Himatoko 5:4 - Ma Jou ai Demo-demo o Totobelohoka

⁴ De gea ngohi duru toari-ari ma amokiye angamoi moioo de ko yamakeua o nyawa abe yororahai Ma Jou ai himangoka hiadono naga de manga kuahaka la gea ma buku yahohe de yabasa genangino.

Himatoko 5:4 ပူးပေါင်းရင်းမြစ်များ

Himatoko 4:1

De gea ipaha de ahao naga moioli ngohi o Yohanese tamake. De naga o Horogaka tamake de abeika o ngorana moi ifelengaka. De toihenoli ma ilingi gea abe kanganohi toihenoka. De gea ma ilingi duru ilamokiye abe hoka o guguli yawuwu. De ma ilingi gea itemo ngohino ato, “Naiyeohi nenangiye la ka idadi tonihimatoko ngonaika hokokia abe ahao ika-ika de kiani idadi.”

Himatoko 5:3

Masara duru ko moiua de manga kuahaka la yahohe, abe ngaro yomanoa daku o Horogaka, eko o dunia ma lokuoka naa yomanoa, eko ngaro o dunia naa ma goronaka yomanoa, ma duru ko moiua de manga kuahaka la ma buku ma lulu gea yahohe de yabasa to ena ma dulihi.

Himatoko 5:5

Masara o dimono womatengo wohitemo ngohino wato, “Ibootohi noari! Angamoi abeika genangoka naga womatengo abe naga de ai kuahaka la wahohe ma buku gea. De Una gea abe duru ma dodihiraka de Ma Jou wonahibehehongoka wato ahao Una gea woboa de wonaduhunu ngone. Abe Una gea iwihiromanga o Singa abe o Yehuda ai dutuino womaboa, de gea iwihiromanga o Singa angamoi Una ma koano duru ko ai buturungu. De Una gea o Yahudi ma nyawa manga koano ma dihiraino o Dautu ai totoforauku womatengo. De gea Una wahikalaka ai musu, de naga Unangoka ai kuaha la ka idadi ma guihi tumidi gea wafelenga de ma buku gea ka idadi wahohe.” Hokogea ma dimono ai demo ngohino.