Huhupu 7:1 - Ma Jou ai Demo-demo o Totobelohoka

¹ De Ma Jou o Yawe wotemoli wato, “Musa, naa ngona nototoihene ahi mau ngini inihinootoika. Ngohi ahao tonihikuaha ngonaika la tonihidadi abe ngona hoka Ma Jou o Firaunika de nako ani riaka o Harunu, una gea tihidadi hoka to ngona ani uru ma dodofanga.

Huhupu 7:1 ပူးပေါင်းရင်းမြစ်များ

Dodadi 19:21

De o Loti ai demo gea o malaekata iwigihene ho womatengo wipaluhu o Lotika wato, “Nako hokogea ka idadi! Nenangoli tonihigunoa nodiai ho o kapongo gea ahao ko tohibinaahaua.

1 Kokoano 17:23

De o Elia wigoraka witotiri wihiguti o tau ma goronauku de wihigilio ngoi meme ami giamika. De una wato, “Abeika hobata, ani ngofaka naa ka wowangokali!”

2 Kokoano 6:32

De una womahikoboto ipahaino de ahao wihidingoto ai nyawa womatengo la woiki o Elisa ai tauika de wiaoino ma koano ai himangino. De o Elisa naga ai tauoka de nagali o Samaria manga hihira yamuruono naga yomakoketemo de una ai tau ma goronaka. De ma koano ai hidingoto ma nyawa ko womahiadonuahi de o Elisa wotemo o Samaria manga hihiraika gea ma titi manga koano wato, “Naa tinihingahu dika abe naga o tobatoma ma nyawa abe wihidingoto ai nyawa womatengo ngohino. De o tobatoma ma nyawa gea wohihideeoka wato ahi pea watobiki. De ma oraha naa ma nyawa gea ngade-ngade womahiadono naangino. Ho ma oraha una woboa ahi ngoranino de ngini kiani duru niogoana ma ngorana la ufa wowohamino. De marai to una ai baluhu, ma koano, marai unangoo bootino woboaino abe wihidoduruino ai hidingoto ma nyawaino. Ho kiani nihidodiai niogoana ma ngorana.”

Higiriiri 82:6

De ahao naga Ma Jou ai putuhu abe wahohowono onangika wato, “Ngohi tato ngini igoungu o jou-jou, abe ngini mata-mata duru de nia kuahaka.

Huhupu 16:29

Ngini kiani nihiorikoo o Hiaini ma wange ma titi abe Ngohi Ma Jou o Yawe tinihidoaka o wange gea la duru igou-goungu ngini nimahiaini. Gea ma titi hiadono o wange ma butaangaka de tinihidoaka nia inomo la iniwedono o wange hinootoino gea. Ho o wange tumidi gea de kiani ngini mata-mataika nimarii-riidoka nia tauoka. Ko idadiua nitagi-tagi o Hiaini ma wangeoka.” Hokogea Ma Jou wataere.

Hidingoto 7:7

De gea Ma Jou wihibehehongo o Abarahaamika wato, ‘Ahao ma nyawa gea abe yahikangela ani totoforauku de yahidadi to ona manga gogilaongo, ma nyawa gea ahao tahohowono. De ipahaino de ani totoforauku ka idadi yohupu o homoa ma nyawa gea manga giamoka de yaino la yoboa nenangino de yomahuba-huba Ngohino.’ Hokogea Ma Jou ai behehongo o Abarahaamika.