Himatoko 16:2 - Ma Jou ai Demo-demo o Totobelohoka

² De itemo ipahaino de o malaekata womatengo wosoboka de wakopoa to una ai mangko ma dola dau o duniauku, de gea o nyawa o duniaka idadioka manga boroho o bara manga badangika abe onagona dika yodafongoka ma aewani gea ma dodunguu de yomahuba to ena ma pangaoika. De ona manga boroho o bara gea duru itorou de duru kohaodiri manga badangika.

Himatoko 16:2 ပူးပေါင်းရင်းမြစ်များ

Hidingoto 12:23

De manga higiriiri ma demo gea o Herodese woihene de wodafongo dika, abe tanu koaho wataere onangika de wahigaro la ona iwihigiriiri ka Ma Jouiye dika de ko unangikaua. Ho mangale ma titi manga higiriiri wodafongo ho ka itodokanino de Ma Jou ai malaekata ka wihipoha unanguku de o panyake moi abe duru itorou. De ma panyake gea o kulubati duru ma dorou abe aolomo ai roehe doka ai badanga ma goronaka, de ko itedekanuahi de una wohonengoka.

Himatoko 13:12

De naa ena ma aewani ma kuaha o duniaika gea duru imaketero de hoka o aewani ihira-hira gea ma kuaha abe dau o gahioka de aiye ihupuiye. De o aewani ihira-hira ma himangoka de naa o aewani itoturuino abe o tonakiye ihupuiye yoduhunu abe gea yahipareta de yaribuutu o dunia ma nyawa mata-mataika la ona yomahuba o aewani ihira-hiraika, abe to ena gea ma honenge ma nabo iaikoka de ka iwangohi ma aewani gea.

Himatoko 14:16

De gea wotemo ibootino de ahao Una abe wogogeruku ma lobioka ai gugutuku ma dia wohipairi ma moi dika o dunia ma amokika de ka wotengouku wautuku mata-mataika.

Himatoko 14:9

Ka de gea ipaha de ahao womatengoli o malaekata wahidoduruino manga poretino abe ma malaekata yahinooto yopahaka. De naa o malaekata ma hange wopoa-poaka waamo-amokiye wato, “Onagona dika abe yomahuba o aewani ihira-hiraika de yomahuba ma pangaoika abe ma rupa hoka ma aewani gea ma rupa, eko ngaro to ma aewani ma dodunguu yodafongo manga pea ma nyore-nyoreoko eko manga giamoka,

Himatoko 16:1

De ahao ngohi toihene o ilingi moi ma amokiye Ma Jou ai Tauoka de aino. De ma ilingi gea itemo o malaekata tumidika gea ato, “Ngini niloiki la homoi-homoiika niakokikopoaka nia mangko tumidi gea o duniauku, abe to ena ma dola Ma Jou ai ngamo ma hohowono o duniaika.”

Himatoko 16:11

De ona gea ka iwingelohi de iwidoa-doanohi Ma Jouika o Horogaka ma titi manga badanga ma odiri ma ngoe de manga boro-boroho o bara, de gea ko yotobauahi manga datoro ma dorouino.

Himatoko 8:7

De ma malaekata wohira-hira ai guguli wawuwu, de ahao naga o es ma awana ma dodogowini abe ipuraraha dau ma duniauku hoka o awana koharikimi. De nagali o uku abe imakasapuroka de o awunu, de enangoo ipuraraha dau ma duniauku. De gea nako o dunia naa haregu hange, gea ma regu moi youku hiadono ma regu gea ma gota-gota de ma ruruubu mata-mata akokitinoka.

1 Samuele 5:6

De ahao Ma Jou o Yawe womulaenge wahikangela o Asodo ma kota ma nyawa de o panyake ma dorou abe itotoworaino manga badangoka. De o Filistina ma nyawa abe yogogere o kapo-kapongoka abe imakatingaka de o Asodo ma kota ko ikurutikaua onangoo yadaene hiadono duru ikiriaholi o Filistina ma nyawa yopanyake abe yogogere genangoka.

1 Samuele 5:9

Masara ka de Ma Jou ai Peti iboaka o Gaata ma kotaino de genangokali Ma Jou o Yawe womulaenge o Filistina ma nyawa wahikangela de o panyake ma dorou gea abe itotoworaino manga badangoka. De ngaro ona o dimono abe yaperekioka eko ngaro o ngofa-ngofaka ma imaketero dika ma panyake yadaene onangika ho duru o Gaata ma kota ma nyawa yomodongoholi Ma Jou ai Petika. De ona de manga boaka yomahohaangara.