Ibarani 10:31 - Ma Jou ai Demo-demo o Totobelohoka

³¹ Ho igoungu, abe nako hiadono nanga Jou abe duru Wotobawango womaputuhu wato wonahohowono ngoneino, gea ma hohowono ahao duru ko ma goguwinua masara ahao ngone duru homodongo ai hohowonika gea abe ahao inadaene. Ho ngone kiani duru hohidodiai hototoihene de haniiki to Ma Jou ai Demo-demoino.

Ibarani 10:31 ပူးပေါင်းရင်းမြစ်များ

Matiusu 10:28

De to Una ai demo o Yesusu wohigila-gilahi wato, “De naa tohigalioli ahi demo abe tato ufa niamodongo o nyawaika. Angamoi ngaro o nyawa inihikangela nginika de inihidee la ato initoma, ma gea ti ngini nia badanga dika abe ka idadi yatoma. De nako ti ngini nia jiwa, gea o nyawa ko yakunua yahohonenge enangika, masara abe nako Ma Jou, Una dika ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”

Matiusu 16:16

De o Simono Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka ngomino, ho Ngonaoo Ma Jou Wotobawango ai Ngofaka gea.”

Lukasa 12:5

Masara abe kiani niwimodongo Unangika, gea Ma Jou dika abe ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”

Lukasa 21:11

De ma oraha gea o tonaka idadi duru ihikelu-kelu ma ngoe, de o tonaka utuoli o nyawa ko manga ngoe yohonenge angamoi naga o hafini ma amoko. De ma tonaka moiokali de naga o panyake abe duru imataiti imahora-hora. De nagali ma oraha gea o hohowono duru itotorou yadaene o nyawauku hiadono ona duru yokokihawanoka, de nagaoo o heheranga ma dodunguu ma ago-agomo o Horogaka de auku iboa.”

Hidingoto 13:11

Ho mangale ma titi ani hininga ma dorou gea ho naa nanga Baluhu idodutu wonihohowono ngonauku. Abe gea wonihirafi ho naa hatoli ma dekana de ngona ko nomahiorikokaua.” Ka de o Paulusu wotemo hokogea de o Elimasa gea wamao hoka o hauramo abe duru yofufutuoka iutiuku unanguku ho duru ko womahiorikokaua. De una ka wohohabalanga waika waino de womagaho-gahoko o duduhunu o nyawaino la iwituda-tuda abe ai dumutika.

2 Korintusu 5:11

De ahi gogianongoru, ngomi duru mihioriki abe Ma Jou ahao wonatailako ngone homoi-homoi ho ngomi naga mia hawana de ma horomatioka Unangika ma titi ai hitailako gea. De gea ma titi hiadono ngomi naa duru mioigo la wiwihisanangi Unangika. De naga moioli abe ihititi mia hawanoka gea, abe ngomi duru miahigaro o nyawaika la miato ona iwinii-niiki Unangika. Angamoi nako ona iwiniiki itiai Unangika, gea ahao ma oraha watailako nanga Baluhu idodutu de wasanangi onangika. De Ma Jou Una duru womihioriki itararono abe to ngomi naa mia hininga ko iwa ma dumutu o dorouika, ho ngomi mionganono abe nginioo ka idadi niataoko itiai ma titi to ngomi mia hininga ma rorahai.

Ibarani 10:27

De nako hokogea abe ngone homangirikoka, de gea ngone hodamaa dika abe Ma Jou ai hohowono ahao hokokia dika ma rupa inahidotadaene ngoneino de genangoka de ahao ngone duru hoomodongo enangika. De ai hohowono gea marai imaketero hoka o uku moi duru kohaamoko abe ahao ena gea yahikokibinaaha ona iwilawa-lawanika.

Ibarani 12:29

Angamoi duru igoungu abe nako ma oraha nanga Jou wahohowono o nyawaika de ai hohowono gea imaketero hoka o uku moi duru kohaamoko abe yahibinaaha mata-mataika abe adaene enangika. Ho gea hiadono tonahigaro tato irahai ngone naa hasoino Ma Jou ai hininga ma owa ngoneino.

Ibarani 3:12

Ho ahi gogianongoru, ngini kiani nimahitiari de homoi-homoiika nimaagoana done naga nia hiningaka ma dorou de hiadono ko niangakua to Ma Jou ai behehongo ma demoika, de done genangino ma titi hiadono nirehene Ma Jouoka de aino de niwioluku Unangika abe Una gea duru wotobawango.