De o Musa wipaluhu wato, “Ngomi mata-mata kiani mingodumu miloiki la ka idadi mihirame-rame ma amoko ma titi mia horomati Ma Jou o Yaweika. Ho to ngomi mia ngofa-ngofaka o nauru de o ngofeka, de o bobereki, de ngaro mia duduono mia aewani o dofo, ma, mata-mata ka ma moi miakokiao ma oraha miloiki.” Hokogea o Musa wihitararono o Firaunika.
Huhupu 5:1 - Ma Jou ai Demo-demo o Totobelohoka1 O Musa de o Harunu manga hingahu o Isiraele ma nyawaika ibooto de ahao yoikoli o Firaunika la unangoli iwihimanga de iwihingahu. Ho yomahiadono o koanoika de iwihingahu ato, “Mia koano, ngomi naa miboa la minihingahu Ma Jou o Yawe ai demo ngonaika. Ma Jou o Yawe, Una to ngomi o Isiraele ma nyawa mia Jou, de hokonaa ai demo ngonaika wato, ‘Kiani nahigunoa ahi nyawa yohupu o Mesiirino la yoiki o tonaka ma kakaahaika de genangoka yomahuba de yorame-rame Ngohiye.’” အခန်းကိုကြည့်ပါ။ |
Huhupu 5:1
26 ပူးပေါင်းရင်းမြစ်များ
Ho ka de o Elia gea o Ahaba witutumu o Naboto ai redioka de o Ahaba wibanarata o Eliaika, wato, “Ho ngona! Abeika ahi musu wohilingiri de wohimakeoka!” De o Elia wipaluhu, wato, “Nagoungu, tonimakeoka de ngohi toboa angamoi ngona nomafukunoka o howo-howonika abe duru itorou Ma Jou o Yawe ai himangoka.”
“Musa, hokogea Ngohi Ma Jou ahi demo onangika nahingahu o Isiraele manga balu-baluhika de ona ahao inihigihene ngona. De ahao ngona de manga balu-baluhu gea kiani nimakiniiki niloiki o Mesiiri manga koanoika de niwitemo unangika niato, ‘Mia koano, ngomi o Ibarani ma nyawa naga to ngomi mia Jou ai romanga Ma Jou o Yawe, de Una gea womitutumoka de womahimatoko ngomino. Ho naa ngomi mimagahoko la ngona nomihigunoa miloiki o tonaka ma kakaahaika, abe o wange hangeino mia dodagi, la genangoka mimahuba Ma Jou o Yaweika.’ Hokogea ngini nimagahoko o Mesiiri ma nyawa manga koanoika.”
De imaketero hoka o Totilakuru ma rame-rameoka de duru ko yapakeua o ragi, ho ngoneoli naa tonahigaro tato ufa hapake nanga ragi ma dekanoka gea ma dorou de gea ena abe ko itiaiua. Masara koaho ma roti abe ko iwa ma ragi, de gea hohiromanga hato ma roti abe ma rorahai de ma gou-goungu, koaho ma roti gea hapake nanga wowangoka.
De to Una ai demo o Yesusu wohigila-gilahi wato, “De naa tohigalioli ahi demo abe tato ufa niamodongo o nyawaika. Angamoi ngaro o nyawa inihikangela nginika de inihidee la ato initoma, ma gea ti ngini nia badanga dika abe ka idadi yatoma. De nako ti ngini nia jiwa, gea o nyawa ko yakunua yahohonenge enangika, masara abe nako Ma Jou, Una dika ka idadi wahibinaaha o nyawa manga badangoo de manga jiwaoo o Naraka ma ukuika. Ho koaho niwimodongo Unangika dika de niwihoromati ma titi ai kuaha kohaamoko gea.”
