Himatoko 7:11 - Ma Jou ai Demo-demo o Totobelohoka

¹¹ De ma malaekata genangoka mata-mataika naga yomaokoino yahigilolitino to Una ai kadera ma hohailoa de ma dimo-dimono gea de ma aewani ma ngango iata, ho gea mata-mata yahigilolitino ma malaekata. De gea ma malaekata mata-mataika yomamotumuku to Una ai kadera ma himangoka de yomahuba Ma Jouika ato,

Himatoko 7:11 ပူးပေါင်းရင်းမြစ်များ

Matiusu 4:10

De o Yesusu wopaluhu enangika wato, “Ngona o Ibilihi, ka nohinoaka dika! Angamoi Ma Jou ai Demo-demoka naga moi itemo ato, ‘Ngini kiani nimahuba nia Jou o Yaweika dika, de ko idadiua utuika ngini nioleleani.’”

Yohanese 5:23

Hokogea wohiaturoka la hiadono Ngohino o nyawa manga horomati idadi duru imaketero hoka o Babaika iwihoromati. De angamoi gea Ma Jou o Baba wohihidingoto Ngohi naa ho onagona dika ko ihihoromatiua Ngohino, gea Ma Jou o Babaoo ko iwihoromatiua.” Hokogea o Yesusu womahingahu onangika.

Ibarani 1:6

De abe ma titi gea, naga moioli Ma Jou ai Demo-demoka ihitulihukuoka abe ma titi ai Ngofaka ka Unangohi wokurutiye. De gea ai demo ma goronaka de inahingahu abe ahao ma oraha ai Ngofaka wihiboali o duniaino naa de ahao Ma Jou wotemo ai momalaekatika, wato, “To Ngohi ahi momalaekata, ngaro ngini mata-mataika ka idadioka nimakokihuba Unangika naa.” Hokogea ma dodihiraino ihitulihukuoka, de hokogea ahao Ma Jou wakokihuloko ai momalaekatika.

Himatoko 11:16

De ahao ma dimono yamonaoko de yaiata gea abe yogogeruku manga kadera amomoiika Ma Jou ai himangoka, ona gea yomamotumuku de yomahuba Ma Jouika.

Himatoko 15:4

Mode ka onagona abe ko inimodongua de ko inihoromatiua Ngonaika? De mode ka onagona yoluku ihilamoko ani romanga de inihigiriiri Ngonaika? Angamoi ka Ngona dika notebi-tebini! De o dunia ma nyawa mata-mataika ahao yokokiboa de yomahuba to Ngona ani himangoka, angamoi ani datoro ma totiai ona yakokimakeoka.” Hokogea manga nyanyianga ma demo Unangika.

Himatoko 22:9

Masara gea ma malaekata wohitaere ngohino wato, “Ufa hokogea nodiai! Angamoi ngohi naa ka to Una ai gilaongo abe imaketero hoka ngonali de hoka nanga gogianongoru utuoli ai uru ma dodofanga. De ngaro ona mata-mata abe ahao yatobaniiki ma demo abe naa ma bukuoka, ma onangoo gea iwileleani Unangika. Ho ngone mata-mata homaketero dika abe hileleani Unangika, ho ufa ngona nohihigiriiri ngohino! Ho kiani Ma Jouika dika ngona nomahuba!”

Himatoko 4:10

De ka ihikaika ma ora-orahiye abe ma aewani gea inyanyi de naga o dimono yamonaoko de yaiata gea yomamotumuku to Una ai himangoka de ahao onangoli yomahuba Unangika abe wogogeruku ai kaderaka de abe wotobawango ka hiado-adonika. De ona gea yahuputokahi manga sapeo abe ma rupa hoka o koano ma sapeo ma rupa de gea ena yaumoika to Una ai kadera ma himangoka de ahao onangoo iwihigiriiri Unangika ato,

Himatoko 4:4

De naga genangoka o kadera ma hohailoa naga ma gahumu monaoko de iata de gea ihigilolitino to Una ai kadera abe naga ma hidogoronaka. De ma kadera gea amomoiika naga yogogerukuoka o dimo-dimono yamonaoko de yaiata. De ma dimo-dimono gea yomahinoaukuoka de o baju ma gare-garehe de naga manga pea homoi-homoiika o sapeo de gea ma rupa hoka o koano ma sapeo o gurasino.

Himatoko 4:6

De naga moioli to Una ai kadera ma himangoka abe ma rupa hoka o taaga o kahinaaino yodiai, abe gea duru ma doo-dodono hoka o hakaru ma leto-letongo moioli ma romanga o kristala. De abe to Una ai kadera ma liate homoi-homoioka naga hoka o aewani ma ngango iata, de gea homoi-homoi naga de ma lako kohangoeoka, abe to ena ma badanga mata-mataika ma himangino de ngaro ma poretino ma akokitamunoka de ma lako.

Himatoko 4:8

De nako ma aewani ma ngango iata, gea amomoiika naga de ma gafuufuoka abobutaangaka. De gea ngaro to ena ma gafuufu dau ma timiye eko ngaro ma badanga ma amokika, ma gea akokitamunoka de ma lako. De ma aewani ena gea o futu de o wange duru ka ihikaika inyanyi ma higiriiri ma demo naa, itemo ato, “Una gea wotebini, Una duru wotebini, nanga Baluhu Ma Jou abe ngaro mata-mataika ma ka to Unangohi ai kuaha duru kohaamoko. Una gea ngaro ka hiado-adonino ma Una nagau, de Una gea abe ma oraha naa Una nagahi, de ngaro ka hiado-adonika ma Una gea ka wowangohi. Ho Una gea duru wotebi-tebini.” Hokogea iwihigiriiri Unangika.