Ibarani 10:7 - Ma Jou ai Demo-demo o Totobelohoka

⁷ De ipahaino o Kristusu wotemoli wato, “Jou Ngohi naa toboaka o duniauku la taniiki de tohingodumu to Ngona ani mau, la gea ahao idadi duru imaketero hoka ma dodihiraino de ihitulihukuokau ani bukuoka ma titi Ngohi.” Hokogea o Kristusu ai demo ai Babaika ma dodihiraino.

Ibarani 10:7 ပူးပေါင်းရင်းမြစ်များ

Dodadi 3:15

Ho ngona de muna, o ngofeka gea, ahao ka tinihikokadohatika, muna de ngona, de to ngona ani ngofaka de ani danonguku, de to muna ami ngofaka de ami danonguku, ona ka ihikaika yomakumusu. De gea yomakumusu ka hiadono ahao woboa womatengo to muna ami toforauku, de Una gea ahao ani pea wawedere, de ngonaoo ahao ai bobooika natuduku.” Hokogea Ma Jou o Yawe ai hohowono o dodihaika.

Sosawaro 8:31

De ai dulaadaika mata-mata ngohi duru tosanangi enangika ngaro o dunia de to ena ma dola mata-mataika. Ho gea hiadono o dunia ma nyawa manga dodoomuikaoo ngohi o sosawaro tasanangi ona mata-mataika.”

Yesaya 50:5

Ma Jou o Yawe Una wohitemo ngohino de itararono ai demo, de wohiduhunu la hiadono ai demo ngohino gea duru tohigihene ho ko tilawanua de ko torehenua ai demoino.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Yohanese 5:30

De gea duru ko moiua todiai abe Ngohi tomahohiningaiye dika de todiai. Ho abe ma oraha gea o nyawa manga datoro tatailako, abe tahohowono eko tahidoaka o wowango onangika, gea taniiki duru imakadaene abe toihene ahi Babaino. Ho o nyawa tahohowono itiai angamoi ko to Ngohiua dika ahi mau taniiki masara duru to ahi Baba ai mau dika taniiki angamoi gea Una wohihidingoto Ngohi.” Hokogea o Yesusu womahitararono o Yahudioka manga balu-baluhika gea.

Yohanese 6:38

Angamoi Ngohi o Horogauku ko toboaua ma titi to Ngohi dika ahi hininga tato taniiki abe toigo todiai, masara naa toboa ma titi Ma Jou ai mau taniiki la todiai, abe gea Una wohihidingoto.