De nagali ahao o gogubernuuru de o kokoano manga hima-himangoka nimaokoino angamoi o nyawa initae nginika abe ma titi ngini nihinii-niiki Ngohi. De genangoka ngini ka idadi nimahingahu onangika ma titi nia ngongaku Ngohino. De gea hiadono ona utu ko o Yahudi ma nyawaua abe naga genangoka, onangikaoo ka idadi nimahingahu ma titi Ngohi.
De dokengika abe ma oraha adonoka de o Siono ma lokuoka naa de Ma Jou o Yawe Wokokurutiye ahao wahidiai o ngolo-ngolomo ma amoko duru ma rorahai. Abe ai ngolo-ngolomoka gea de wahiolomo o dunia ma nyawa mata-mataika de ma roehe de ma hakioka de ma ngokere gea o angguru ma gohaka ma teongo duru ma rahai. Ho ma inomo de ma ngokere gea ngaro mata-mataika masara duru ka enangohi ma jame de ma rorahai.
Ho hiadono tonihuloko kiani ngona o Firaunu nahigunoa la ahi nyawa ani tonakino naa yohupu la ka idadi yoboa Ngohino de yomahuba Ngohiye. Masara naa tonihitiari ngonaika nako ngona ka nolukohi ahi ngofaka o domoro yohupu de ahao Ngohi to ngona ani ngofaka o domoro titoma.’ Hokogea Musa kiani nihingahu o Firaunika.” Hokogea Ma Jou ai demo o Musaika.
Ho ka de o Firaunu woboaka de niwibuhuku de o demo hokonaa niato, ‘Mia koano, Ma Jou o Yawe abe o Ibarani ma nyawa yomahuba-huba Unangiye, Una gea womihuloko la miboa minihingahu ai demo ngonaika abe Una wato, “Ngona o Firaunu kiani nahigunoa ahi nyawa yohupu o Mesiiri ma tonakino naa la yomahuba Ngohiye o tonaka ma kakaahaka.” Hokogea Ma Jou ai behehongo ngonaika masara ngona ko nihigihenua.’”
De ahao Ma Jou o Yawe wihingahu o Musaika wato, “O Firaunu gea ko wohihigihenuahi ho naa kiani nitutumoli. Ho ngona nomomiki duru o ngorumino la ka idadi o Firaunu nibuhuku ma oraha wouti o akeruku de ahi huhuloko unangika nohigalioli de nihingahu nato, ‘Ahi koano, Ma Jou o Yawe ai demo ngonaika hokonaa wato, “Ngona kiani nahigunoa ahi nyawa yohupu o Mesiiri ma tonakino la ka idadi yomahuba Ngohiye.
Ho nako hokogea ngohi tonihisanangi toigo nohidotoko abe to Ngona ani mau la utuohi duru tonihioriki de toniniiki hiadono ka ihikaika tonihisanangi Ngonaika. De ngohi o nyawa manga ngoe naa onangoo tagahoko abe ona kiani nahininga abe Ngona nahidadioka to Ngona ani nyawa.” Hokogea o Musa womahingahu Ma Jouika.
Hokogea Ma Jou wahuloko ho hokogea o Musa de o Harunu yodiai. De ka de o Harunu ai tutukunu gea wagoraka de wapoha o tonaka ma kuhuhunuku de gea idadi o hihiri kohangoe de duru yagoli-goli o nyawa de o aewani mata-mataika. Abe o tonaka ma kokuhuhunu o Mesiiri ma tonaka mata-mataika idadiokau o hihiri.
De ahao Ma Jou o Yawe wihibehehongoli o Musaika wato, “Musa, nohigalioli noiki o Firaunika de nihingahu unangika nato, ‘Ahi koano, Ma Jou o Yawe abe o Ibarani ma nyawa manga Jou, wonihulokoka ngonaika wato, “Ngona o Firaunu kiani nahigunoa ahi nyawa yohupu o Mesiiri ma tonakino la ka idadi yomahuba Ngohiye.
Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.
ကြော်ငြာတွေ