Himatoko 18:21 - Ma Jou ai Demo-demo o Totobelohoka

²¹ De ahao o malaekata womatengo abe duru woputurungu una o hakaru moi duru kohaamoko wagoraka de waumoka o gahiuku. De gea wotemo wato, “Abe imaketero hoka ma hakaru taumoka o gahiuku de ko hamakeokaua, hokogenangoo ahao o Babele ma kota duru Ma Jou wohibinaahaka la ko amakeokauali ka hiado-adonika ma kota ma amo-amoko gea.

Himatoko 18:21 ပူးပေါင်းရင်းမြစ်များ

Higiriiri 37:36

Masara ahao to una ai ngi totilakuru de una ko iwiwaka genangoka, De ngaro tilingiri ma una iwihihangoka de o nyawa ko moiua iwimake.

Huhupu 15:5

Ona hoka o hakaruoli ho ka yogila-gilauku hiadono dau o dowongiuku, Kohabiriniye ma gahi manga lokuino de ona gea ga dau.”

Himatoko 10:1

De gea ipaha de ahao naga timake o malaekata womatengoli duru ko ai buturungu de una naga wouti daku o Horogaka de wauku. De una gea womahihawoino de o lobi la ma lobi gea imaketero hoka ai baju womahinoauku. De daku ai pea ma lokuiye naga ma dararono abe ma rupa hoka o ngawatoro idiai ihigororomino ai lokuiye. De to una ai himanga gea duru itararono abe hoka o wange ma dararono, de nako to una ai lou gea tamake imaketero hoka o uku ma lou ma rupa.

Himatoko 12:8

Masara ma naga gea ko akunua ho o Mikaele de ai momalaekata ko yahigunoakaua la imanoa o dihangoka.

Himatoko 16:20

De ma oraha gea o nuuhu de o loku-loku mata-mataika o dunia ma amokika gea ka aiaho, ko hamakeokaua!

Himatoko 18:10

Ho o dunia ma kokoano gea ahao yomaokoino abe manga gurutika de yolega-lega dika o Babele ma kotaika angamoi ona yohawanoka ato done onangoo yahidotadaene o Babele ma nyawa manga hohowono gea. De ona ato, “Adoo, adoo! O Babele ma kota gea ma dihiraino de duru ma romanga ma amoko de duru de ma kuahaka. Masara naa hoka o lakodawi moi ma hiapoto de to ona manga hohowono amakeokau.” Hokogea manga demo abe yopoa-poaka.

Himatoko 18:22

De ma oraha gea de imahikaika ko iwaka o nyanyianga ma ilingi o kota ma goronaka gea. De ngaro ona abe o sulingi eko o guguli yotobawuwu eko abe naga moi manga kia naga yapita-pitata, ma gea mata-mata ma ilingi ahao duru ko yoihenokaua ma kota ma goronaka gea. De ngaro ona abe yososawaro manga karajaangoka la genangino yomatiwi-tiwi, ma ona ko moiokaua gea ma kotaka. De ngaro manga gandum ma duru ko iwaka ho enangoo ko iwaka ma ilingi abe ma gandum yotuu-tutuku.

Himatoko 20:11

De gea ipaha de ahao ngohi tamake o pareta ma kadera ma hohailoa moi ma gare-garehe abe duru kohaamoko. De Una abe naga wogogerukuoka ma kaderauku, Unangoo timake. De ka itodokanino de o dunia de ma dihangoo ka aiaho de ko iliokaua, abe gea hoka iloara Ma Jou ai himangoka de aino.

Himatoko 5:2

De ahao tamake o malaekata womatengo duru de ai kuahaka abe wopoa-poaka wato, “Ka onagona naga de manga kuahaka de naga manga gogere ikurutiye Ma Jou ai himangoka la ka akunu ma guihi o lilingino gea de yafelenga? Eko ka onagona dika yororahai hiadono Ma Jou wahigunoa la gea ma buku ma lulu ahohe?” Hokogea ma malaekata woleha.