Huhupu 4:2 - Ma Jou ai Demo-demo o Totobelohoka

² Ka de hokogea o Musa womademo de Ma Jou wileha unangika wato, “Gea ani kia nasoino?” De o Musa wopaluhu wato, “Naa ahi tutukunu abe tapake o domba de o kabingi togoana.”

Huhupu 4:2 ပူးပေါင်းရင်းမြစ်များ

Dodadi 30:37

De ahao o Yakubu waleino o gota ma dori o fara muruono naga abe ma roma-romanga o hawara, o badama, de o baa-baanga. De gea ma dori-dori wale ibooto de homoi-homoiika ma kai wakorioka la ihikokatoakika ma bunga ma ngoe.

2 Kokoano 4:2

De o Elisa una womileha, wato, “Abeika, hokokia ngohi ka idadi toniduhunu? Ihira ngona nohihingahu ngohino abe ma kiahonanga o kia naga ani tau ma goronaka.” De muna mipaluhu, mato, “Ahi baluhu, duru ka o saitunu ma minya o boto moi dika naga ngohioka.”

Huhupu 4:17

De kiani to ngona ani tutukunu gea nao la de gea ena nohidadi o heheranga o nyawa manga himangoka.” Hokogea Ma Jou wihingahu ibooto o Musaika.

Huhupu 4:20

Ho ka de gea woihene de o Musa ngoi fekata de ai ngofa-ngofaka wahibarene ai keledaiuku de yosobo manga dumutu o Mesiiri ma tonakika. De ai tutukunu abe Ma Jou womadingakoka la wapake gea o Musa wasoino ai giamoka.

Huhupu 7:15

Ho ngini o ngoru-ngorumino niloiki o Nili ma akerika abe genangika o Firaunu ai biaha o ngoru-ngorumiye wotobauti o akeruku. Genangoka kiani niwitutumoli de o tutukunu gea abe ka imadadi o dodiha, ena gea kiani niao. De kiani ngini nihiraika nimahiadono ma ngiika gea la niwidamaa genangoka.

Huhupu 7:9

“Marai o koano gea ahao winihuloko la o dodunguu nidiai la gea nimahitaana abe gea Ngohi tinihuloko ho hiadono niboa unangino. Ho ka de wogahoko o heheranga hokogea de ahao ngona Musa nihibehehongo o Harunika nato, ‘O tutukunu ani giamoka gea abe hapake o domba hogoa-goana gea ena naumo ai himanguku.’ Ka de gea o Harunu wodiai de ma tutukunu gea idadi o dodiha.”

Yesaya 11:4

De ngaro o hu-huha ma nyawa masara una waurusu de ai hininga ma totiaiino, de nako ona abe hatoli ko kia-kiaua adaene o duniaka, onangoo waurusu itiai la ufa o nyawa yao ko itiaiua. Masara nagali ona abe yotobadiai itorou, de to una ai putuhu onangika gea o hohowono ma dodubuho imaketero hoka o boboha ai uruoka de aino adaene onangika. Ho ma titi ai uruino dika de o dorou ma nyawa wahohonenge.