Huhupu 7:6 - Ma Jou ai Demo-demo o Totobelohoka

⁶ Ho o Musa de o Harunu ihidodiai yaniiki mata-mata Ma Jou o Yawe ai demo onangika.

Huhupu 7:6 ပူးပေါင်းရင်းမြစ်များ

Huhupu 7:2

Ho ahi demo mata-mata tonihingahuoka ngonaika ahao ngonali nihingahu o Harunika. De ahao ahi demo gea o Harunoli wadofanga o Firaunika. Ho gea o Harunu abe ahao wogahoko o Firaunika la o Isiraele ma nyawa ka wahigunoa yohupu o Mesiirino.

Huhupu 7:10

Hokogea Ma Jou wahuloko o Musa de o Harunika ho yoiki o Firaunika. De o Harunu waso ma tutukunu ho ena gea una waumo o Firaunu de ai duduhunu manga himanguku de ai tutukunu gea idadi o dodiha.

Dodadi 6:22

De o Nuhi wihingounu Ma Jou abe wodiai mata-mata wataana abe Ma Jou wihibehehongoka unangika.

Yohanese 15:14

De ngini naa nidadioka ahi dodiawo nako nidiai hoka tinihibehehongoka.”

Yohanese 15:10

De gea kiani nihihingounu. Ngohi tohingounu ahi Baba ai behehongo mata-mata ho ka ihikaika tomanoa ai doraka. De imaketero hokogea nginioo ka ihikaika nimanoa ahi doraka iti ahi behehongo nihingounu.

Huhupu 40:16

Hokogea Ma Jou o Yawe wihibehehongo o Musaika de o Musa wodiai duru waniiki itiai Ma Jou ai behehongo mata-mata gea.

Huhupu 39:43

De ahao o Musa watailako manga karajaanga mata-mata gea de duru itaana yodiai itiai abe duru ona yomahidodiai yokarajaanga yaniiki Ma Jou ai behehongo abe wihingahu o Musaika. Ho ka de watailako ibooto de o Musa duru wosanangi hiadono wahikokiowa onangika abe yokokarajaanga.

Huhupu 12:28

De o Isiraele ma nyawa ihingounu Ma Jou ai behehongo mata-mata gea abe o Musa de o Harunu yahuloko onangika la yodiai.

Dodadi 22:18

De to ngona ani totoforaukuino o nyawa mata-mataika o dunia ma amokika yamake ma owa. Abe ngaro o kiaka dika yogogere manga dutu masara ma owa yakokimake. De ma owa gea yamake angamoi ngona naa nohihingounu Ngohi Ma Jou o Yawe.” Hokogea Ma Jou ai behehongo de ai hiowa ma demo abe o malaekata wihingahu o Abarahaamika.

Dodadi 7:5

De o Nuhi, abe mata-mata Ma Jou o Yawe wihibehehongoka, gea ko moiua abe ko wodiaiua, masara mata-mataika wodiai duru imaketero de abe wihibehehongoka.

Huhupu 7:20

Ho ona yodiai duru imaketero hoka Ma Jou o Yawe wahibehehongoka. De ma oraha o Harunu ma tutukunu wagoraka de wapoha o Nili ma akeruku gea. De gea wodiai duru o Firaunu de ai duduhunu manga himangoka. De ka de to Musa ai tutukunu ma dekara adaene o akeruku de itodokanino o Nili ma akere ma amokika gea idadioka o awunu!