Himatoko 14:16 - Ma Jou ai Demo-demo o Totobelohoka

¹⁶ De gea wotemo ibootino de ahao Una abe wogogeruku ma lobioka ai gugutuku ma dia wohipairi ma moi dika o dunia ma amokika de ka wotengouku wautuku mata-mataika.

Himatoko 14:16 ပူးပေါင်းရင်းမြစ်များ

Matiusu 16:27

“Ahao naga ma oraha abe Ngohi o Nyawa ma Ngofaka ahao toboali de ahi medebini ma dararono. De gea ahi medebini ma dararono imaketero hoka ahi Babali ai medebini ma dararono, de ma oraha gea ahi Baba ai momalaekata onangoo mimakutuono ihiniiki. De gea dokena nanga himangika toboali la o nyawa mata-mataika manga wowango ma datoro homoi-homoi tatailako la tahibalaha onangika.”

Himatoko 14:14

De ipaha de ngohi tomalegaika, de naga ihihimatoko ngohino o hiketero abe ma titi hokokia Ma Jou waurusu de wahohowono onangika abe iwilawa-lawana abe ahao ma oraha ma baha adonoka. De gea tamake o lobi moi ma gare-garehe, de naga womatengo wogogeruku o lobiuku gea abe ai rupa hoka o nyawa. De ai peauku naga womahisapeouku de o koano ma sapeo o gurasino, de abe ai giamoka naga wasoino hoka o gugutuku ma dia abe duru idoto.

Himatoko 14:15

De ahao o malaekata womatengoli woboa Ma Jou ai Tau o Horogaka de aino de una gea wiboakika Unangika abe wogogeruku ma lobioka wato, “De ani gugutuku ma dia gea ka idadi nomulaenge napairi o duniaka, angamoi o dunia ma gugutuku ma oraha adonoka de ma redi ma hofoko ikokilomukoka.”

Himatoko 14:17

De gea ipaha de ahao o malaekata womatengoli Ma Jou ai Tau o Horogaka de aino woboa, de unangoo naga wasoino o gugutuku ma dia moi duru idoto.

Himatoko 14:19

Ka de gea wotemo ipahaino de ahao ma malaekata womatengo gea womulaenge wohipairi de ai gugutuku ma dia o dunia ma amokika de wakokitoomuino o angguru ma hofoko ma hasili abe ma redi homoi-homoiino. De gea wakokitoomuinoka de ahao waumoika o angguru ma ngengedere ma ngi ma amoko ma goronaika la genangoka ahao o angguru ma hofoko yakokiwederuku de yateo. De ma ngengedere ma ngi ma amoko gea imaketero hoka Ma Jou ai ngamo ma hohowono duru kohagiria onangika abe iwiolukoka Unangika.