Himatoko 18:9 - Ma Jou ai Demo-demo o Totobelohoka

⁹ De ma oraha gea o dunia ma kokoano ahao yamake ma nofo abe idoa o Babele ma kota ma ukuoka de aiye, de gea duru yoari-ari de yopoa-poaka ma titi manga hininga duru ihuha. Angamoi ona gea ma dihiraino de ka ihikaika yomakitigi abe o Babele ma nyawaika de yomahisosanangi de de ona ma titi manga badanga ma hafini ka ihikaika ihingodumu onangika.

Himatoko 18:9 ပူးပေါင်းရင်းမြစ်များ

Dodadi 19:28

Ho womahiadonika genangoka de womalega daena o kiaka o Sodomo de o Gomora naga o Yorodani ma dolauku. De wamake o uku ma nofo kohabirini idoaiye hoka o fongana youku ma nofo.

Higalioli 29:23

Abe nia tonaka ma amokika ahao naga ma gahi de ma uba itoka-tokara yawoongo ma tonaka gea. Ho ko moiua yodatomo de ko moiua iwangoiye genangoka, de ma bahauku de ahao hamake imakadaene hoka o kota ma dodihiraino gea o Sodomo de o Gomora de o Adima de o Seboimi. Angamoi ma kota gea Ma Jou duru wahibinaaha mangale ma titi ai ngamo duru kohaamoko.

1 Timotiusu 5:11

Masara nako momatengo mofao de masara ko imitimonuahi, gea muna ufa ami romanga nitulihuku ma bukuku gea angamoi ko idadiuahi muna maleleani hokogea. Angamoi bote ahao ipudali ami hiningaka o naurika la moigo moilakoli. De nako hiadono moilakoli, gea kiani mapidiloka ami leleani gea o Kristusika.

Himatoko 14:11

De to ona gea manga hohowono ma uku ka ihikaika itokara de ma nofo idoaiye ka hiado-adonika. Ho ona abe yomahuba o aewanika gea de to ena ma pangaoika de yodafongo to ena ma dodunguu onangoka, ona gea duru ko iwa manga hiaini abe manga kangelaino o futu de o wange masara ka ihikaika naga yauku onangika.

Himatoko 17:2

De o dunia ma kokoano ona yomakitigi de muna ho yahowono manga badangoka ma titi munangino gea. De nako o dunia ma nyawa mata-mataika ona hoka yadalukoka ma titi to muna ami howono ami badangoka, abe genangino yalufungu manga hiningaka hiadono yomaketero hoka yadalukoka de o angguru ma teongo ma gohaka.” Hokogea ma malaekata ai demo ngohino.

Himatoko 18:18

De gea ona yawuningi ma nofo idoa daku ma hoaniye de onangoo yoari-ari de o tonaka ma kokuhuhunu yomadererouku manga peauku la gea yomahitunguu manga hininga ma huha, de yotemo ato, “Adoo! Ga gena o Babele ma kota duru ko iwaka! Done o kiaka naga o kota moioli abe imakadaene ma hohailoa de o Babele ma kota abe gea youkuoka? Abeika ma kota gea abe ma dihiraino de to ena ma romanga duru ilamoko o duniaka. De duru ma titi ma kota gea hiadono ngone abe de nanga kapaka nanga tiwi idadi ilamoko genangino, angamoi ona ma kotaka gea duru manga tiwi ilamoko. Masara naa ka itodokanino de gea mata-mata ka aiaho. Adoo!” Hokogea to ona manga demo.

Himatoko 18:20

Ho ngini mata-mata o Horogaka ngaro ka nigogaragoka ma titi o Babele ma kota ibinaahaka! De ngini abe ma dihiraino Ma Jou winihidadi ai hidingoto ma nyawa de abe utuoli ai uru ma dodofanga, de ngaro ngini utu mata-mata abe nidadioka to Una ai debi-debini ma nyawa, masara ngini mata-mataika ngaro ka nigogaragoka angamoi naa Ma Jou winihibalahoka ngini. De gea Ma Jou wahohowonoka o Babele ma nyawaika abe hokokia imakiniiki de to ona manga datoro ma dorou nengokadau abe yodiai nginika.

Himatoko 18:3

De gea o Babele ma kota irubaka angamoi ma titi o Babele ma nyawa manga datoro ma dorou. De ona ma kotaka gea duru yomaketero hoka o ngofeka momatengo abe biaha momatobafukunu ami badanga, angamoi ona duru ka ihikaika yahigaro o dunia ma nyawaika hiadono onangoo yomakiniiki o Babele ma nyawa abe yodiai manga datoro ma dorou. Ho gea o Babele ma nyawa duru yahigaro de yahiata-atara o dunia ma kokoanoika hiadono manga hiningaka duru akokilufungoka de manga badanga ma gimono de gea ma bahauku de hoka yomakitigi de o Babele ma nyawa la ato manga hafini gea ihingodumu. De gea o dunia ma kokoano yaniikoka o Babele ma nyawa manga wowango ma datoro ma dorou. De nako ona abe biaha o kiahonanga yafuku-fukunu de yoija-ija abe o kiaka dika yogogere o dunia ma amokika, ona gea yodadioka duru yokayaka mangale ma titi o Babele ma nyawa manga hafini duru ilamoko abe o kiahonangika duru ma hohailoaholi.” Hokogea ma malaekata ai hingahu ma demo abe ma titi o Babele ma kota duru irubaka.

Himatoko 18:7

“De angamoi ma titi ona duru yomasadeholi de yomahigiriiri de yomahisosanangi dika ma titi manga kiahonanga abe ihohailoaholi, ho naa ona kiani ma hibalaha yamake de gea kiani yamao o kokangela ma odiri de o hininga ma dodubuho. De ona gea yomatemo manga hiningaka ato, ‘Ngomi naa duru midadioka o kokoano de o nyawa utu naga mia kuahaka. Duru ko iwa mia hininga ma dubuho eko mia kangela, de marai ka ihikaika ka ma rorahai dika miatobamake.’ Hokogea ona manga demo manga hiningaka.

Himatoko 19:3

De naa ma moioli ona ko manga ngoe ka ma moiiye yopoaka ato, “Haleluya! Hihigiriiri Unangika ma titi abe ma nofo o Babele ma kotaka de aiye idoa, gea ko itogu-togumua idoaiye ka hiado-adonika.” Hokogea ona iwihigiriiri Unangika.

Himatoko 2:22

Ho naa abeika ahi hohowono munangika. Angamoi muna gea duru mosanangi momanoa de mahowo-howono ami koi ma goronaka, ho ngohi naa ahao tomihipoha de o panyake moi la hiadono muna ami koioka dika momaidu-idu de duru ko momoo-momikua. De onangoo abe muna de ona gea yomakitigi abe ko itiaiua, onangoo Ngohi ahao duru tahipoha de o kangela kohaamoko onanguku. De nako ona gea ko yotobaua manga datoro ma dorouino abe ona de muna yotobadiai, gea kiani hokogea ibooto ahi hohowono onanguku.