamakeua ma utumu o Yesusu ai honengino.

Ibarani 13:12 ပူးပေါင်းရင်းမြစ်များ

Lukasa 4:29

De ona ka ma moi yomaokoino de iwikiniiki o Yesusu o kapongo ma hoanika de iwiao o loku ma bakorika. Abe o Nasarete ma kapongo gea ihigoko o lokuoka. Ho ona mata-mata iwiao ma bakorika angamoi manga hininga la ato iwiumo dau ma bakoruku.

Yohanese 17:19

Ho Baba, ma titi ona hiadono Ngohi naa tomahidoaka la duru tomahitaana tomatingakoka Ngonaika. De hokogea Ngohi la onangoo yomahidoaka abe manga wowangoka yomahitaana yagou-goungu ani mau yaniiki.”

Yohanese 19:34

Masara la duru ihioriki wohonengoka o tentara ma nyawa womatengo wihakara o Yesusu ai gumurukika de ai hokiiki. De ka de wihakara de o awunu de o akere iuihi ai gumurukino.

Hidingoto 7:58

De iwitaokino de iwitauru iwiao o kota ma hoanika la iwihohakaru unangika ka hiadono iwitomaka. De ona abe kanganoino yodadi o hakihii ma nyawa abe iwitae-tae o Setefanusika, ona manga baju ma lape moi yahuputoka de yakelenga dau womatengo ai louoka. De una gea ai romanga o Saulusu.

1 Korintusu 6:11

De ma dihira ngini utu hokogea nia wowango, masara naga ma moiuku de ngini iniohikoka de inihitebinoka. De gea ma oraha abe inihitotiaioka de nanga Baluhu o Yesusu Kristusu ai romanga de Ma Jou o Womaha ai kuahaino. Ho naa ngaro ufa nianiikohi nia wowango ma hira gea.

Efesusu 5:26

De gea womahidoaka la ngone wonahitebini nanga howo-howonino. De gea ngade-ngade imaketero abe hoka momatengo o ngofeka mato moilaka. Muna gea ko moilakuahi de kiani imiohikohi la ma oraha imiao ami darunika de muna duru motebinoka. Masara nako ngone o Kristusu ai garejaka, ngone wonahitebini ko de o akerinoua masara Una wonahitebini de to Una ai Demo-demoino abe to ngone nanga howonino.

Ibarani 10:10

De genangino o Yesusu Kristusu duru waniiki Ma Jou ai mau. Abe ma moi dika womahidoaka de ko womahigaliokaua womahidoaka ka hiado-adonika. Ho mangale ma titi Una waniiki Ma Jou ai mau, ho ngone naa hingaku-ngakuoka Una duru wonahitebinoka nanga howonino. De gea wohahitebini ma titi o Yesusu Kristusu ai badanga womahidoaka ma titi ngone.

Ibarani 10:29

hongoli ma hohowono itubuho nako o nyawa iwioluku iwiniiki Ma Jou ai Ngofakika! Angamoi duru itaana abe kiani to onangohi manga hohowono duru itubuho, angamoi ona gea yomadiaioka yato Ma Jou ai Ngofaka manga lou ma dodoko. Abe ngaro to Una ai awunu abe genangino ihititi Ma Jou ai behehongo ma hungi naa, masara ona gea duru yongelo ai awunika ato ena gea ko kia-kiaua adaene angamoi bari ka o nyawa biaha dika ai awunu. De abeika, ngaro to Yesusu ai awunu gea ma dihiraino de ona yahitebinoka to ona manga howo-howonino, masara ma oraha nenangoli de ona ihiromanga ai awunika ato ena gea ko itebinua. De ngaro Ma Jou o Womaha abe wonahidoaka ai hiowa ngoneino, masara Unangikaoo ma iwingeloka ona gea. Ho igoungu Ma Jou kiani duru wahohowono onangika gea de o hohowono ma dubuho.

Ibarani 2:11

De gea ahi demo ma goronaka abe ngohi tonahiromanga tato “ngoneoo Ma Jou ai ngofa-ngofaka,” de gea ahi demoino duru igoungu abe ngaro o Yesusu eko ngaro ngoneoo naa, ma gea tanu ngone mata-mata nanga Baba gea ka womatengo dika. Ho ngaro Una gea abe wonahitebini nanga howo-howonino eko ngaro naa ngone abe wonahitebi-tebinoka, masara mata-mata to ngone nanga Baba gea ka womatengo dika. De gea ma titi hiadono o Yesusu ko iwimalekua womahidodoto ngoneino, angamoi ngone o ria-dodoto moi de ngone mata-mata hokokibaba Ma Jou o Babaika.

Yosua 7:24

De ahao to Sera ai kuwewete o Akana gea, o Yosua de o Isiraele ma nyawa yao ona o tau moi ka ma moi. Abe una de ma haaka, de o Babelino ma baju, de ma gurasi ma hapa ma baka-baka o dobiki moi, de to Akana ai ngofa-ngofaka ngaro o nauru ngaro o ngofeka, de ai hapi, de ai keledai, de ai domba, de ai tau o ngoerino, de ai kiahonanga utu mata-mataika yakokiaoka. Ho una de ai ngofa-ngofaka de ai tau, de ai kiahonanga ka ma moi yakokiao manga doomu ma ngi ma hoanika hiadono o dola moiika abe ahao ihiromanga o Kangela ma Dola.

Himatoko 14:20

Ho o angguru ma ngengedere ma ngi gea imanoa o kota ma poretoka, de ma hofoko wakokiumoka genangika la yakokiwederuku de yateo, masara gea ka o awunu dika ihupu abe genangoka de aino. De ma awunu gea idadi hoka o nguihi o tonakoka gea, abe ihahurika, o kilo o ratuhu hange ma gurutika, de gea ma awunu ma lukuku ngade-ngade o metere moi de ma hononga. De marai hokogea ma hiketero abe ihihimatoko ngohino hokokia ahao idadi ma oraha Ma Jou waurusu de wahohowono ona iwilawa-lawanika. Abe gea wohiketero ai hohowono de abe o gugutuku ma oraha o duniaka.