De hokonaa Ma Jou ai Tau o Ngoerino ma hiaturu abe wihingahu o Musaika, wato, “Ngini kiani nidiai o peti moi abe idadi o Behehongo ma Peti de gea nidiai o akasia ma gotaino de ma gurutu niatuga o senti o ratuhu moi de ngimoi de ma ngoata de ma gurutiye imaketero niatuga o senti moributaanga de butaanga.
Huhupu 40:3 - Ma Jou ai Demo-demo o Totobelohoka3 De kiani o Behehongo ma Peti nihingohama o Debi-debini ma Ngi abe Ngohi Ma Jou Tomadingakino de ahao niatatoko de o dadatoko ma ngoere gea. အခန်းကိုကြည့်ပါ။ |
Huhupu 40:3
16 ပူးပေါင်းရင်းမြစ်များ
De ahao o dadamunu ma lokuoka gea homakamake Ngohi de ngona abe o malaekata o Kerubu ma hinooto ma hidogoronaka. Abe genangoka o Kerubu ma gafuufu ma timiuku de o dadamunu ma lokuoka duru genangoka Ngohi naga de genangoka ahao tonitemo ngonaika. Ho o Peti ma dadamunu gea idadi o Hikadame ma Ngi abe o malaekata o Kerubu o gurasino ma hidogoronaka abe imarihimangino de imaboriponuku o Behehongo ma Peti ma lokuoka. Duru genangoka Ngohi ahao tonihingahu ahi behehongo abe kiani o Isiraele ma nyawa yaniiki.” Hokogea Ma Jou wihibehehongo o Musaika ai Peti ma hiaturu de ma duduga.
De Ma Jou wohigila-gila ai hingahu o Musaika wato, “De Musa, ahi Tau o Ngoerino doka ma goronaka mata-mataika o Debi-debini ma Ngi masara kiani ngini niokadingaka de niobatingi de o ngoere abe niadide. Hokogea niobatingi de ma hononga abe o ngoranino niwohama nihiromanga o Debi-debini ma Ngi. Masara dokali ma honongaka abe ahi Peti genangoka ena gea ngini nihiromanga o Debi-debini ma Ngi abe Ngohi Ma Jou Tomadingakino. De ma dadatoko o ngoerino gea kiani ona abe duru yososawaro yapake yodumo de o lawe ma alu-aluhu de o lawe o domba ma gogoino abe niatonoka o solouku abe ma bihi-bihi ma dutu, de utu ma solo ma wuu-wuuku, de utu ma solo ma doka-dokaruku. De kiani o dadatoko ma ngoere gea yoguriti ma bunga-bunga ma rupa hoka o malaekata o Kerubu abe ka enangohi de ma kuahaka. De la ka idadi niadide ma ngoere gea kiani niodiai o liate iata o akasia ma gotaino abe niahawoka de o gurasi ma dutu. De o liate gea amomoiika nidiai de ma lalaketoka abe enangoo o gurasino. Ma liate iata gea nidiai ibooto de ahao amomoiika nihigoko la ma lifunu nihipasi o liate ma nanaouku abe nidiai o haakaino. Ho ka de o dadatoko o ngoerino gea niadide ibooto de gea nihikatingakoka o Debi-debini ma Ngi de o Debi-debini ma Ngi abe Ngohi Tomadingakino. Ho ahao o Behehongo ma Peti niakelenga abe doka o Ngi ma Debi-debinoka abe enangohi tomadingakoka Ngohino.
De doka ma tau ma goronaka ahao naga niakelenga o Behehongo ma Peti de to ena ma momoku, de ma dadamunu abe idadi o Hikadame ma Ngi. De gea ena mata-mata ngini nidiai de nihingohama ibooto de ahao ngone hatatoko de o ngoere abe idadi hoka o dadaduhu. De o ngoere gea hadide ma hidogoronaino la idadi Ma Jou ai Peti ma dadatoko.
Gea o Harunu wodiai ibooto de ahao wohupu wogilio o Huhuba iharo-harongo ma ngiika de ai huhuba o hapi ma awunu wale de wowohamoli o Debi-debini ma Ngiika abe Ngohi tomadingakino. De naa o Harunu ai hagaraara ma dekara watonouku o hapi ma awunuku de wodopopoto daku o Hikadame ma Ngi ma himangoka de ahao wodopopotoli ma tumidino dau o Behehongo ma Peti ma pahagika abe ma himangoka.”
De ahao daku o Horogaka ifelenga Ma Jou ai Tau ma hohailoa de gea ngohi ka idadi tamake gea ma goronaka naga Ma Jou ai Behehongo ma Peti, de ma peti gea idadi o hohininga abe ma titi to Una ai behehongo ai nyawaika. De ahao ka itodokanino de yoleletongo ma ngoeika de yokuruuhu duru yoliarika, de naga ma tonakoo ihikelu-kelu, de nagali o es ma awana ma dodogowini ipurarahuku dau o duniauku.
ကြော်ငြာတွေ