Ibarani 11:14 - Ma Jou ai Demo-demo o Totobelohoka

¹⁴ De to ona manga hingahu ma demoino gea de duru itararono abe ona manga hiningaka de yongano-nganono o tonaka eko o ngi moioli la ahao genangokali ka idadi yogogere la genangoka idadi duru to ona ma hirete manga ngi.

Ibarani 11:14 ပူးပေါင်းရင်းမြစ်များ

Huhupu 2:22

De ahao o ngo Sipora mamake manga ngofaka o nauru de o Musa wihiromanga, “o Homoaino” abe nako to ona manga demo o Gerosomo. Hokogea ai romanga angamoi ai baba o Musa wotemo wato, “Ngohi todadioka o homoaino ma nyawa abe naa ko to ngohiua ahi tonaka.” Hokogea ma titi hiadono ai ngofaka wihiromanga o Gerosomo.

2 Korintusu 4:18

De gea ngomi ko mipusingua de mia kangelaika abe miamake ma oraha naa naga, angamoi o kia dika naga hamake o duniaka naa de gea ko itongohonua. Masara ngomi naa mia hininga ma lako itagi ka ma rorahaiika abe ahao hamake o Horogaka ngaro ma oraha naa de ko idadiuahi hamake de nanga lako. De ma rorahai gea abe ko hamakeuahi ma oraha naa, gea ahao ka idadi itongohono ka hiado-adonika. Ho to ngomi mia hininga itagi ka enangika dika.

Filiipi 1:23

De gea duru tokangela tomaputuhu, abe tanu daku o Kristusiye toigo tosobo la Una tidodiawo, angamoi enangohi ihailoa.

Ibarani 11:13

De o Abarahaama de o Isaka de o Yakubu, ona gea mata-mata iwingaku Ma Jouika manga wowango ma goronaka de ka hiadono ona yoborihonenge masara ka iwingakuohi Unangika. De gea igoungu abe Ma Jou ai behehongo utu abe ma dodihiraino de wahibehehongoka ona de manga totoforaukuika, gea ma behehongo utu ka yadaenohi, masara utuoli naga ma behehongo abe ko yadaenikaua de ona yaruange yokokihonengoka. Masara ngaro hokogea ma ona ngade-ngade hoka Ma Jou ai behehongo gea ka idadi yamake de manga hininga ma lako abe hoka duru ma gurutikahi ho ahao yanonanako enangika. De gea manga hiningaka duru yodogarago ma behehongika angamoi ona iwingaku Ma Jouika ma titi ena gea ahao idadi. De genangino ma titi hiadono ona yosanangi dika yomahingahu abe ona hoka o homoa ma nyawahi ma tonakoka gea yomanoa-noa, de hoka o dionikino ma nyawa dika genangoka, angamoi ma oraha gea de ko idadiuahi to ona manga tonaka.

Ibarani 11:15

De gea ko ma titiua to ona ma hirete manga tonaka ma dodihiraino abe yanoakau. Angamoi nako hoka manga tonaka ihira-hiraika gea yongano-nganono, gea nagahi ma ngekomo la ka yoliohi genangika.

Ibarani 11:16

Masara duru hokogenangua to ona manga hininga, masara ona duru yoigo la ato yomahiadonika o tonaka eko o ngi abe ka enangohi duru irahai nako de o ngi utu. De gea ma titi tanu yoigo yomahiadono o Horogaiye, abe ma ngi ka enangohi duru irahai. Ho mangale ma titi to ona manga hininga ma dumutu duru itagi Unangika de ai ngiika, ho Ma Jou duru wosanangi ma titi ona gea yomahijou Unangika. De mangale ma titi Ma Jou wasanangi onangika hiadono Una wahidiaioka to ona manga ngi ai kotaka gea abe imanoa o Horogaka.

Ibarani 13:14

Ho koaho ufa nanga hininga ihuha ma titi ma kota gea hanoa la hiniiki ma poretika gea, angamoi o duniaka naa de duru ko iwa nanga kota abe itongohono ka hiado-adonika. Masara ngone naa hongano-nganono de hododamaa to ngone nanga kota abe imanoa o Horogaka, ho nako ma oraha adonoka de ahao ngone homahiadoniye ma ngiiye gea.