Ibarani 10:26 - Ma Jou ai Demo-demo o Totobelohoka

²⁶ De naa ngohi tonahitiari ngoneino. Abe nako hiadono ngone duru hodafongoka ma gou-goungika abe hamake nanga ngongaku ma dodotokoka de aino, de gea hodafongoka masara ahao nanga hiningaka homaputuhu la ka hahowo-howonoli Unangika, de gea ngone haolukokali to Kristusu ai huhuba ma titi ngoneino. De nako hiadono to Una ai huhuba haolukoka, ahao duru ko iwa o huhuba utuoli abe ka akunu ihiofi nanga howo-howono gea.

Ibarani 10:26 ပူးပေါင်းရင်းမြစ်များ

Gogao 4:13

De Ma Jou wogila-gilali de ai hingahu o Musaika, wato, “De hokonaa nako o Isiraele ma nyawa manga doomu ma amokika mata-mata yahowono masara ko yomamaoua. Abe ngaro ona yodiai itorou abe Ma Jou o Yawe ai pareta duru ko yahigunoaua yodiai de ngaro ona manga howono gea ko amaoua masara Ma Jou ai himangoka imaketero dika yahowonoka.

Gogao 4:2

“Musa, kiani nahingahu o Isiraele ma nyawaika ahi hiaturu ma ngekomo abe o nyawa yaniiki ma oraha naga manga howono Ngohino. Abe mata-mata Ngohi Ma Jou o Yawe tinihidoakoka ahi paretaka abe tinihingahuoka ko idadiua yodiai angamoi ko itiaiua. Masara nako ona ahi pareta yatilakuroka ngaro manga hiningaino de yodiai eko ngaro ko manga hiningainoua ipuda, manga howono gea kiani enangoo ihitamunu de o howono ma huhuba.”

Lukasa 12:47

De ma duduhunu gea wamake ai hohowono duru itubuho abe duru iwipoha-poha angamoi una ngaro wohioriki to ai dutu ai mau masara ko wodiaiua. Abe ngaro wohioriki ai dutu ahao woboali masara ko iwa ai hidiai.”

Yohanese 13:17

De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Yohanese 9:41

De o Yesusu wapaluhu onangika wato, “Nako de ma titi nginioo hoka nirafioka, abe igoungu ko niwihiorikua Ma Jou, gea ko iwa nia howono hiadono inihohowono. Masara angamoi ngini nimagoraka niato ma gou-goungu abe Ma Jouino duru nihioriki, ngaro ko nihiorikua, gea nimahitaana abe itiai ti ngini nia hohowono ka inidaenohi.” Hokogea o Yesusu wahidumutu manga sade onangika.

2 Tesalonika 2:10

Abe gea una ai budi ma dorou mata-mata wapake la ka idadi wahibudi o nyawaika abe ahao Ma Jou wahibinaaha ona gea. Angamoi ona gea yaolukoka Ma Jou ai gou-goungu ka hiadono ko yoodoraua enangika. Masara nako hoka ma dodihiraka de yoodora ai gou-goungika, ona gea ahao ka idadi Ma Jou waduhunu manga hohowonino gea, masara ona ka yaoluku dika ai gou-goungu ho ko idadiua waduhunu.

1 Timotiusu 1:13

De gea wohihigunoa tileleani ngaro ma dihira ngohi tingelo Unangika, de to Una ai nyawa duru tahikangela, de ma titi ahi sade hiadono ngohi duru tihitipokouku Una. De ngaro hokogea ma dihira ngohi todiai, masara ka tamakeohi Ma Jou ai hininga ma mobole ngohino hiadono Una ko wohihohowonua ngaro ma dihira gea ngohi ko tingakuahi Unangika. Ho gea mata-mata todiai de duru ko tohiorikua abe talawana Ma Jou ai mauika.

1 Timotiusu 2:4

Abe Una gea ai mau wato o nyawa mata-mataika waduhunu manga howo-howonino, de Una woigo la o nyawa mata-mataika ihioriki de yataoko itiai ma gou-goungu.

Yakobusu 4:17

Ho naa ngohi tinihibehehongo nginika tato onagona dika abe ona ihiorikoka abe o totiai ma datoro moi tanu kiani yodiai masara gea ko yodiaiua, ona gea yahowonoka.

1 Yohanese 5:16

Ho naa ma titi moi abe ka idadi homagahoko Unangiye. Abe nako ngini nia gianongoru womatengo niwimake abe una wahowono, gea ka idadi niwigahoko Ma Jouiye ma titi una wahowo-howono gea la ko wohonengua ma titi ai howonino gea masara ka idadiohi wowango. Masara igoungu nako o howono naga ma rupa hinooto, abe utu to ena ma hohowono kiani ma nyawa Ma Jou wahohowono onangika de o hohonenge. Ho nako nia gianongoru wahowo-howono gea de ai howono ma rupa abe kiani Ma Jou wihohonenge, gea ngaro ufa dika de una gea niwigahoko Ma Jouiye. Masara nako to una gea ai howono ma rupa ko hokogenangua, gea de ahao ngini ka idadi niwigahoko Ma Jouiye la marai una ko waniikokaua ai howono gea hiadono ngaro ufa de Ma Jou wihohonenge unangika. De nako hokogea niwigahoko de idadi irahai, gea ngade-ngade imaketero hoka nia gianongoru wamakeohi ai wowango ma titi nia niniata gea angamoi Ma Jou Una winihigihene ngini.

1 Samuele 2:25

Abeika, nako o nyawa womatengo wahowono o nyawa utuika de ka idadiohi Ma Jou widuhunu. Masara nako una gea Ma Jou o Yaweika wahowono ko moiua naga abe ka idadi iwiduhunu. Marai ngini duru nihioriki gea igoungu e?” Hokogea o Eli ai dodaere ma demo masara o Hofini de o Pinehasa manga baba duru ko iwihigihenua. De ona ko iwihigihenua angamoi Ma Jou o Yawe womaputuhoka wato ona yahinooto gea wahohonenge.