Huhupu 6:3 - Ma Jou ai Demo-demo o Totobelohoka

³ De Ngohi abe tomahimatoko o Abarahaamika, de o Isakika, de o Yakubika masara tomafetongo onangika Ngohi Ma Jou Tokokurutiye abe mata-mataika naga ahi kuaha, masara ani tofora yahange gea Ngohi ko tahingahua onangika ahi romanga Ma Jou o Yawe.

Huhupu 6:3 ပူးပေါင်းရင်းမြစ်များ

Dodadi 13:18

Ho gea o Abaraama ai tau mata-mata wakiliangoli de woikoli hiadono o Heborono ma tonakika, de naga genangoka o ngi moioka o gota abe ma ago-agomo. De o gota gea de ma dutuoka de ma dutu gea ai romanga o Mamere, ho ma ngioo ihitoomuika ma dutuika ai romangika ho ma ngi gea ma romanga o Mamere. De o Abaraama wato una de ai nyawa yogogere o Mameroka gea ho ona ihigokokali manga tau o ngoerino mata-mataika. De genangokali o Abaraama wodiai manga huhuba ma ngi la ka idadi o aewani yaleino la yomahihuba Ma Jou o Yaweiye.

Dodadi 17:1

De o taongo ngimoi de hange ipahaika de o Abaraama ai ngumuru adonoka ai taongo morihiwo de hiwo. De ahao Ma Jou o Yawe womahimatokoli unangika de wihingahu wato, “Abaraama, Ngohi naa Ma Jou Tokokurutiye abe o kia dika tato todiai gea ka idadi todiai. Ngona ahi himangoka kiani nowango itiai la ko iwa moi tamake ani datoroka abe ka idadi tonitaere.

Dodadi 22:14

De o Abarahaama wato, “O ngi naa tohiromanga Ma Jou o Yawe Wohidodailako.” Ho gea ma titi hiadono ma oraha naa o nyawa ka ihiromangohi ato, “Ma Jou o Yawe ai lokuoka ahao ka wohidodailakokali.”

Dodadi 28:3

De naa tonigahoko la ahao Ma Jou Wopoputurungu wonihiowa hiadono duru nifaa-faatuku hiadono wonihidadi o nyawa manga ngoe manga dutu ho ani totoforauku duru yowoe-woeuku.

Dodadi 35:11

De Ma Jou wohigila-gila wotemo o Isiraelika wato, “Ngohi Ma Jou Tokokurutiye abe mata-mataika naga ahi kuahaka de naa tonihibehehongo la ngini nifaa-faatuku la o dunia niaomangoka de o nyawa. To Ngohi ahi mau la ngini abe nimahiromanga o Isiraele ma nyawa nidadi o dutu moi ma amoko o duniaka. De ahao ngona o Isiraele naga o dutu manga ngoeoli yomaboa de hiadono naga o kokoano abe yomaboa to ngona ani totoforaukuino.

Dodadi 48:3

Ho gea yowohama o Yakubika de witemo o Yusupika wato, “Ahi ngofaka, naa moi kiani toniade-ade ngonaika ma titi Ma Jou ai behehongo ngoneino. Abe ngohi ma moiuku o Beteloka abe ma ngi gea naga ma romanga moioli o Luusu de genangoka Ma Jou Wokokurutiye womahimatoko ngohino.

Huhupu 15:3

Ma Jou o Yawe ka Unangohi woputurungu woparangi, De igoungu to Una ai romanga gea Ma Jou o Yawe.

Huhupu 23:21

Ho ngini niwitoihene Ma Jou ai malaekata la niwihingounu ai demoika. Ufa ngini niwilawana angamoi una to Ngohi ahi demo ma dodofanga nginika hiadono ahi romanga naga unangokaoo, ho nia howono ko waofiua.

Huhupu 3:14

De Ma Jou womahingahu o Musaika wato, “Ngohi Naga abe Ngohi Naga, ho nahingahu onangika nato Una abe wohihidingoto nginino naa womahiromanga, Ngohi Naga abe Ngohi Naga.” Hokogea Ma Jou womafetongo o Musaika.

Yohanese 8:58

De o Yesusu wapaluhu onangika wato, “Naa duru tagoungu tinihingahu nginika, o Abarahaama gea ko womaboauahi de Ngohi Naga.”

Himatoko 1:4

De naa ngohi o Yohanese tinihurata abe ngini ahi gogianongoru o gareja tumidika, de abe nia gareja ma doomu tumidi gea naga nimanoa o Asia ma propinsioka. De ngohi tinigahoko Ma Jouiye de tonganono la to Una ai owa de ai hininga ma miriidi winihidoaka nginika. De Una gea abe ma oraha naa Una nagahi, de Una ngaro ka hiado-adonino ma Una nagau, de ngaro ka hiado-adonika ma Una gea ka wowangohi. De to Una ai kadera duru ma hohailoa ma himangoka de naga genangoka Ma Jou o Womaha ko wokurangua ma duru wongodu-ngodumu.

Ruutu 1:20

Masara o ngo Naomi mopaluhu mato, “Ufa ngini nihihiromangohi o ngo Tobasanangi, masara kiani nihihiromangoli o ngo Tobamali angamoi Una Wokokurutiye wohiaturu la o huha dika tamake hiadono ahi wowangoka ma mali dika.