Himatoko 6:4 - Ma Jou ai Demo-demo o Totobelohoka

⁴ De ka itodokanino naga o kuda moioli ihupuino, de ma kuda naa ena duru ma doka-dokara ma dutu. De una wobarenuku ma kuda gea, unangika iwihidoaka ma kuaha la ka idadi o dame wagoraka o duniaka de aino la hiadono o nyawa yomakokotoma dika. De iwihidoakoli unangika o humaranga o dopo-dopoino moi duru ma amoko.

Himatoko 6:4 ပူးပေါင်းရင်းမြစ်များ

Matiusu 10:34

De o Yesusu ka wotemohi onangika wato, “De ngini ufa niataoko ihowono abe ma titi ahi boa o duniauku naa. Abe ufa niataoko niato bote mangale ma titi Ngohi toboaino hiadono o nyawa mata-mata yomahikokadameoka o dunia ma amokika. Masara tanu ma titi Ngohi ahi boa la hiadono o nyawa yomaketeribuutu de hiadono yomakalawana ona de manga gogianongoru.

Matiusu 24:6

“Abe hoka ngini ahao niihene o parangi ma gigoro itigi-tigino de utu ahao naga iniade-ade ma titi o nyawa manga gurutika de yomaketeparangi, masara gea ngaro ufa dika de nihawana. Igoungu gea kiani idadi, masara nako gea, ko ma titiua ma oraha ma bobaha adonoka.

Yohanese 19:11

De ahao gea o Yesusu wopaluhu o Pilatusika wato, “Ngona ko kia-kiaua Ngohino nodiai nako ko Ma Jouua wonihidoaka ani kuaha ngonaika. Ho o nyawa gea abe Ngohi ihihidoa-doaka ngonaino naa, nako ona de ngona ka to onangohi manga howono ilamoko.”

Himatoko 12:3

De ahao naga moiohi o heheranga ma dodunguu imahimatoko ma dihangoka, de genangoka tamake o naga moi duru kohaamoko. De ma naga gea ma doka-dokara, de to ena ma pea tumidi, de ma tataduku naga ngimoi. De abe ma pea amomoiika naga abe ma rupa hoka o koano ma sapeo imahisapeouku.

Himatoko 13:10

Ma dihiraino de Ma Jou wohiaturoka la to Una ai nyawa utu yataokino de yatoma. Ho onagona dika nginioka abe Una wato ahao ngini initaokino, ngini gea kiani initaoko de inibuika. De onagona dika abe Una wato ahao o nyawa initoma, ngini gea ahao kiani nihonenge ma titi o nyawa manga giamoka. De ngaro ahao kiani idadi hokogea nginioka, masara ma oraha gea ngini Ma Jou ai nyawa kiani nimatongohono de ufa nimahipipidili nia ngongakuino.

Himatoko 17:3

De wotemo ibootino de Ma Jou o Womaha ai kuaha ihilufungoli ngohi de ahao o malaekata gea wohiao abe o tonaka ma kakaahaika. De genangoka naga tomimake o ngofeka momatengo abe mobarenuku o aewani ma doka-dokara moi ma poretuku. De ma aewani gea naga to ena ma pea tumidi de ma tataduku naga ngimoi, de naga atulihika ma aewani ma badanga ma amokika o roma-romanga abe iwingelo Ma Jouika.

Himatoko 17:6

De ngohi tomimake de ka idadi tomihioriki muna imidalukoka, de gea imidaluku ko de o dalukua masara de Ma Jou ai nyawa manga awunu. Abe ona gea yahingahu-ngahu o nyawa utuika ma titi o Yesusu, ona gea muna matomaka ho naa imidalukoka de to ona gea manga awunu. De gea tomimake de duru tomiheranga.