Himatoko 20:1 - Ma Jou ai Demo-demo o Totobelohoka1 De gea ipaha de ahao ngohi timake o malaekata womatengo wouti daku o Horogaka de wauku, de naga wasoino ai giamoka o kokusi moi abe o haara duru kohagurutuku gea ma kokusi. De nagali ai giamoka o rante moi o behino duru ma amoko. အခန်းကိုကြည့်ပါ။ |
Himatoko 20:1
8 ပူးပေါင်းရင်းမြစ်များ
De gea ka idadi duru hohioriki abe Ma Jou ahao wahohowono abe ona yotobadotoko ko itiaiua, angamoi abeika hokokia ma dodihiraino de Una wahohowono abe iwilawa-lawanika. Abe ngaro o momalaekata abe ma dodihiraino de ona yahowonoka Ma Jouika, ma Una ko wanoaikaua manga hohowono masara gea wahohowono o haara ma gogurutuku abe genangoka duru kohamofufutu. De genangoka yogoa-goana ma momalaekata gea la ufa ihupu ka hiadono ma hohowono ma baha ma oraha adonoka, de ma oraha gea ahao wohikokibinaaha enangika.
De naa moioli tinihihohininga abe ma titi Ma Jou ai momalaekata. Angamoi ma dodihiraka de ai malaekata utu gea manga kuaha de manga gogere gea yanoaka de iwiporetoka Ma Jouika. De ma malaekata gea Ma Jou wakokipakitoka de wakokibuika abe o fufutu ma bui ma goronaka ka hiado-adonika, de genangokahi wahidogunoaika hiadono ahao ai hohowono ma wange adono. De ma oraha gea ahao ai malaekatoo Una wahohowono.
De Ngohi naa totobawango. Abe Ngohi nengokadau tohonengoka masara abeika Ngohi naa towangokali naa de ka hiado-adonika! De Ngohioka naga o hohonenge ma kuaha, de gea Ngohi tahikoano onangika abe yohone-honengoka, la nako ona ihihononga yohonenge ekola Ngohi tahimomiki manga honengino, ma gea ma kuaha Ngohioka.”
De gea ipaha de ahao naga timake o malaekata womatengoli duru ko ai buturungu de una naga wouti daku o Horogaka de wauku. De una gea womahihawoino de o lobi la ma lobi gea imaketero hoka ai baju womahinoauku. De daku ai pea ma lokuiye naga ma dararono abe ma rupa hoka o ngawatoro idiai ihigororomino ai lokuiye. De to una ai himanga gea duru itararono abe hoka o wange ma dararono, de nako to una ai lou gea tamake imaketero hoka o uku ma lou ma rupa.
ကြော်ငြာတွေ