Huhupu 5:3 - Ma Jou ai Demo-demo o Totobelohoka

³ De manga horomati o Harunu de o Musa ihigalioli unangika ato, “Mia koano hokonaa, Ma Jou gea abe ngomi o Ibarani ma nyawa mimahuba-huba Unangika. De gea Una ma hirete abe woboa womihuloko ngomino. Ho naa mimagahoko ngonaika la ngaro o wange hangeino dika ma dodagi iti ngomi o tonaka ma kakaahaika mihihononga miloikoka angamoi hokogea Ma Jou o Yawe womihuloko la mimahuba Unangika genangoka. Abe nako ngomi ko wiwihingounua ai huhulokika gea done womihohowono de o panyake eko de o humaranga.” Hokogea de manga horomati yomagahoko o Firaunika.

Huhupu 5:3 ပူးပေါင်းရင်းမြစ်များ

2 Kokoano 17:25

De ona abe o homoa ma nyawa genangoka yogogere, onangoo ngaro manga gogere Ma Jou o Yawe ai behehongo ma tonakoka masara onangoo ko yomahubauahi Ma Jou o Yaweika. Ho mangale ma titi gea Una ahao wohidingoto o boki abe o singa ma ago-agomo la o homoa ma nyawa utu yatoma genangoka.

Huhupu 3:18

“Musa, hokogea Ngohi Ma Jou ahi demo onangika nahingahu o Isiraele manga balu-baluhika de ona ahao inihigihene ngona. De ahao ngona de manga balu-baluhu gea kiani nimakiniiki niloiki o Mesiiri manga koanoika de niwitemo unangika niato, ‘Mia koano, ngomi o Ibarani ma nyawa naga to ngomi mia Jou ai romanga Ma Jou o Yawe, de Una gea womitutumoka de womahimatoko ngomino. Ho naa ngomi mimagahoko la ngona nomihigunoa miloiki o tonaka ma kakaahaika, abe o wange hangeino mia dodagi, la genangoka mimahuba Ma Jou o Yaweika.’ Hokogea ngini nimagahoko o Mesiiri ma nyawa manga koanoika.”

Huhupu 7:16

Ho ka de o Firaunu woboaka de niwibuhuku de o demo hokonaa niato, ‘Mia koano, Ma Jou o Yawe abe o Ibarani ma nyawa yomahuba-huba Unangiye, Una gea womihuloko la miboa minihingahu ai demo ngonaika abe Una wato, “Ngona o Firaunu kiani nahigunoa ahi nyawa yohupu o Mesiiri ma tonakino naa la yomahuba Ngohiye o tonaka ma kakaahaka.” Hokogea Ma Jou ai behehongo ngonaika masara ngona ko nihigihenua.’”

Huhupu 8:1

De o wange tumidoka de ahao Ma Jou o Yawe wihibehehongoli o Musaika wato, “Musa, nohigalioli noiki o Firaunika de nihingahu unangika nato, ‘Ahi koano, Ma Jou o Yawe wonihuloko ngonaika wato, “Ngona kiani nahigunoa ahi nyawa yohupu o Mesiiri ma tonakino la ka idadi yomahuba Ngohiye.

Huhupu 8:20

De ahao Ma Jou o Yawe wihingahu o Musaika wato, “O Firaunu gea ko wohihigihenuahi ho naa kiani nitutumoli. Ho ngona nomomiki duru o ngorumino la ka idadi o Firaunu nibuhuku ma oraha wouti o akeruku de ahi huhuloko unangika nohigalioli de nihingahu nato, ‘Ahi koano, Ma Jou o Yawe ai demo ngonaika hokonaa wato, “Ngona kiani nahigunoa ahi nyawa yohupu o Mesiiri ma tonakino la ka idadi yomahuba Ngohiye.

Huhupu 8:27

“Ngomi kiani miloikohi mia wange hange mia dodagi de ahao mimahiadono mia dumutika abe Ma Jou o Yawe womihibehehongoka, de genangoka ahao ngomi kiani mimahihuba Unangika.” Hokogea o Musa wihiree-reeika wihingahu o Firaunika.