Himatoko 5:2 - Ma Jou ai Demo-demo o Totobelohoka

² De ahao tamake o malaekata womatengo duru de ai kuahaka abe wopoa-poaka wato, “Ka onagona naga de manga kuahaka de naga manga gogere ikurutiye Ma Jou ai himangoka la ka akunu ma guihi o lilingino gea de yafelenga? Eko ka onagona dika yororahai hiadono Ma Jou wahigunoa la gea ma buku ma lulu ahohe?” Hokogea ma malaekata woleha.

Himatoko 5:2 ပူးပေါင်းရင်းမြစ်များ

Higiriiri 103:20

Ngini o momalaekata genangoka niwihigiriiri Ma Jou o Yaweika. Ngini abe winihidadi ai duduhunu abe ka ihikaika winihikarajaanga, De abe niwihigihene la to Una ai hiaturu nihidagi mata-mataika, kiani ngini niwihigiriiri!

Himatoko 10:1

De gea ipaha de ahao naga timake o malaekata womatengoli duru ko ai buturungu de una naga wouti daku o Horogaka de wauku. De una gea womahihawoino de o lobi la ma lobi gea imaketero hoka ai baju womahinoauku. De daku ai pea ma lokuiye naga ma dararono abe ma rupa hoka o ngawatoro idiai ihigororomino ai lokuiye. De to una ai himanga gea duru itararono abe hoka o wange ma dararono, de nako to una ai lou gea tamake imaketero hoka o uku ma lou ma rupa.

Himatoko 18:21

De ahao o malaekata womatengo abe duru woputurungu una o hakaru moi duru kohaamoko wagoraka de waumoka o gahiuku. De gea wotemo wato, “Abe imaketero hoka ma hakaru taumoka o gahiuku de ko hamakeokaua, hokogenangoo ahao o Babele ma kota duru Ma Jou wohibinaahaka la ko amakeokauali ka hiado-adonika ma kota ma amo-amoko gea.

Himatoko 5:1

De ahao nagali ngohi o Yohanese tamake de ahi lako o buku ma lulu moi, de abe Una wogogeruku ai kadera ma hohailoaka Una wasoino ma buku gea ai giama ma nirakoka. De gea ma buku ma lulu naga ma dulihi abe arihonongaino, de naga ma bukuoka ma dabi ma guihi tumidi o lilingino ihitataulika enangika la ufa o nyawa onagona dika yafelenga.

Himatoko 5:5

Masara o dimono womatengo wohitemo ngohino wato, “Ibootohi noari! Angamoi abeika genangoka naga womatengo abe naga de ai kuahaka la wahohe ma buku gea. De Una gea abe duru ma dodihiraka de Ma Jou wonahibehehongoka wato ahao Una gea woboa de wonaduhunu ngone. Abe Una gea iwihiromanga o Singa abe o Yehuda ai dutuino womaboa, de gea iwihiromanga o Singa angamoi Una ma koano duru ko ai buturungu. De Una gea o Yahudi ma nyawa manga koano ma dihiraino o Dautu ai totoforauku womatengo. De gea Una wahikalaka ai musu, de naga Unangoka ai kuaha la ka idadi ma guihi tumidi gea wafelenga de ma buku gea ka idadi wahohe.” Hokogea ma dimono ai demo ngohino.