Huhupu 10:4 - Ma Jou ai Demo-demo o Totobelohoka

⁴ Abe nako ngona ka nolukohi nahigunoa yohupu, Ngohi itebini ahao tohiboaino ani tonakino o kabotara duru kohangoe.

Huhupu 10:4 ပူးပေါင်းရင်းမြစ်များ

Huhupu 10:3

Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.

Huhupu 10:5

De ahao iboaino kohangoe o kabotara hiadono ani tonaka mata-mataika atamunoka de o kabotara gea ka hiadono ko namakeokaua ani tonaka. De ma kabotara gea ahao aolomo mata-mata abe o es ma awana ma hou ngaro nia gota eko nia datomo utu nia redioka, ma, aolomo hiadono yakokimataka.

Huhupu 4:23

Ho hiadono tonihuloko kiani ngona o Firaunu nahigunoa la ahi nyawa ani tonakino naa yohupu la ka idadi yoboa Ngohino de yomahuba Ngohiye. Masara naa tonihitiari ngonaika nako ngona ka nolukohi ahi ngofaka o domoro yohupu de ahao Ngohi to ngona ani ngofaka o domoro titoma.’ Hokogea Musa kiani nihingahu o Firaunika.” Hokogea Ma Jou ai demo o Musaika.

Huhupu 5:1

O Musa de o Harunu manga hingahu o Isiraele ma nyawaika ibooto de ahao yoikoli o Firaunika la unangoli iwihimanga de iwihingahu. Ho yomahiadono o koanoika de iwihingahu ato, “Mia koano, ngomi naa miboa la minihingahu Ma Jou o Yawe ai demo ngonaika. Ma Jou o Yawe, Una to ngomi o Isiraele ma nyawa mia Jou, de hokonaa ai demo ngonaika wato, ‘Kiani nahigunoa ahi nyawa yohupu o Mesiirino la yoiki o tonaka ma kakaahaika de genangoka yomahuba de yorame-rame Ngohiye.’”

Huhupu 8:10

De o Firaunu wato, “Nako gea itebini nominiata.” De o Musa wopaluhu, wato, “Ngohi ahao itebini tininiata ahi Jouiye de gea ahao idadi imaketero hoka o koano nogahokoka la gea duru ngona nohioriki abe ko moiua o pangao de ma buturungu abe imaketero hoka to ngomi mia Jou o Yawe ai buturungu.

Huhupu 8:23

De hokogenangoli tinihikohowono ngini o Mesiiri ma nyawa de to Ngohi ahi nyawa o Isiraele ma nyawa. Ho ma titi gea itebini Ngohi tomulaenge tohitunguu de o heheranga naa abe de o gufuru.”’ Hokogea Musa, ahi demo nadofanga o Firaunika.”

Huhupu 9:18

Ho abeika idadi itebini! O takoro hokonaa de Ngohi tohiboa o es ma awana abe ngaro ma dodihiraka de hiadono naa ko ma moiuahi naga o Mesiiroka o es ma awana hokogea de ma buturungoka.

Huhupu 9:5

De itebini dika de o panyake ma hohowono gea tohidingoto.”’ Hokogea, Musa, kiani nihingahu o Firaunika.” Ho Ma Jou ai demo gea o Musa wihingahu o Firaunika.

Himatoko 9:3

De gea naga ihupu ma nofo ma goronaka de aino o kabotara kohangoe, de gea ikokiuti dau o dunia ma lokuku. De enangika ihidoaka ma kuaha la to ena ma biha ahao imaketero abe hoka o waitota inagoli ma biha.