Ho mangale ma titi Una wogogeruku o Horogaka de wokoano de hiadono wododamaa ma titi ai musu, genangino ka idadi hohioriki abe o Kristusu wagou-goungu wabootoka ai karajaanga ai huhubaino. Ho duru ko iwaka ai karajaanga la wonabangu ma titi nanga howo-howono, angamoi ma titi ai huhuba moiino gea de wonahitotiaioka ngone ai nyawa mata-mata, la genangoka de aino ngone duru hototiai ka hiado-adonika Ma Jou ai himangoka. Ho ngone abe ma dodihirainohi de wonahideeokau wato ahao hotebi-tebini ai himangoka, ngone duru wonahitotiaioka ma titi ai huhuba moiino gea la duru ko iwaka nanga howono ka hiado-adonika.
Ibarani 10:18 - Ma Jou ai Demo-demo o Totobelohoka18 Ho mangale ma titi nanga howono ma ngongofi idadioka abe gea nanga howono duru aofioka, ho gea ngaro ufa dika de o huhuba utuoli homahihuba ma titi nanga howono, angamoi nako Ma Jou ai himangoka gea to ngone nanga howono duru ko iwaka ka hiado-adonika ma titi o Yesusu Kristusu ai huhuba moiino gea. အခန်းကိုကြည့်ပါ။ |
Ibarani 10:18
4 ပူးပေါင်းရင်းမြစ်များ
Ho ahi gogianongoru, mangale ma titi o Yesusu ai awunino ho hiadono ngone naa hototiaioka Ma Jou ai himangoka. Ho ngaro o duniakahi naa homanoa, masara koaho ngone de nanga domoroinoka hiadono ka idadi ma oraha naa naga de homahitigi Ma Jouika de ko himodongua. Abe gea homahitigi Unangika, gea hatoli imaketero abe hoka ngone howohamika Ma Jou ai Ngi duru Kohamedebinika ai Tauoka la homahuba Unangika, de gea ko himodongua. Abe ma dodihiraino de gea ma goronaika o nyawa biaha ko idadiua yowohamika, masara naa de Una wonahidoaka ngoneino la imaketero hoka howohamika genangika angamoi ngone wonahigunoa la ma ora-orahiye de ka idadi homahitigi to Una ai himangino.
ကြော်ငြာတွေ