Himatoko 19:8 - Ma Jou ai Demo-demo o Totobelohoka

⁸ De munangika naga imihidoaka o baju duru ma gare-garehe de duru itebini, de gea ami baju yodiai abe ma lawe duru ma rorahai de duru ma alu-aluhino.” (Angamoi ma lawe ma rorahai gea ena hoka o hiketero moi abe ma titi Ma Jou ai debi-debini ma nyawa manga datoro ma totiai.)

Himatoko 19:8 ပူးပေါင်းရင်းမြစ်များ

Matiusu 17:2

De yomahiadonoka genangiye de ona yaruange iwilega-lega o Yesusika de to Una ai rupa idadi o fara moioli to ona manga himangoka. Abe to Una ai himanga yamake ngade-ngade imaketero hoka o wange ma dararono angamoi duru kohadararono. De ai pakeanga gea idadi duru iarehoka ho hiadono hoiletongo.

Matiusu 22:12

De gea ma koano wamake ho woiki unangika de wato, ‘Hobata, naa ani pakeanga done sarakia? Abeika ona utu mata-mata nenangoka yomahinoaukuoka de o rame-rame ma pakeanga, masara to ngona ani pakeanga ka biaha dika. Ho done sarakia hiadono ngona nato nowohamino de naniiki ma rame-rame naa angamoi ani pakeanga ko itaanua!’ Masara una gea ko idadiua womademo ho ka womarii-riidoka dika.”

Maruku 9:3

De ai pakeanga gea idadi duru iarehoka hiadono hoiletongo, abe nako o duniaka ko imakadaenua ma medebini abe hokogea ma magarehe yofoka.

Lukasa 24:4

De manga hiningaka yolilifangoka, masara ka itodokanino naga o nyawa yahinooto yomaokoino manga datekoka de manga baju duru iareheholi hiadono yahidotararono onangika.

Hidingoto 1:10

De ona iwinii-niiki duru ka ihitailohi la ato iwimake daku, masara ka itodokanino de naga o nauru yahinooto yomaokoino manga datekoka. De to ona manga baju duru iarehe.

Roma 13:14

Ho ngaro to ngone nanga badanga ma hafini ma dorou o kia dika naga, masara gea ufa homahigunoa la haniiki enangika hiadono ihihofoko o howono ngoneoka. Masara koaho ngone homaaduru abe hoka nanga Baluhu idodutu o Yesusu Kristusoli ai hininga ma datoro, la gea o nyawa inamake to ngone nanga wowango imaketero hoka to Unangoli ai wowango yamake. De ngone kiani hao nanga wowango hokogea angamoi hohioriki abe ka itigi moduku ma oraha abe Una wonagoraka o duniaino naa.

Roma 3:22

De gea ma ngekomo hokonaa. Abe Ma Jou wonahitotiai ngone onagona dika abe hingaku-ngakuoka o Yesusu Kristusika. De gea ka moi dika ma ngekomo, abe ngaro o Yahudi ma nyawa eko ngaro abe ko o Yahudi ma nyawaua, masara ma ngekomo moi dika haniiki la Una wonahitotiai ngoneino, de gea ma titi nanga ngongaku o Yesusu Kristusika. De gea nanga ngekomo moi dika angamoi ngone o nyawa mata-mata de ko homakohowonua to Una ai himangoka.

Himatoko 15:4

Mode ka onagona abe ko inimodongua de ko inihoromatiua Ngonaika? De mode ka onagona yoluku ihilamoko ani romanga de inihigiriiri Ngonaika? Angamoi ka Ngona dika notebi-tebini! De o dunia ma nyawa mata-mataika ahao yokokiboa de yomahuba to Ngona ani himangoka, angamoi ani datoro ma totiai ona yakokimakeoka.” Hokogea manga nyanyianga ma demo Unangika.

Himatoko 15:6

De ahao ma malaekata tumidi gea abe amomoiika naga manga tagongo la o kokangela yahipoha dau o duniauku, ona Ma Jou ai Tauoka de aino yohupu. De gea yomahinoaukuoka de o baju ma guru-gurutuku abe duru ma gare-garehe de ma leto-letongo, de gea ma lawe duru ma alu-aluhino yodiai. De naga manga aluino o ban o gurasino abe ihipakitino.

Himatoko 19:14

De naga ai poretino o Horoga ma tentara ko manga ngoe iwihidoduruino, abe ona gea yomahinoaukuoka de manga baju ma gare-garehe de duru itebi-tebini abe ena gea o lawe duru ma alu-aluhino yodiai. De onangoo homoi-homoiika yoboribarenuku o kuda ma gare-garehuku.

Himatoko 3:18

Ho naa Ngohi tinihigaro nginika tato koaho nimaija Ngohioka o gurasi iree-reeika abe yahitebinoka o uku ma goronaka de aino, la gea nimaijaka Ngohioka de ahao niagou-goungu nikaya Ma Jou ai himangoka. De tinihigaro nginika tato Ngohioka nimaija o baju ma gare-garehe la gea nimahinoauku la ufa inihimaleke ma titi ka nia bululunoka. De tinihigaro nginika tato nimaija Ngohioka nia lako ma bibiu ma houru la gea nihiehe dakaa nia lakoino la hiadono ngini ka idadi nimahioriki.