Huhupu 8:4 - Ma Jou ai Demo-demo o Totobelohoka

⁴ De ngaro ngona eko ani duduhunu de hiadono ani kokawaaha ngini mata-mataika homoi-homoiika nia kokibadangiye inikokidoa.”’ Hokogea ahi demo o Firaunika abe kiani ngona Musa nadofanga unangika.”

Huhupu 8:4 ပူးပေါင်းရင်းမြစ်များ

Higiriiri 107:40

Ho Ma Jou o Yawe duru ko wadosanangiua manga hihiraika gea, Ho wadogopoa o himaleke onanguku hiadono wahidadi, La ona gea yodadioka yopoparadidu ma nyawa o tonaka ma kakaahaka.

Huhupu 8:3

De angamoi o Nili ma akere aomanga de o popaa gea, ho kohangoe ahao ikokifarene ma akerino de ikokiboaino hiadono to ngona ani tau iningohama hiadono ani kamarika de ahao ani koioka ikokidoaiye o popaa kohangoe. De to ngona ani duduhunu manga kokitauika yakokingohama de ka hiadono ani kokawaahaikaoo ka yahikokioluino de o popaa. De inikokingohama ti ngini nia tau homoi-homoiika hiadono naga ma popaa gea imanoa nia roti ma haharongika, de nia boko-bokoluku genangikaoo imanoa, hiadono ngini initamunoka de o popaa.

Huhupu 8:5

De ahao Ma Jou o Yawe wihingahu o Musaika wato, “Naa kiani o Harunika nihulokoli la ma tutukunu gea wohitumutoli o akere ma jaga-jagaika de o lepa mata-mataika de o akere ma ngekomo yofaiti o nyawaino la genanginoo mata-mata ikokifareniye o popaa la manga tonaka aomanga de o aewani gea.”

Huhupu 8:24

De Ma Jou ai behehongo gea o Musa waniiki de ahao idadi Ma Jou o Yawe wahohowono o Mesiiri ma nyawa imaketero hoka wahingahuoka. Ho o Firaunu ai tau ma goronaka atamunoka de o gufuru de hokogenangoli yakokegetongoka o Mesiiri ma nyawa manga tau mata-mataika. De o gufuru kohangoe yangohama de duru yakolongunu o Mesiiri ma nyawa ona mata-mataika.

Huhupu 9:28

De o es ma awana de yokokuruuhu naa duru imihihawana de ngohi duru togahoko la ngini nimidemo ngomi Ma Jou o Yaweika la o bodito naa wohitogumu. De ngohi ko tinitumungokaua de naa ka idadi tinihigunoa la ngini nihupu.” Hokogea o Firaunu duru wogahoko o duduhunu o Musa de o Harunika.

Huhupu 10:17

Ho naa togahoko la ahi howono naa niaofi de nihiniata nia Jou o Yaweika la o hohowono abe ngade-ngade inahohonenge naa wagorakoka ngohino. O kabotara naa imihiwederoka ngomi ho kiani duru nimigahoko!” Hokogea o Firaunu ai toduba ma demo o Musa de o Harunika.

Gegetongo 21:7

De ahao ona utu yoboa o Musaino de yomangaku manga howono, ato, “Ngomi miahowonoka! Duru itorou wiwihigurubungu Ma Jou o Yaweika de mitemo ngonaikaoo duru itorou. Ho ngomi migahoko la ngona Musa, nomidemo Ma Jou o Yaweika. Nomigahoko la Una o dodiha naa wakokiduhuoka.” De manga gogahoko gea o Musa wohimoteke ho ai nyawa waniata.

1 Kokoano 13:6

De ahao ma koano o Yerobeama womagahoko Ma Jou ai uru ma dodofangika gea, wato, “Duru tomagahoko ngona nohigahoko ani Jouika la ahi giama idadi hoka ma dihirali.” Hokogea womagahoko de Ma Jou ai uru ma dodofanga widemo Ma Jou o Yaweika de ka itodokanino de ai giama itogumoka ho idadiokali hoka ma dihirali.