Angamoi nako hokogea haniiki, gea imaketero hoka ngone bote hato ka idadi homahiketehigogao ngone de o pangao de hato gea bote Una ko wonahohowonua. Eko ngone hato nako ngone de Ma Jou, ka ngoneohi hoputurungu. Duru hokogea ko itiaiua, angamoi ka Unangohi woputurungu de kiani wonahohowono nako nanga datoro hokogea hodiai.
Himatoko 18:8 - Ma Jou ai Demo-demo o Totobelohoka8 Ho mangale hokogea yomahigiriiri, ho ahao manga oraha adonoka de manga kokangela yadaenoka onanguku. Abe ahao o wange moiuku de ka ma moiuku yadaene o panyake abe imahora-hora de o hafinoo hiadono o honenge ma amoko, ho ko manga ngoe ma oraha gea ka yoari-ari dika. De ahao o Babele ma kota gea youkuoka ho ko iwaka angamoi duru itinoka, angamoi gea Ngohi nia Baluhu idodutu Ma Jou abe tahohowono onangika, de Ngohi duru ahi buturungu ma amoko.” Hokogea itemo ma ilingi gea abe o Horogaka de aino toihene. အခန်းကိုကြည့်ပါ။ |
Himatoko 18:8
18 ပူးပေါင်းရင်းမြစ်များ
De ona yotemo ato, “Ngomi naa duru mitarimakase Ngonaika, angamoi Ngona mia Baluhu idodutu de mia Jou abe ngaro mata-mataika ma ka Ngonahi duru de ani kuaha kohaamoko. De Ngona naga abe Ngona naga, de ngaro ka hiado-adonino ma Ngona nagau. De gea mitarimakase Ngonaika angamoi ani kuaha kohaamoko gea nagorakiye la nomulaengoka o dunia duru nahipareta enangika!
Ho ahao naga ma oraha adono abe ma aewani ma doka-dokara de to ena ma tataduku ngimoi, abe genangino ma titi o koano yangimoi, ona mata-mata ahao duru imidohata munangika abe biaha momatobafukunu ami badanga. De ona ahao ami kiahonanga mata-mata yomahitoona hiadono to muna duru ko iwaka, de ngaro ami baju ma enangoo gea yahuputoka la muna ka ami bululunokahi. De gea ahao to muna ami roehe yaolomo de nako ami hou, gea yatufuku la imiuku hiadono duru motinoka.
De nako ma ngofeka abe kangano nomimakeoka, muna gea tomihiketero de o kota ma amoko moi. De ma kota ma amoko gea hohiorikoka abe gea ena ma kota abe ma oraha naa yahipareta o dunia ma amokika, de ngaro o dunia ma koano mata-mataika, ma onangoo ma kota gea ma kuahaka.” Hokogea o malaekata ai hitararono ma demo ngohino ma titi ma himatoko abe ngohi tamakeoka ma oraha ihilufungu de Ma Jou o Womaha ai kuaha.
Masara naa hoka o lakodawi moi ma hiapoto de nia kiahonanga duru kohaamoko gea ka aiaho!” Hokogea manga hininga ma huha ma demo. De nagali genangoka ona mata-mata abe yomatiwi-tiwi o kapaka, abe ngaro o kapa ma ago-agomoka ma kaputeene eko ona utu yotobakarajaanga o kapaka eko ngaro onagona dika yatobaniiki o kapa, ma onangoo mata-mata ma oraha gea de yomaokoino abe manga gurutika de yolega-lega o Babele ma kotaika.
ကြော်ငြာတွေ