Huhupu 11:3 - Ma Jou ai Demo-demo o Totobelohoka

³ Hokogea ma dihirainohi de Ma Jou o Yawe wohiaturokau la ahao hokogea idadi abe o Mesiiri ma nyawa ka yosanangi yahidoaka manga kiahonanga o Isiraele ma nyawaika ma oraha yosobo. Hokogea yosanangi mangale ma titi Ma Jou wahihawana hiadono ko yalawanokaua onangika. De ona o Mesiiri ma tonaka mata-mataika hiadono manga poparetaoo iwigorakiye o Musa de manga horomati unangika.

Huhupu 11:3 ပူးပေါင်းရင်းမြစ်များ

Dodadi 12:2

Ngohi ahao tonihidadi la ngona o nyawa manga ngoe manga dutu, Ho ani totoforauku duru yowoe-woeuku, De tonihidoaka ma owa ngonaika. Todiai la o nyawa manga ngoe inihioriki de inihigiriiri, De ngonaino o nyawa utu ahao yamake ma owa.

Dodadi 39:21

Masara Ma Jou o Yawe winiiki o Yusupu ngaro una doka o bui ma tau ma goronaka gea. Ma titi ai wowangoka gea Ma Jou widuhunu de ai dora ho hiadono o Yusupu ai wowangoka ma datoro itiai dika. De hokogea to una ai datoro ngaro o bui ma tauoka ho hiadono o bui ma tau ma hidimono duru wisanangi o Yusupika.

2 Samuele 7:9

Ho naa ma dekanino Ngohi naga de de ngona ho ngaro o kiaka dika naika masara Ngohi toniniiki la toniduhunu abe ani musu mata-mata tahikalaka. De naa Ngohi tonigorakiye ka hiadono ani romanga ahao o dunia ma amokika o nyawa inihioriki. De gea hiadono ani romanga o nyawa yafetongo de ihidotoomuino de o nyawa o duniaka abe to onangoo manga romanga yokokurutiye.

Higiriiri 106:46

De Una wokarajaanga to ona manga hiningaka abe yahipareta ai nyawaika, Hiadono onangoo yamao manga dora ma hiokoo itagi Ma Jou ai nyawaika.

Huhupu 12:35

De o Isiraele ma nyawa yomakokigahoko o Mesiiri ma nyawaino manga kiahonanga hoka o Musa wahulokoka yodiai. Ho o Mesiiri ma nyawa manga ngaukuku, manga ali-ali, manga gule, manga gogoli, de manga kiahonanga mata-mata abe o gurasino de o haakaino yomagahoko. De manga pakeangoo ma rorahai enangoo gea yomagahoko.

Huhupu 12:36

De angamoi Ma Jou o Yawe o Mesiiri ma nyawaika wodiai la manga hawanino naga manga horomati o Isiraele ma nyawaika ho yosanangi yahidoaka dika. Ngaro o kia dika yogahoko ma gea yahidoaka o Isiraele ma nyawaika. De hokogea yomagora o Mesiiri ma nyawa manga kiahonanga.

Huhupu 3:21

De ahao Ngohi todiai o Mesiiri ma nyawa manga kokihiningaka la ona de manga horomati nginika. De hiadono ma oraha ngini nimahidiai la hiadono nikokihupu manga tonakoka de ona yoigo manga kiahonanga inihikokidoaka la ma oraha nisobo de ko nimahomoaua.

Hidingoto 7:22

De o Musa iwidotoko o Mesiiri ma nyawa manga sosawaro mata-mata, de ipahaino de ngaro ai demo de ngaro ai datoro, masara mata-mataika de duru wososawaroka.”

Higalioli 34:10

De ngaro ma dihira de ka hiadono ma oraha naa de ko moiua Ma Jou ai uru ma dodofanga utu o Isiraele ma nyawa manga hidogoronaka abe to ona manga gogao Ma Jou o Yaweika hoka o Musali. Abe Ma Jou o Yawe de o Musa yomarihimanga de yomakoketemo.

Higalioli 34:11

De imakohowono o Musu de Ma Jou ai uru ma dodofanga utu abe ko moiua o uru ma dodofanga utu abe Ma Jou o Yawe wahiakunu la hiadono yodiai o heheranga de o dodunguu hoka o Musali, abe una duru ma ngoe wodiai Ma Jou ai buturungu ma himatoko. De gea wodiai o Mesiiri manga koano o Firaunu ai himangoka de ai popareta ma nyawa manga himangoka de hiadono manga kokawaaha mata-mataika yakokimake gea o Musa wodiai.

Yosua 4:14

Abe manga dodobongo ma hiaturu mata-mataika yabootoka de ahao Ma Jou o Yawe wihingahu o Yosuaika, wato, “Yosua, kiani nahoko o hohidemo gea la naa onangoo yosobo yoboaino yogila-gila yamoku to Ngohi ahi Behehongo ma Peti la onangoo yofarene o Yorodani ma akere ma ngigorino naa.” Hokogea wotemo Ma Jou ho ka de manga hohidemo yomahiadono o Yosua ai timiuku gea de wabehehongo onangika, wato, “Ngini tiniahoko de ahi horomati la naa nginioo nifareniye o Yorodani ma akerino.” Hokogea o Yosua wahoko o hohidemoika de ai horomati abe ona ka yamokuinohi Ma Jou o Yawe ai Behehongo ma Peti. Ho ona o Yorodani ma akeroka de aino yofarene ma dudungiye. De ka de manga lou yomahidoko o tonaka ma dudungiye de o Yorodani ma akere ihahuroli imaketero de hoka yanguihi imahidataoko ihahuru hoka o moku-moku iboa dinaoko ka hiadono hoka ma dihirali. O wange gea Ma Jou o Yawe wodiai de ai buturungu la utuohi o Isiraele ma nyawa de manga horomati ilamoko itagi o Yosuaika. De ona manga hiningaino o Yosua iwigorakiye ho una wodadi imaketero hoka o Musali manga himangoka. De hokogea manga horomati itagi o Yosuaika ka hiadono ai wowango ma bahaika.

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”