Ibarani 12:5 - Ma Jou ai Demo-demo o Totobelohoka

⁵ De gea ngini marai ka niawohangoka Ma Jou ai higaro ma demo ma dodihiraino abe gea wahidumutu ngone ai ngofa-ngofakino. De gea wonahigaro la ngaro o kangela haohana ma ka idadi wonahiputurungu genangino. Abe gea ai higaro ma demo wato, “Ahi ngofaka, nako ngona nahowono de hiadono Ngohi ani Baluhu idodutu kiani tonidotoko ngonaika, gea ufa ko nolegaikaua ahi dodotokika, ma kiani nale. De nako Ngohi tonitaere, gea ufa ani hininga ieteke.

Ibarani 12:5 ပူးပေါင်းရင်းမြစ်များ

Sosawaro 3:1

Ahi ngofaka, abe ngohi tonidotoko ufa nawohanga abe kiani o dodotoko ma titi mata-mata gea ka ihikaika nagogono ani hiningaka.

Sosawaro 4:5

Ngona kiani nomadotoko la namake o sosawaro ahi hiowa ma demoino la nohioriki nomaputuhu itaana. Ho ahi ngofaka, toigo nomadotoko la ufa ko nawohanga ahi hingahu ma demoika de ufa noporetika.

Yeremia 31:18

De Ngohi naa toihenoka ngini o Isiraele ma nyawa nia daiana ma demo abe niato, ‘Ngomi naa mimaketero hoka o hapi ma ngofaka abe ko iwa ma hingounu to ena ma dutuika. De ahao Ngona nomidotoko hiadono ngomi mimahioriki mia hininga. Ho naa ngomi mimagahoko la ka idadi minigilio Ngonaika la ka ihikaika mininiiki, angamoi ka Ngona dika to ngomi mia Jou o Yawe.

Lukasa 24:6

Una ko iwiwa naangoka, angamoi iwihimomikoka ai honengino! Abeika nimahohiningahi to Una ai demo ma oraha ngini de Una nagahi o Galilea ma tonakoka.

Lukasa 24:8

Ka de yoihene de ona yohininga to Yesusu ai demo abe ma dihiraino wahingahuoka.

1 Korintusu 11:32

Masara nako hiadono kiani Ma Jou wonahohowono abe wonadotoko ngoneino, gea wonadotoko de wonaduhunu la wato wonahigilioli ma totiaiino. De hokogea Ma Jou wonadotoko la ahao ngone o hohowono ko hamakeua abe imaketero hoka o dunia ma nyawali manga hohowono ahao yamake.

Galatia 6:9

De ngone ufa hodebeturu hodiai ma rorahai, ma kiani ngone hogila-gila dika ma rorahai hotobadiai. Angamoi ahao naga ma oraha iboa abe genangoka de ma hasili ma owa hamake to ngone nanga datoro ma rorahaiino, ma iti abe ufa nanga hininga itubuhoholi de hiadono homahipipidili genangino.

1 Timotiusu 1:20

Abe ona gea tafeto-fetongo, marai o Himeneusu de o Alesandere de yamuruono naga utu. Masara ona yahinooto gea taputuhoka tato manga hohowono hokonaa. Ona yahinooto gea jai-jai tahidoakohi o Ibilihi ma kuahaika la yamake genangino manga dodotoko moi la ibootohi iwingelo Ma Jouika.

Ibarani 12:7

De nako ngini ma oraha naa de niagoungu niohimanga o kangela eko o dodotoko nia wowangoka. Ho genangino ka idadi nihioriki abe Ma Jou winiao itiai nginika abe hoka itaana Una wao ai ngofa-ngofakika. Angamoi mode o kiaka moi la ai ngofaka ko widotokua abe wahowonoka? Duru ko ma iwa hokogea!

Ibarani 13:22

De naa, ahi gogianongoru, duru togahoko nginika la tato ufa niodebeturu ma titi ahi higaro ma demo mata-mata abe ahi huratoka naa tohitulihukuoka, masara togahoko la niomagawe nianiiki ahi demoika, angamoi tanu ahi hurata naa nginika hatoli itipoko dika de ko ikurutua.

Yakobusu 1:12

De o nyawa onagona dika abe ngaro o kokangelaika yaohana masara ka yomatongohono ma titi manga ngongakuoka, onangika gea ahao Ma Jou wahiowa. Angamoi ona gea yomahitaanoka abe ngaro de o kangela yahitaili onangika masara gea yagou-goungu iwingaku Unangika. Ho ahao Una wahiowa onangika de manga hadia o wowango ma ngangoino ka hiado-adonika. De ma hadia gea ma dihirainohi de wonahibehehongoka ngoneino onagona dika abe hidora Unangika wato gea ahao wonahidoaka ma titi nanga dora Unangika.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.