Himatoko 7:16 - Ma Jou ai Demo-demo o Totobelohoka

¹⁶ De ona gea ahao duru ko amaokaua o hafini de ko iwaka abe manga ngomaha yodudungu. De ngaro o wange ma hauku eko o kia dika naga utu abe duru kohahauku, ma gea mata-mata ona duru ko amaokaua.

Himatoko 7:16 ပူးပေါင်းရင်းမြစ်များ

Higiriiri 121:5

Una Ma Jou o Yawe winitobagoana nginika, abe Una nia datekoka de winifofonguku la ufa o wange ma hauku iniruwae.

Higiriiri 121:6

De gea igoungu abe o wange ma hauku ko iniruwaeua, de ngaro o futu-futu masara o mede ko idadiua inihibodito.

Yesaya 49:10

De o nyawa gea ahao ko yohafinua de manga ngomaha ko yodudungua, de ngaro o wange ma hauku masara ko yaruwaeokaua onangika, angamoi Ngohi naa tapake de ahi hininga ma doraino onangika, ho tahihira-hira o jojobuubuika la ka idadi yomamaata.

Yunusu 4:8

De ahao o wange ma gurutiyeoka de Ma Jou wohiboaino o hidaloko abe o wange ma hiwariha italoko ho o wange duru kohahauku. De o Yunusu iwidahauku hiadono ai hininga ihihihanga ho duru woigo la wohonenge dika hiadono womatemo wato, “Nako ka towango-wangohi eko tohonenge, ngohi tato koaho tohonenge dika.”

Matiusu 13:21

Masara nako o huha yamake eko naga yahikangela mangale ma titi Ma Jou ai Demo-demo ona yaniiki, de gea itaitino hiadono ko yaniikokaua. De ona gea itaiti yomahirehene angamoi ko yomahigunoaua la Ma Jou ai Demo-demo gea imahingutuku manga hiningauku.”

Matiusu 13:6

Masara ka de yodihiwara o bibiti gea de amaai ho ikokimoraaka angamoi ko imahingutukukua.

Matiusu 5:6

De abe o nyawa duru yohafini de manga hininga ma gahumu la ato ka Ma Jou ai totiaiika dika yanii-niiki manga wowangoka, onangoo gea yamake ma hiowa Ma Jouino, angamoi Una ahao wahiakunu la hiadono ona duru yototiaioka Ma Jou ai himangoka.

Maruku 4:17

Masara angamoi manga hiningaka ko imahingutukua ho nako o huha yamake eko naga yahikangela de ma titi Ma Jou ai Demo-demo ona yaniiki, gea itaitino de hiadono ko yaniikokaua enangika.

Maruku 4:6

Masara ka de yodihiwara de o bibiti gea amaai ho ikokimoraaka angamoi ko imahingutukua.

Lukasa 1:53

De ona yahafi-hafini Una wahibunuhu de ai hiowa, Masara abe o nyawa de manga tiwi-tiwioka, Ona wakiniikoka ho ona ka manga homoa dika.

Lukasa 6:21

“De ngini abe inihafini ma oraha naa, nginioo niamakeoka ma hiowa Ma Jouino, angamoi ipahaino ahao ngini inikokiwedonoka ho hiadono naga de nia bunuhoka.” “De ngini abe niari-ari ma oraha naa, ngini ka idadi nigogarago angamoi ipahaino ahao ko iwaka nia gari masara ka nigie-giete dika.”

Yohanese 4:14

Masara onagona dika yokere o akere abe Ngohi ka idadi tahidoaka, gea ma moi dika yaokere de ko yopereluokaua yokere o akere gea. Angamoi o akere gea ahao idadi o akere ibubungiye manga badanga ma goronaka de genangino yomamake o wowango ma ngango ho ka hiado-adonika.”

Yakobusu 1:11

Abe nako o ruruubu ma huri de ma wange ma gurutiyeoka ho duru yodahauku hiadono yatoolenge enangika, gea ahao ma huri yamaai de ipurarahuku ho to ena ma hohailoa ko iwaka. De hokogenangoo ahao idadi onangika abe de manga tiwioka, angamoi ona gea ka ihikaika yokarajaanga la genangino yomatiwi-tiwi, masara ahao ma moiuku de manga karajaanga ma goronakahi de yohonengoka ho manga tiwi de manga kaya gea yomakitingakoka onangino de duru ko iwaka. Ho manga tiwi gea tanu ko yahiutumua onangika. Ho gea ma titi hiadono ngohi tato ngaro ngone abe de nanga tiwioka eko ngaro hatoli hohuha, masara ngone mata-mata abe hingakuoka ka idadi nanga hininga isanangi angamoi duru hohioriki abe nanga gogere o Kristusoka gea ikokurutiye.

Himatoko 21:4

De Una ahao manga koongo mata-mata abe manga lakoka de aino gea wakokiehe, angamoi ma kotaka gea duru ko iwaka o nyawa yohonenge de manga hininga ma huha de yoari-ari, de ngaro manga badanga ma kangela ma enangoo ko iwaka. De genangoka de imahikaika duru ko iwaka mata-mata gea. Angamoi gea ihira-hiraika duru ko iwakau.” Hokogea itemo ma ilingi gea.