Himatoko 19:13 - Ma Jou ai Demo-demo o Totobelohoka

¹³ De Una womahinoaukuoka de o baju ma guru-gurutuku abe yatonoka de o nyawa manga awunuku. De Una gea abe iwihiromangoli Unangika ato Una gea Ma Jou ai Demo.

Himatoko 19:13 ပူးပေါင်းရင်းမြစ်များ

Yesaya 9:5

De hokonaa ma titi hiadono o hikadame ilaku. Angamoi ahao o ngofaka womatengo womaboa ngoneoka, abe womatengo o ngofaka iwihidoaka ngoneino. De Una gea womahimoku ai tagongo la wonahipareta ngoneino. De nagali ai romanga iwoeika, abe iwihiromanga Wososawaro Wohidee, de Ma Jou Wokokurutiye, de nanga Baba abe ko iwa ai Baha, de o Hikadame ma Baluhu.

Yohanese 1:1

Ka ma dodihirainohi o dunia ko idadiuahi de Una iwihiromanga o Demo, Una gea nagau. De Una o Demo naga Ma Jouoka abe Una de Ma Jou o Baba ona hoimoi ho duru yomatoteroino.

Yohanese 1:14

O Demo Una womahidadioka o nyawa la gea ka idadi wogogere ngone o nyawa nanga hidogoronaka. De ngomi abe wiwinii-niiki miamakeokau ai medebini ma dararono. De ka Ma Jou o Babaino dika wamake ai medebini ma dararono gea. Una Ma Jou ai Ngofaka womatengoka ho duru ai hiningaka iwiomangoka o dora ma ngango de mata-mata wodiai gea inahimatoko Ma Jou ai hininga ma gou-goungu.

1 Yohanese 1:1

De ngohi tinihurata nginika ma titi o Yesusu Kristusu, abe Una gea iwihiromanga Unangika o Hingahu ma Demo ma dutu, de abe Unangoka o wowango ma ngango ma titi. De Una gea ngaro ai dulaada naa ko idadiuahi masara Una nagau. De ipahaino de ahao ngomi naa abe wiwinii-niiki, ngomi ma hirete miihene de miamake ma Hingahu ma Demo gea. Abe ma titi ngomi mitotoihene to Una ai ilingi ma demoino, de ngomi wiwilega-lega Unangika de to ngomi ma hirete mia lako hinooto, de nagali wiwiso to Una ai badangika de to ngomi mia giama.

1 Yohanese 5:7

Ho naga hamake ma titi hange abe inahitararono nanga hiningaino la duru hohioriki abe ma titi o Yesusu Una gea tanu onaguna.

Himatoko 14:20

Ho o angguru ma ngengedere ma ngi gea imanoa o kota ma poretoka, de ma hofoko wakokiumoka genangika la yakokiwederuku de yateo, masara gea ka o awunu dika ihupu abe genangoka de aino. De ma awunu gea idadi hoka o nguihi o tonakoka gea, abe ihahurika, o kilo o ratuhu hange ma gurutika, de gea ma awunu ma lukuku ngade-ngade o metere moi de ma hononga. De marai hokogea ma hiketero abe ihihimatoko ngohino hokokia ahao idadi ma oraha Ma Jou waurusu de wahohowono ona iwilawa-lawanika. Abe gea wohiketero ai hohowono de abe o gugutuku ma oraha o duniaka.