Himatoko 18:17 - Ma Jou ai Demo-demo o Totobelohoka

¹⁷ Masara naa hoka o lakodawi moi ma hiapoto de nia kiahonanga duru kohaamoko gea ka aiaho!” Hokogea manga hininga ma huha ma demo. De nagali genangoka ona mata-mata abe yomatiwi-tiwi o kapaka, abe ngaro o kapa ma ago-agomoka ma kaputeene eko ona utu yotobakarajaanga o kapaka eko ngaro onagona dika yatobaniiki o kapa, ma onangoo mata-mata ma oraha gea de yomaokoino abe manga gurutika de yolega-lega o Babele ma kotaika.

Himatoko 18:17 ပူးပေါင်းရင်းမြစ်များ

Yunusu 1:6

De o kapa gea manga kaputeene wouti o Yunusuku o kapa ma goronauku de o Yunusu wiahoko wato, “Ngona naa done sarakia, o rato naa ma gogiriaka de ka inikiookohi! Ei, nomomikohi, ani jouika nonagahokohi o duduhunu, bote womalega ngoneino la ko wonahigunoaua hobinaaha.” Hokogea o kaputeene witaere o Yunusika.

Hidingoto 27:11

De ona yoihene o Paulusu ai demoino masara ma kapa ma kaputeene de ma dutu ona yahinooto manga hininga la yogila-gila dika. De ma tentara ma hihira unangoo woluku o Paulusu ai hininga la wahigihene ona yahinootoika.

Himatoko 17:12

“De nako ma aewani ma tataduku ngimoi abe ngona kangano namake, gea ma tataduku enangoo ma titi o koano. Ho gea o koano yangimoi abe ma oraha naa ko yodadiuahi yokoano. Masara ahao naga ma oraha adono abe ona yodadi yoborikoano de de ma aewani gea ma oraha enangoo ikoano. De manga oraha abe yoborikoano, gea duru ko itedekanuahi de ahao yahikokigutioka.

Himatoko 17:16

Ho ahao naga ma oraha adono abe ma aewani ma doka-dokara de to ena ma tataduku ngimoi, abe genangino ma titi o koano yangimoi, ona mata-mata ahao duru imidohata munangika abe biaha momatobafukunu ami badanga. De ona ahao ami kiahonanga mata-mata yomahitoona hiadono to muna duru ko iwaka, de ngaro ami baju ma enangoo gea yahuputoka la muna ka ami bululunokahi. De gea ahao to muna ami roehe yaolomo de nako ami hou, gea yatufuku la imiuku hiadono duru motinoka.