Himatoko 5:1 - Ma Jou ai Demo-demo o Totobelohoka

¹ De ahao nagali ngohi o Yohanese tamake de ahi lako o buku ma lulu moi, de abe Una wogogeruku ai kadera ma hohailoaka Una wasoino ma buku gea ai giama ma nirakoka. De gea ma buku ma lulu naga ma dulihi abe arihonongaino, de naga ma bukuoka ma dabi ma guihi tumidi o lilingino ihitataulika enangika la ufa o nyawa onagona dika yafelenga.

Himatoko 5:1 ပူးပေါင်းရင်းမြစ်များ

Himatoko 10:2

De to una ai giamoka naga wasoino o buku ma lulu ma eteteke moi, de gea ma buku ihoheoka. De ahao una womahidokouku o duniauku de ai lou ma niraka wohidoko dai o gahiuku, de ai lou ma gubadi gea wohidoko dina ma dudunguku.

Himatoko 4:3

De Una wogogeruku gea ai rupa duru kohadararono de duru kohameletongo abe hoka o hakaru ma leto-letongo duru ma hohailoa ma meletongo, abe ma dararonoka gea naga ma doka-dokara de nagali ma bihi-bihi. De gea ena ma dararono ma bihi-bihi ihigororomino ma kadera ma hohailoa gea.

Himatoko 4:9

De hokogea ma demo abe ma aewani ma ngango gea iwihigiriiri de iwihoromati de abe iwitarimakase Unangika abe wogogeruku ai kadera ma hohailoauku, abe Una gea ka hiado-adonika wotobawango.

Himatoko 5:13

De ahao ngohi toihene o nyawa de o aewani mata-mataika o dunia ma amokika manga nyanyianga ma ilingi. De gea ngaro yomanoa daku o Horogaka eko ngaro o dunia ma lokuoka naa yomanoa eko ngaro o dunia naa ma goronaka eko ngaro imanoa o ngooto ma goronaka, masara gea ma dola mata-mataika ngohi toihene manga ilingi yonyanyi ato, “Hihigiriiri Unangika abe wogogeruku ai kadera ma hohailoaka! De hihigiriiri o Domba ma Ngofakikaoo! Ona duru de manga medebini ma dararonoka! De ona gea manga kuaha duru kohaamoko! Ho gea kiani hahigiriiri de hahoromati naa de ka hiado-adonika!” Hokogea to ona manga higiriiri ma demo.

Himatoko 5:7

De ma Domba ma Ngofaka gea imahitigika ma kadera ma hohailoaino de yodafongo ma buku ma lulu gea abe Una wogogeruku genangoka to Una ai giama ma nirakoka de aino.

Himatoko 6:1

De gea ipaha de ngohi tamake o Domba ma Ngofaka wafelenga ma dabi ma guihi moi abe ma buku ma luluoka. De gea wafelenga de ahao ma aewani ma ngango moi abe ma aewani iatino gea itemo de ma ilingi hoka yokuruuhu, de gea itemo ato, “Nainohi!”

Himatoko 6:16

De gea yomagogono de ahao ona yomagaho-gahoko o loku-lokuika de o lokuhakaruika ato, “Ngini o hakaru nimahikahumoka de nimitamunu la ufa Una gea wogogeruku ai kadera ma hohailoaka ufa womimake ngomi, de ufa o Domba ma Ngofaka ai hohowono imihidotadaene,

Himatoko 8:1

De gea ipaha de ahao ma Domba ma Ngofaka Una wafelenga ma buku ma lulu ma dabi ma guihi ma baha abe ma guihi tumidino gea. De gea wafelengaka de ma ilingi mata-mata o Horogaka duru irii-riidoka dika, de duru ko kia-kiaua ma ilingi abe o jam ma honongaino ma dekana.