Himatoko 3:19 - Ma Jou ai Demo-demo o Totobelohoka

¹⁹ De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.

Himatoko 3:19 ပူးပေါင်းရင်းမြစ်များ

2 Samuele 7:14

De Ngohi Ma Jou todadi ai baba de una wodadi ahi ngofaka. De ma oraha una naga ai howono Ngohi ahao utu o nyawa tapake la iwihohowono abe ona ahao yodadi to Ngohi ahi boboha.

Yeremia 31:18

De Ngohi naa toihenoka ngini o Isiraele ma nyawa nia daiana ma demo abe niato, ‘Ngomi naa mimaketero hoka o hapi ma ngofaka abe ko iwa ma hingounu to ena ma dutuika. De ahao Ngona nomidotoko hiadono ngomi mimahioriki mia hininga. Ho naa ngomi mimagahoko la ka idadi minigilio Ngonaika la ka ihikaika mininiiki, angamoi ka Ngona dika to ngomi mia Jou o Yawe.

Matiusu 25:7

Ho ona mata-mata yomomikino de yomulaenge yodiai manga hilo.

Yohanese 2:17

Gea ka de idadi de ona iwitobaniiki yomahohininga abe itulihukuokau Ma Jou ai Demo-demoka abe itemo ato, “Ahi Baba, ahi dora alufungoka ani tauika hiadono ko tomatongohonokaua ho kiani ani tau todatoko o dorouino.”

Roma 12:11

De ufa niodebeturu nia tagongika masara ngini kiani duru niodomagawe enangika la gea niwileleani nanga Baluhika de nia hininga ma gahumu, abe nia magawe gea inihidafae nia hiningaka abe imaketero hoka o uku ma dokaroli ihiru-hiruiye.

1 Korintusu 11:32

Masara nako hiadono kiani Ma Jou wonahohowono abe wonadotoko ngoneino, gea wonadotoko de wonaduhunu la wato wonahigilioli ma totiaiino. De hokogea Ma Jou wonadotoko la ahao ngone o hohowono ko hamakeua abe imaketero hoka o dunia ma nyawali manga hohowono ahao yamake.

2 Korintusu 6:9

De nanga gogianongoru ko manga ngoe imihioriki mia wowango, masara onangino utu de imietongo ato ngomi ko kia-kiakaua imidaene. De ngomi ma ngoe miaohana o bodito masara naa abeika, ngomi ka miwangohi, de ngaro ma ngoe o nyawa imipoha-poha masara ko imitomauahi.

2 Korintusu 7:11

De abeika nimafikirohi abe hokokia ma amoko ti ngini nia utumu niamakeoka ma titi nia hininga ma huhaino gea abe Ma Jou ka idadi wapake nia hiningaka. Abe nengokadau ahi hurata ngini niamake de idadioka o hininga ma huha nginioka. De nia hininga ma huha gea ihihofoko o magawe nginioka la duru nioigo niaurusu ma howono gea nia hidogoronaka. De gea niaurusu angamoi duru nioigo la ma howono gea ko iwaka nginioka. De ngini ko nianiikua womatengo gea nginioka abe wahowo-howonoka, masara nianiiki ka ma totiaiika dika. De hongoli niangamo ma howonika gea hiadono niaemono enangika. De ngini nia hiningaka niamao abe ma howono gea duru itubuho hiadono nia hawana ipuda de niato done o hohowono inihidotadaene nginika. De ngini duru inimagawe abe ngini ma hirete niwidotoko una wahowo-howonika ti ngini nia hidogoronaka la ufa ma howono gea igila-gila done imahora o nyawa utuika. De gea nia datorino mata-mata de duru nimahitaana abe ti ngini nia hiningaka de o totiai dika nianiiki ka hiadono ma howono gea nia hidogoronaka ibootoka. Ho abeika nia hininga ma huhaino gea de duru inihiutumu nginika!

Galatia 4:18

De nako o magawe, gea duru irahai inamagawe iti abe nanga magawe ma hidumutu gea ma rorahaiika. Masara iti ufa ma oraha abe ngohi naga nginioka de ma oraha gea dika abe nia magawe naga ma rorahaiika. Koaho ka ihikaika ma rorahaiika niodomagawe nianiiki. De iti ufa ma titi ngohi ko ihiwa nginioka de gea ma titi hiadono nimahipipidili ma rorahaiino abe ma dihiraino tinihingahu-ngahuoka nginika.

Titusu 2:14

Abe Una gea womahidoaka la ka idadi wonahihohe nanga howono ma kuahaino de wonahitebini nanga wowango. De ai datorino gea de wonatingaka Unangino la hiadono hodadi to Una ma hirete ai nyawa, de Una woigo wato ngone duru inamagawe hotobadiai ma rorahai dika. Ho mangale ma titi ai hininga ma owa gea ngoneino ho hiadono ngone mata-mata kiani nanga wowango hao itiai ma oraha naa de ka hiadono nanga Baluhu ai gahe ma wange adonoka.

Yakobusu 1:12

De o nyawa onagona dika abe ngaro o kokangelaika yaohana masara ka yomatongohono ma titi manga ngongakuoka, onangika gea ahao Ma Jou wahiowa. Angamoi ona gea yomahitaanoka abe ngaro de o kangela yahitaili onangika masara gea yagou-goungu iwingaku Unangika. Ho ahao Una wahiowa onangika de manga hadia o wowango ma ngangoino ka hiado-adonika. De ma hadia gea ma dihirainohi de wonahibehehongoka ngoneino onagona dika abe hidora Unangika wato gea ahao wonahidoaka ma titi nanga dora Unangika.

Himatoko 2:5

Ho gea tato ngini kiani nimahihohininga abe ngini hokokia nia dora ma dodihiraka de ma oraha naa hokokia ma gurutuku nirubaka. De ngini kiani nitoba genangino de niogilio la nianiikoli nia wowango ma datoro abe hoka ma dodihiraka nia ngongaku ma wowangoka. De masara nako ngini ko nitobaua, gea Ngohi ahao toboa nginika de tagoraka ti ngini nia posi ma liate to ena ma ngiino la gea nia gareja ma doomu ahao ihikapusakoka. De hokogea ahao kiani Ngohi todiai nako hoka ngini ko nitobaua.