Huhupu 7:7 - Ma Jou ai Demo-demo o Totobelohoka

⁷ De ma oraha gea yotemo o Firaunika o Musa ai ngumuru adonoka ai taongo moritufange de ai riaka o Harunu ai ngumuru adonoka ai taongo moritufange de hange.

Huhupu 7:7 ပူးပေါင်းရင်းမြစ်များ

Dodadi 41:46

O Yusupu ai ngumuru adonoka ai taongo moruange ma oraha wodadi o Firaunu ai hiaturu ma demo ma dodofanga de ahao wileleani waika waino wohiaturu mata-mataika o Mesiiri ma tonaka ma amokika.

Huhupu 2:23

Ho de o taongo muruono ipopahaika ma dekana de o Mesiiroka manga koano o Firaunu una gea wohonengoka. Masara o Isiraele ai totoforauku gea ka yaribuutuohi yahikarajaanga hiadono ikiriakaholi ona ihigogururihi ma titi manga kangela ko yapoaua ma dubuho. De ona ka ihikaika o duduhunu yomagahoko Ma Jouiye.

Huhupu 7:8

De Ma Jou o Yawe wahingahu o Musa de o Harunika wato,

Gegetongo 33:39

De o Harunu ai ngumuru ai taongo o ratuhu moi de monaoko de hange adonoka ma oraha wohonenge ma lokuoka gea.

Hidingoto 7:23

“De o wange moiuku abe o Musa ai ngumuru adonoka ai taongo moruata de ipuda ai hiningaka la watutumu ai gogianongoru o Isiraele ma nyawa.

Hidingoto 7:30

De o Setefanusu wogila-gila wotemo wato, “De uku uku uku de o taongo moruata ipahali de ahao o Musa naga o tonaka ma kakaahaka abe itigi-tigino de o Sinai ma loku. De genangoka o malaekata womahimatoko o Musaika abe o uku itoka-tokara o gota moi ma dodipokouku ma goronaka.

Higalioli 29:5

De gea tinihihira-hira o tonaka ma kakaahaino nia taongo moruata ma dekanino, de ngaro hokogea masara nia pakeanga de nia sandaala ko ibabitua.

Higalioli 31:2

Abe una wotemo wato, “Ngohi naa ahi ngumuru adonoka ahi taongo o ratuhu moi de monaoko. Ho marai ko takunokaua tinihihira-hira ngini, de hongoli Ma Jou wohihingahuoka wato ngohi ko idadiua tomahihora doka o Yorodani ma akere ma honongaika.

Higalioli 34:7

De ngaro ma oraha o Musa wohonenge duru iwiperekioka, abe ai ngumuru adonoka ai taongo o ratuhu moi de monaoko, masara nako ai lako duru ka idodonohi de una de ai buturungokahi ka hiadono ai ngomaha itoaka.

Yosua 24:5

De Ma Jou wohigila-gila de ai hohininga ma ade-ade wato, “De nia totofora ona ika-ika yokangela o Mesiiroka de Ngohi taduhunu onangika abe tahidingoto o ria-dodoto o Musa de o Harunu onangika. De o Musa de o Harunu tapake la yahinootoino gea Ngohi duru tohiboa o kokangela ma hohowono o Mesiiri ma nyawaika! De o kokangela onangika imakiniiki de ahi duduhunu nia totoforaika abe hokogea todiai la ka idadi ona tahihupu o Mesiiri ma tonakino.