Huhupu 9:4 - Ma Jou ai Demo-demo o Totobelohoka

⁴ Masara naa ma moioli Ngohi Ma Jou o Yawe tinihikohowono ngini o Mesiiri ma nyawa de o Isiraele ma nyawa abe to ona manga aewani moioo de ko iwa abe ihonenge.

Huhupu 9:4 ပူးပေါင်းရင်းမြစ်များ

Huhupu 8:22

Masara ma oraha o gufuru gea Ngohi tohidingoto de tohiaturoo la ena gea ko iboaua ani tonaka ma honongaika o Gosene. Ho o gufuru gea ko yahikangelaua o Isiraele ma nyawa abe yogogere o Gosenoka. Ma hohowono naa ko yadaenua ahi nyawaika ho onangoka dika abe ko iwa o gufuru. Hokogea tohiaturu la ngona duru nohioriki abe Ngohi Ma Jou o Yawe naga to ngona ani tonakoka de nako to Ngohi ahi kuaha de to ngona ani kuaha, ka to Ngohiohi ahi kuaha iputurungu.

Maleaki 3:18

De ma wange gea de ma moioli idadi itararono nginika abe hokokia tahikohowono o totiai ma nyawa de o dorou ma nyawa, de abe duru yomakohowono ona ihitobaleleani Ngohino de ona abe ko yolegaikaua ahi mauika.” Hokogea Ma Jou o Yawe ai demo onangika.

Huhupu 12:13

De ma titi ti ngini nia domoro o nauru ko tatomaua gea ma titi o domba ma awunu naga nia ngorana ma liateoka. Abe ka de tamake nia dodunguu de Ngohi tinihiorikoka abe ngini, ahi nyawa, naga o tau ma goronaka gea. Abe Ngohi ka de toboa genangino de tamake o domba ma awunu gea de tinitilakuru de ko tinihibinaahaua ma, nako o Mesiiri ma nyawa mata-mataika ahi hohowono gea yadaene.” Hokogea Ma Jou wahingahu onangika.

Huhupu 10:23

Ho o Mesiiri ma nyawa ko yomahiorikua ho ko kiaikauahi yoiki, masara manga tonaka ma hononga abe genangoka o Isiraele ma nyawa yogogere, to ona manga ngioka naga ma dodararono.

Huhupu 9:5

De itebini dika de o panyake ma hohowono gea tohidingoto.”’ Hokogea, Musa, kiani nihingahu o Firaunika.” Ho Ma Jou ai demo gea o Musa wihingahu o Firaunika.

Huhupu 9:6

De igoungu, ma dawangeino de Ma Jou o Yawe wodiai duru imaketero hoka wohingahuoka. O Mesiiri ma nyawa manga aewani o dofo mata-mataika o panyake gea yakokidaene ho kohangoe ihonenge. Masara o Isiraele ma nyawa manga dofo moioo de ko ihonengua.

Huhupu 9:26

Masara Ma Jou wahidingakuku la gea o Mesiiri ma tonaka ma honongaka dika adaene. O tonaka ma hononga ma romanga o Gosene, abe o Isiraele ma nyawa yogogere genangoka ona ko yadaenua o es ma awana gea.

Huhupu 8:19

De ona yososawaro yotobamai-maihi gea iwitemo manga Firaunika ato, “Abeika, naa ma titi manga Jou to Una ai buturungino dika hiadono o heheranga naa inadaene de ngaro de ai hagaraara dika wonatumutu ngoneino!” Ngaro hokogea iwihingahu o Firaunika masara to una ai hiningaka ka womatogowinohi! Ho idadi imaketero de Ma Jou o Yawe wahingahuokau o Musa de o Harunika abe o Firaunu gea ko wahigihenua.