Ibarani 12:6 - Ma Jou ai Demo-demo o Totobelohoka

⁶ Angamoi onagona dika Ngohi Ma Jou tadora, onangika gea kiani tadotoko, de onagona dika abe Ngohi Ma Jou tafetongo ahi ngofa-ngofaka, onangika gea kiani tadotoko duru de ma dubuho.” Hokogea Ma Jou ai higaro ma demo abe ma dodihiraino ihitulihukuoka.

Ibarani 12:6 ပူးပေါင်းရင်းမြစ်များ

2 Samuele 7:14

De Ngohi Ma Jou todadi ai baba de una wodadi ahi ngofaka. De ma oraha una naga ai howono Ngohi ahao utu o nyawa tapake la iwihohowono abe ona ahao yodadi to Ngohi ahi boboha.

Sosawaro 13:24

Ngone o dimono onagona dika abe holuku hadotoko nanga ngofaka de o dodotoko ma dubuho, gea tanu ko iwa nanga dora onangika. Ma nako nanga dora itagi onangika, gea ma titi hadotoko itiai nanga ngofakika.

Sosawaro 3:11

De ahi ngofaka naga ma oraha abe kiani Ma Jou o Yawe wonitaere eko wonidotoko de ma buturungu la notoba genangino abe naga ani wowangoka hiadono ko wonisanangiua. Ho ma oraha wonihitiai ani datorino hokogea de ufa noporete ai dodaerika de ufa ani hininga ihuhaholi ma titi Ma Jou kiani wonitaere hokogea.

Sosawaro 3:12

Mangale ona gea abe duru Ma Jou o Yawe wahitiai gea ona abe Una duru wadora onangika. Una hoka o baba abe duru wisanangiholi ai ngofakika ho nako hiadono wimake ai ngofaka gea wahowono de woluku una ka ihikaika wodiai abe ko iwihisanangiua ai dimonika. Ho kiani ma baba gea witaere ai ngofakika la ufa waniiki abe ko itiaiua. De Ma Jouoo wodiai imaketero hoka o babali gea ma oraha ngona nahowono angamoi duru wonidora.

Yakobusu 1:12

De o nyawa onagona dika abe ngaro o kokangelaika yaohana masara ka yomatongohono ma titi manga ngongakuoka, onangika gea ahao Ma Jou wahiowa. Angamoi ona gea yomahitaanoka abe ngaro de o kangela yahitaili onangika masara gea yagou-goungu iwingaku Unangika. Ho ahao Una wahiowa onangika de manga hadia o wowango ma ngangoino ka hiado-adonika. De ma hadia gea ma dihirainohi de wonahibehehongoka ngoneino onagona dika abe hidora Unangika wato gea ahao wonahidoaka ma titi nanga dora Unangika.

Yakobusu 5:11

De abeika, ngone naa hahoromati o nyawa onagonaika abe ngaro manga kangela ma goronaka masara ka yomatongohonohi, de gea hohioriki abe Ma Jou wahiowa onangika ma titi manga dongohono manga ngongakuino. Abe hoka o Ayubu ma dodihiraino, gea marai ngini nihiorikoka ma titi to una ai dongohono ai kangela ma goronaka angamoi ai ade-ade ngini niihenoka. De o Ayubu ai ade-adeino gea de ka idadi hamake abe ma bahauku de Ma Jou duru wihiowa unangika ma titi ai hininga ma owa de ma doraino abe duru ilamoko o Ayubika. De gea wihiowa unangika abe ma titi womatongohono ai ngongakuoka. Ho ngoneoo ka idadi homaaduru hoka o Ayubu de Ma Jou ai uru ma dodofangoo manga dongohono abe ma oraha o kangela haohana nanga wowangoka.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.

Ruutu 1:3

Masara ma oraha ona yogogere o Moaba ma tonakoka gea de o ngo Tobasanangi mofao angamoi ami rokata o Eli-meleke gea wohonenge genangoka. Ho munangokahi de ami ngofaka yahinooto gea.