De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika.
Himatoko 18:13 - Ma Jou ai Demo-demo o Totobelohoka13 De naga utuoli ona biaha yomaijaino o kayu manis de o manyanyi de o muuru de utuoli naga abe ma bounu duru irahai, de o angguru ma teongo ma gohaka de o saitunu ma minya de o tarigu ma hali de o gandum. De naga utuoli ona biaha yomaijaino o hapi ma duduono de o domba ma duduono, de o kuda ma duduono, de o goroba ma ngoe. De ngaro o gogilaongo ma nyawa de o nyawa utu abe yataokino, ma onangoo o Babele ma nyawa ma dihiraino ko manga ngoe yomaijaino. အခန်းကိုကြည့်ပါ။ |
Himatoko 18:13
25 ပူးပေါင်းရင်းမြစ်များ
De utuohi o Saloomo ai utumu ka ihikaika wamake abe naga ona yotobafuku-fukunu de ona ihiketehituruuru manga kiahonanga kiani manga utumino ma hidoku moi iwihidoaka unangika. De nagali o Arabino manga kokoano homoi-homoiika de o tonaka manga gubernuuru homoi-homoiika onangoo mata-mata o tao-taongiye naga manga hidoaka o gurasi yoboa iwidotaka o Saloomoika.
Ho o tao-taongiye ka ihikaika naga o nyawa ko manga ngoe yoboaino la iwitutumu o Saloomoika. De ngaro onagona dika naga yoboa iwitutumu ma kiani de manga hadia abe yoigo iwihidoaka unangika. Ho manga hidoaka naga o haaka, de o gurasi, de o pakeanga duru ma rorahai, de o minya abe ma bounu ma rorahai, de o rampa-rampa, de o kuda, de o keledai, ho gea ena mata-mata naga abe iwihihadia o Saloomoika.
De ahao muna ami hadia mihidoaka o Saloomoika duru ilamoko abe o gurasi ma dutu o kilo o sana iata ifoloi ma dubuho. De ami hidoaka utu o rampa-rampa naga o fara ma ngoe abe utu ma bounu duru ma rorahai abe genangino o manyanyi o nyawa yodiai. De nagaoo o hakaru kohangoe ma hohailoa abe o fara ma ngoe naga duru ileto-letongo mata-mata. De abe ma titi ami hadia ma rampa-rampa ko ma moiuahi ona o Isiraele ma nyawa yamake manga tonakoka abe ena gea irorahai imakadaene abe hoka ena gea o ngo koano o Siebaino mihidoaka unangika.
Eko o nyawa yomakitigi ko itiaiua, eko o nauru de o nauru de yomakitigi. Eko o nyawa abe o nyawa utu yataokino la ahao ka idadi yafukunu la yahidadi o gogilaongo. Eko o nyawa yotobaelu-eluku, eko ngaro ma oraha naga yaurusu o nyawa de o hakihii ma nyawa ona gea yaeluku yotobauru-urusika. De ngaro naga o kia-kia dika utu abe ko imakiniikua de o totiai ma dodotoko de ena gea o nyawa yotobadiai, onangikaoo gea masara Ma Jou wahitiari de to Una ai Pareta.
De abe ma titi ona yotobadoto-dotoko ko itiaiua, mangale ona gea duru yohafini o tiwika, ho ona gea ahao inirusi-rusi ngini ma titi manga dodotoko ma demoino la gea yomatiwi-tiwi dika nginioka. De gea manga demo ka yofeto-feto dika, de ko iwa ma titi genangino. Masara duru ma deka-dekanuku de Ma Jou waputuhokau abe ahao hokokia yamake manga hohowono, de manga bobinaaha gea ko wawohangua masara ka itigi moduku. Ho ngini ufa niahigihene onangika gea.
De ona abe manga kiahonanga yafuku-fukunu de yoija-ija o Babele ma kotaka gea de yomatiwi-tiwi genangoka hiadono ona duru yokayaka, onangoo gea ko manga gurutika yomaokoino. Angamoi onangoo yohawanoka ato done onangoo yahidotadaene o Babele ma nyawa manga hohowono. De gea duru yoari-ari ma titi o Babele ma kota ihihangoka de yomahingahu manga hininga ma huha ato, “Ti ngini nia sosanangi ma kiahonanga abe nia hininga duru yohafini enangika, gea mata-mata duru ko iwaka nginioka. De ti ngini nia kiahonanga abe ileto-letongo de abe ihohailoaholi, gea mata-mata ikokihihangoka ka hiado-adonika ho ko niamakeokauali nia kiahonanga gea.
ကြော်ငြာတွေ