Masara ngaro hokogea tihingahu ma sarakia nako de ahao una woboaino wonitailako de ngona ko iniwa naangoka! Abe ngona Ma Jou ai nyawa de done ngohi tosobo de ahao Ma Jou o Yawe ai Womaha woniao o kiaika nako ngohi toninoaika naangoka. Nako ngohi toikoka tihingahu o Ahabika ngona naga masara ka de uku de ko wonimakeua tanu ahao wohitoma ngohi naa. De ma oraha ngohi ka o goduuruohi de ka hiadono ma oraha naa ma, ngohi naga ahi horomati de ma modongoka Ma Jou o Yaweika, ho done o kia ahi howono ka hiadono ngona nohihuloko tihingahu o Ahabika hokogea?
Himatoko 17:3 - Ma Jou ai Demo-demo o Totobelohoka3 De wotemo ibootino de Ma Jou o Womaha ai kuaha ihilufungoli ngohi de ahao o malaekata gea wohiao abe o tonaka ma kakaahaika. De genangoka naga tomimake o ngofeka momatengo abe mobarenuku o aewani ma doka-dokara moi ma poretuku. De ma aewani gea naga to ena ma pea tumidi de ma tataduku naga ngimoi, de naga atulihika ma aewani ma badanga ma amokika o roma-romanga abe iwingelo Ma Jouika. အခန်းကိုကြည့်ပါ။ |
Himatoko 17:3
26 ပူးပေါင်းရင်းမြစ်များ
De ona iwitemo o Elisaika ato, “Mia baluhu, naga ngomioka o nyawa yamoritoa abe yopoputurungu mata-mata. Ho ngomi miato irahai la ngona nahuloko ona gea la yoiki iwilingiri to ngona ani baluhu o Elia. Angamoi marai Ma Jou o Yawe ai Womaha wiaoika de wikelengauku o loku moi ma tubuoka eko o tonaka ma dolauku.” Masara o Elisa wapaluhu wato, “Ngaro ufa dika hahidingoto ona gea.”
De wiohiki ipaha de ka de ona yofareniye o akeroka de aiye de nanga Baluhu ai Womaha ka itodokanino de wigoraka o Filipusu de wiaoika la o ngi moiikali wikelenga, ho ka aiaho. De abe ma oraha gea de imahikaika de ona yahinooto ko yomakamakeokauali. Masara o Etiopia ma nyawa gea duru wogogaragoka ho ai dodagi wohigila-gila wolio de ai hininga ma sanangi.
De ngaro o pangao eko naga o jou utu eko naga o kia dika abe o nyawa yomahijou enangika, ma, gea mata-mataika una gea ai wowango itotorou duru watobalawana de wahitipokouku de gea wato ka unangohi ma hirete wokurutiye. De gea una duru womagorakiye hiadono wogogere Ma Jou ai Tau ma goronaka de ahao o nyawaika womahingahu-ngahu wato, “Ngohi naa Ma Jou.” Ho nako hokogea una womahimatokoka de nagali abe o nyawa ko manga ngoe duru iwilawana Ma Jouika, gea kiani idadiokau de ahao ka idadi nanga Baluhu idodutu ai Gahe ma wange iboa.
Ho naa o Patomos ma nuuhoka de o wange moiuku ihilufungu de Ma Jou o Womaha ai kuaha. De gea ihilufungu ma wangeoka abe ngone Ma Jou ai nyawa nanga biaha homatoomuino de hihigiriiri nanga Baluhu idodutuika. De ka itodokanino de ngohi toihene ahi poretoka o ilingi moi duru ilamokiye, de gea ma ilingi ngade-ngade hoka o guguli yawuwu.
Masara naga imihidoaka ma ngofekaika o gafuufu hinooto abe ma rupa hoka o koloba ma amoko ma gafuufu la ka idadi mohoho moara ami ngiika abe ma hoanoka o kiaka ko iwa o nyawa genangoka. De ami ngioka gea ahao imipaliara abe ami taongo hange de ma honongaino ma dekana, de ma naga gea ko idadiua imiadono ami ngiika gea ho ko akunua imibodito munangika.
De nako ma ngofeka gea abe to Una ngoi meme, muna moara ma hoanika abe ko iwa o nyawa genangoka, angamoi Ma Jou womihidiaioka ami ngi ma hoanoka la genangoka imipaliara abe ami futu o sana moi de o ratuhu hinooto de moributaanga ma dekanino abe imipaliara. De gea ma dekana tanu o taongo hange de ma honongaino.
De nako ma ngofeka abe kangano nomimakeoka, muna gea tomihiketero de o kota ma amoko moi. De ma kota ma amoko gea hohiorikoka abe gea ena ma kota abe ma oraha naa yahipareta o dunia ma amokika, de ngaro o dunia ma koano mata-mataika, ma onangoo ma kota gea ma kuahaka.” Hokogea o malaekata ai hitararono ma demo ngohino ma titi ma himatoko abe ngohi tamakeoka ma oraha ihilufungu de Ma Jou o Womaha ai kuaha.
De ma ngofeka gea momahinoauku de o koano ma baju abe ma wuu-wuu de ma doka-dokara, de ami badangoka naga momahinoa duru kohangoe ami gule de ami gogoli de ami ngaukuku, abe utu o gurasino yodiai, de utu o hakaruino duru ma leto-letongo, de utu o biagaro ma hakaru abe duru ma hali-hali, ho gea ena ma hohailoa naga duru ma ngoe munangoka momahinoauku. De ami giamoka naga masoino o mangko moi o gurasino, de gea ena ma dola ma pese-peseke de ma dodorou abe ma titi ami datoro ma dorouino, angamoi muna ami biaha momahitigi-tigi o nyawaika de mahowono.
Abe ona ma dihiraino biaha yomaija o gurasi de o haaka de o hakaru ma leto-letongo de o biagaro ma hakaru abe duru ma hali-hali. De nagali ona biaha yomaijaino o ngoere de o baju abe duru ma rorahai, abe naga utu o lawe ma alu-aluhino yodiai, de utu ma wuu-wuu eko ma doka-dokara, de utu o ngoere abe duru inouhuholi ho duru ihali. De nagali yomaijaino o kiahonanga irupa-rupa abe yodiaioka o gota ma hali-halino de o gaja ma aewani ma hihipatino de o tabaagaino de o behino de o hakaru ma hohailoaino.
Adoo! Abeika nia hininga ma huha abe ngini o Babele ma kotaka nimanoa angamoi naa ihihangoka! Ma dihiraino de nia romanga duru ilamoko o duniaka, de ngini biaha nimahinoauku de o baju abe o lawe ma alu-aluhino yodiai de o baju ma wuu-wuu de ma doka-dokara, de naga nimahinoa de o gurasi de o hakaru ma leto-letongo de o biagaro ma hakaru duru ma hali-hali ho nia rupa duru nirorahai dika!
De wotemo ibooto de ahao Ma Jou o Womaha ai kuaha ihilufungoli ngohi de o malaekata gea wohiao o loku moi ma tubuiye abe ma loku gea duru ikurutiye. De genangoka una wohihimatoko ngohino ma kota ma debi-debini abe Ma Jou wohigutiuku o Horogaka de auku, abe gea ma kota ma romanga o Yerusaleeme ma kota.
ကြော်ငြာတွေ