Huhupu 5:2 - Ma Jou ai Demo-demo o Totobelohoka

² Masara o Firaunu ka de hokogea woihene de wapaluhu onangika wato, “Onaguna Ma Jou o Yawe, hiadono gea niato kiani ngohi tihigihene! Ngohi duru ko tihiorikua Ma Jou o Yawe gea de ko tahigunoaua o Isiraele ma nyawa ahi tonaka yanoa!” Hokogea o Firaunu duru wahiree-reeika.

Huhupu 5:2 ပူးပေါင်းရင်းမြစ်များ

Huhupu 3:19

“Masara Ngohi manga koano gea tihiorikoka abe ahao ko winihigunoaua ngini niloiki. Ho kiani Ngohi todiai ai hiningaka ka hiadono womodeke.

Huhupu 7:17

De ahao ngona o Musa kiani nihingahuohi to Ngohi ahi demo o Firaunika nato, “Ho naa Ma Jou o Yawe wodiai la ngona de ani nyawa ahao duru winihihohowono de nia akere abe to Una ai demo ngonaika hokonaa, wato, ‘Ahi koano, naa ena todiai la ngona duru nohihioriki abe Ngohi igoungu Ma Jou o Yawe! De hokonaa ahao idadi, abe ka de o Nili ma akere Ngohi tohipoha de o tutukunu ahi giamoka naa de ma akere gea idadi o awunu!

Yohanese 16:3

Hokogea yodiai angamoi ona gea o Baba ko iwihiorikua de Ngohioo ko ihihiorikua.

Roma 1:28

De ona gea yomaputuhoka ato ko iwihiningakauali ma titi Ma Jou. Ho mangale ma titi manga hiningaka hokogea yomaputuhu, ho Ma Jouoli womaputuhu ma titi ona abe wahidoaka onangika la to ona manga hiningaka gea yotula-tulaka dika, abe manga datoro gea duru ko itiaiua.

2 Tesalonika 1:8

de naga onangoka moi o uku abe ma dokara duru kohaamoko abe ona gea yahigilolitino. De ma oraha gea nanga Baluhu woboali de ahao Una wahibalaha de wahohowono onangika abe ona gea iwiporetoka Ma Jouika hiadono ko iwihiorikua. Angamoi ona duru yoluku ihigihene de ihingounu abe o Abari ma Rorahaiika abe ma titi nanga Baluhu idodutu o Yesusu.

Hihira 2:10

Ho ona abe yowango yomakutuono ma oraha yokokiwohama o Kanani ma tonakika naa ihidotoomuinoka manga totoforaka abe ma titi ona yokokihonengoka. Ho ona gea yokokihonengoka de to ona manga ngofa-ngofaka de manga dano-danonguku yobaluhiye masara ko yomahijouokaua Ma Jou o Yaweika. De ona ko yomahihohiningakaua Ma Jou o Yawe ai buturungu abe ma dodihiraino waduhunu o Isiraele ma nyawa manga dodagi ma kangela ma goronaino.

1 Samuele 2:12

O Eli ai ngofaka yahinooto, o Hofini de o Pinehasa, to ona manga karajaanga yahidemo o Isiraele ma nyawa Ma Jou o Yaweika. Masara ona gea o nau-nauru abe manga datoro itorou dika de ko iwa manga horomati Ma Jou o Yaweika.

1 Samuele 25:10

Masara gea o Nabala ai demo itorou onangika abe una wato, “Nako o Dautu abe o Isai ai ngofaka, una gea tanu onaguna? Angamoi igoungu ma oraha naa naga o huhuloko ma nyawa manga ngoe abe ona ka yoara dika manga dutuoka de yaika de ko yahingounokaua. De bote hokogea dika to Dautu ai hininga ma dorou hiadono wiporete ai koano o Saulika de woara unangoka de waika.