Himatoko 8:5 - Ma Jou ai Demo-demo o Totobelohoka

⁵ De gea ipaha de ahao ma malaekata gea wale o ngaboho o huhuba ma ngioka de wohiomanga ma ngi gea abe de ma manyanyioka abe naga ai giamoka. Ho gea ma ngi aomangoka de ahao una waumo dau o duniauku. De gea ka de waumo de ahao naga o kuruuhu ma ilingi, de naga o leletongo, de naga ma tonaka ihikelu-kelu.

Himatoko 8:5 ပူးပေါင်းရင်းမြစ်များ

1 Kokoano 19:11

De Ma Jou o Yawe wopaluhu, wato, “Elia, ngona o arukino naa nohupuoka de nomaokoino o lokuoka naa ahi himangoka!” De o Elia wohupu o arukino de womaokoino hoka Ma Jou wihulokoka. De abeika, o Elia Ma Jou o Yawe witilakuru! De ahao naga o hidaloko duru kohabuturungu italoko ka hiadono o loku ma hakaru ma ago-agomo itoropaha masara Ma Jou o Yawe, Una ko iwiwa o rato ma goronaka gea. De o hidaloko gea ipaha de ahao o dunia ikelu-kelu duru iputurungu masara Ma Jou o Yawe, Una ko iwiwa o dunia ikelu-kelu ma goronaka gea.

Higiriiri 18:13

De nagali abe yokuruuhu daku Ma Jou o Yawe ai ngioka de aino, de gea tanu Una abe Wokokurutiye ai ilingi toihene.

Huhupu 19:16

Ho de o futu hinooto gea ipaha de duru ka o ngoru-ngoruminohi de dakea ma loku ma tubuoka yoleletongo de yokuruuhu duru kohagiria de o lobi duru kohabirini iuti o loku dakea ma tubuku. De naga hoka o guguli ma ilingi kohaamokiye de yogirangika ka hiadono o Isiraele ma nyawa manga tau-tauoka yokokihawana ka hiadono yokokifafara.

Gogao 16:12

De ahao o Harunu woiki o Haro-harongo ma Huhuba ma Ngiika abe naga Ma Jou o Yawe ai himangoka de waleino o uku ma ngaboho de wonoa ai manyanyi ma dudufuku ma ngiuku. Ho ai manyanyi ma dudufuku ma ngi waomanga de ahao waleino o manyanyi o okutu hinooto ma ngedere abe ma bounu duru ma rorahai. De ena mata-mata o Harunu wao de wowohama o Debi-debini ma Ngiika abe Ngohi Ma Jou tomadingakino doka o dadatoko o ngoerino ma honongaka.

Matiusu 24:7

De gea o nyawa yomahikapongo moi de manga musu yomaketeparangi, eko o nuuhu hinooto de yomakumusu. De ma oraha gea o dunia ma amokika de ko manga ngoe yohonenge angamoi naga o hafini ma amoko manga tona-tonakoka, de nagali o tonaka idadi ikelu-kelu ma ngoe o duniaka naa.

Lukasa 12:49

De ahao o Yesusu wotemo wato, “Ngohi naa toboa la o hikeregu idadi o dunia ma nyawaka, de ma hikeregu ka idadi tohiketero de o uku kohaamoko angamoi ahao idadi o kokangela o nyawa manga ngoeika. De tanu ahi mau la ma uku gea atufukoka la imulaengoka itagi ma hikeregu gea.

Hidingoto 16:26

Ho ka itodokanino de o tonaka ihikelu-kelu duru kohabuturungu, de ma bui ma tau gea enangoo duru ihikeluoka hiadono ma tau ma lifunu ihigiwi-giwi. De ngaro ma ngorana ma dadatoko masara enangoo mata-mata ikokifelengaika, de abe yabuika to ona manga rante o behino mata-mata ikokihoheoka ho iotakuku.

Hidingoto 4:31

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

Himatoko 11:13

De gea ka de yogorakoka de ahao naga genangoka ma tonaka ihikelu-kelu duru kohagiria ho hiadono ma kotaka gea manga tau duru ma ngoe ikokiturabahoka. De nako o kotaka gea manga tau haetongo de haregu ngimoi, gea ma regu moi ikokiturabahoka. Ho ma kotaka gea o nyawa yasana tumidi yokokihonenge ma titi o hikelu-keluino gea. De nako ona utu abe ka yowangohi, ona gea duru yohawanoka hiadono iwihigiriiri Ma Jou o Horogaka ato, “Ngona igoungu Ma Jou abe to Ngona ani kuaha duru kohaamoko.” Hokogea to ona manga higiriiri ma demo Ma Jouika.

Himatoko 11:19

De ahao daku o Horogaka ifelenga Ma Jou ai Tau ma hohailoa de gea ngohi ka idadi tamake gea ma goronaka naga Ma Jou ai Behehongo ma Peti, de ma peti gea idadi o hohininga abe ma titi to Una ai behehongo ai nyawaika. De ahao ka itodokanino de yoleletongo ma ngoeika de yokuruuhu duru yoliarika, de naga ma tonakoo ihikelu-kelu, de nagali o es ma awana ma dodogowini ipurarahuku dau o duniauku.

Himatoko 4:5

De to Una ai kaderaka de aino naga ihupu o leletongo de gea ma ilingi hoka yokuruuhu yoliarika. De ai kadera ma himangoka naga o oboro tumidi itokara, de ma oboro gea ena Ma Jou o Womaha abe ko wokurangua ma duru wongodu-ngodumu.

Himatoko 6:12

De gea ipaha de ahao ma dabi ma guihi ma butaanga o Domba ma Ngofaka wafelenga, de ma oraha wafelenga de naga idadioka o tonaka ihikelu-kelu duru kohabuturungu. De gea o wange idadi ihengoka abe imaketero hoka ma fufutu ma mehengo, de nako o mede gea idadioka ma doka-dokara hoka o awunu ma modokara.

Himatoko 8:3

De ahao o malaekata womatengoli woboa de womaokoino ma huhuba ma ngi ma himangoka, abe ma huhuba ma ngi gea o gurasino yodiai de imanoa to Una ai kadera ma hohailoa ma himangoka. De nako Ma Jou ai nyawa abe o duniakahi yomaniata, to ona manga niniata gea imaketero hoka o huhuba Ma Jouiye abe yomahihuba o huhuba ma ngioka, de manga niniata gea iwihisanangi Ma Jouika. Ho ma malaekata gea abe woboa de womaokoino genangoka, naga wasoino ai giamoka o ngi moi o gurasino, abe gea ma goronaka yatobatufu-tufuku o manyanyi. De ahao iwihidoaka ma malaekatika o manyanyi duru ma amoko la gea watufuku de wohidogo abe Ma Jou ai nyawa mata-mata manga niniatika abe enangoo ihihuba Ma Jouika. Ho ma manyanyi gea wohidogo manga niniatika abe ma oraha wohihuba gea o huhuba ma ngioka.