Ibarani 11:23 - Ma Jou ai Demo-demo o Totobelohoka

²³ De mangale o Musa ai dimono onangoo iwingaku Ma Jouika ho ma oraha o Musa ahao ka de womaboaino de ona iwigogono o mede hangeino ma dekana. De manga datoro hokogea yodiai angamoi ka de womaboaino o Musa de iwimake abe una ko o ngofaka biahaua masara duru worahai, de gea ona ko yohawanua yalawana ma koano ai huhuloko ma demoika abe gea ma titi o Yahudi ma nyawa manga ngofa-ngofakika.

Ibarani 11:23 ပူးပေါင်းရင်းမြစ်များ

Huhupu 1:16

De wahuloko onangika wato, “Ma oraha ngini niaduhunu o Ibarani ma ngo-ngofeka yomagerewoto, de nako yomaboa o nauru kiani niahohonengoka masara nako yomaboa o ngofeka, ufa niatoma ho nianoaika dika la yapaliara manga dimono.”

Huhupu 1:22

De ahao o Firaunu wahuloko ai kokawaahaika wato, “O nauru mata-mata yomaboa o Ibarani ma nyawaino kiani niaoraino de niaumo o Nili ma akeruku! Ma nako manga ngofa-ngofaka o ngofeka mata-mata nianoaika la yowangohi.” Hokogea o Firaunu ai huhuloko.

Matiusu 10:28

De to Una ai demo o Yesusu wohigila-gilahi wato, “De naa tohigalioli ahi demo abe tato ufa niamodongo o nyawaika. Angamoi ngaro o nyawa inihikangela nginika de inihidee la ato initoma, ma gea ti ngini nia badanga dika abe ka idadi yatoma. De nako ti ngini nia jiwa, gea o nyawa ko yakunua yahohonenge enangika, masara abe nako Ma Jou, Una dika ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”

Hidingoto 7:20

“De duru ma oraha gea abe o Musa womaboa, abe Ma Jou womalega unanguku de wimake abe ma ngofaka gea duru worahai. De o Musa ai dimono iwipaliara manga tauoka abe ma oraha womaboa ka hiadono ai ngumuru ai mede hange.

Ibarani 13:6

De mangale ma titi ai demoino gea ho duru inahiputurungu nanga hiningaka hiadono ngone ka idadi hotemo hato, “Nanga Baluhu idodutu Una gea to ngohi ahi Duduhunu ho ngaro ufa dika de ngohi tohawana. Angamoi mode sarakia hiadono o nyawa dika de ka akunu ihiruwae ngohino? Duru ko idadiua ihiakunu!”