De naa adonoka ahi wowango ma batingi, ho naa ka idadi tomahohininga de ahi wowango tatailako. De gea ngohi ka idadi tomahingahu tato abe ma karajaanga ma rorahai abe ma dihira Ma Jou wohihitagongino ngohino, gea ma karajaanga ngaro kohadubuho, masara ena gea tabootoka. De ma dodihirainohi de Ma Jou ai ngekomo taniikoka de itiai, de gea tatobagou-goungu abe ahi ngongaku ibitumoka ka hiadono naa ahi wowango ma baha adonoka.
Himatoko 14:12 - Ma Jou ai Demo-demo o Totobelohoka12 De ahi demo naa totemoka la idadi o higaro ma demo abe ngini Ma Jou ai nyawaika hiadono ka nimatongohonohi nia ngongakuoka de ufa nikelu-kelu. Abe ngini igoungu ka ihikaika niatobaniiki Ma Jou ai behehongo nginika de niatobagou-goungu niwiniiki o Yesusika dika.” Hokogea o malaekata ma hange ai hingahu ma demo. အခန်းကိုကြည့်ပါ။ |
Himatoko 14:12
7 ပူးပေါင်းရင်းမြစ်များ
De ma naga gea ka de amake abe gea idadioka de duru imingamo munangika, ho ena isoboka la ato iloiki de yaparangi abe to muna ami ngofa-ngofakuku utuikali. De abe ami ngofa-ngofakuku, gea ona abe yatobaniiki Ma Jou ai huhuloko onangika de ka ihikaika yahingahu o nyawaika ma titi o Yesusu ai ade-adeino de gea duru yahigaro la ato o nyawa iwingaku Unangika.
Ma dihiraino de Ma Jou wohiaturoka la to Una ai nyawa utu yataokino de yatoma. Ho onagona dika nginioka abe Una wato ahao ngini initaokino, ngini gea kiani initaoko de inibuika. De onagona dika abe Una wato ahao o nyawa initoma, ngini gea ahao kiani nihonenge ma titi o nyawa manga giamoka. De ngaro ahao kiani idadi hokogea nginioka, masara ma oraha gea ngini Ma Jou ai nyawa kiani nimatongohono de ufa nimahipipidili nia ngongakuino.
De ahao Una wahibehehongo onangika wato, “Ngohi tohioriki ti ngini nia ngi, abe ngini nimanoa o kotaka abe genangoka naga o Ibilihi ma haeke ma gogere. De ngaro genangoka nigogere, ma ngini ka nimahigagaoohi Ngohino de ko nirehenua abe nia ngongaku Ngohino. De gea ka tohiningahi nengokadau ma oraha abe nia gianongoru o Antipasa una ka ihikaika naga wahingahu-ngahu o nyawaika ma titi Ngohi de hiadono una gea iwitomaka ti ngini nia hidogoronaka, abe genangoka o Ibilihi ma haeke imanoa. De gea ngaro nginioka de iwitoma, ma ngini ka nihingakuohi Ngohino, de genangoka de aino ma titi Ngohi duru tinisanangi.
“De ngini ngaro nia kangela ma goronaka ma nimatongohono nia ngongakuoka de ko nirehenua genangino, abe gea imaketero hoka ma dihiraino tinihulokoka la nimatongohono. Ho ma titi nia dongohono gea ho Ngohi ahao tinidatoko o kangelaino abe ko itedekanokaua de o kangela ma amoko yadaene o nyawa mata-mata o dunia ma amokika. Angamoi ma oraha gea o dunia ma nyawa mata-mataika yataili manga ngongaku ma hidumutu gea o kiaika. Masara gea ngini tinidatoko genangino.
De ahao Una wahibehehongo onangika wato, “Ngohi tinihioriki ti ngini nia wowango ma datoro. Abe ngini nia doomuoka gea ko niwoeua ho ti ngini nia kuaha ko ilamokua o Filadelfia ma kotaka gea. De masara ngini niatobagou-goungu nianiiki ahi demo nginika de ko nioporetua to Ngohi ahi romangika. Ho naa abeika, Ngohi o ngorana moi nia himangoka tinibelenga, de gea o nyawa ko moiua la ka yakunu gea yatatoko.
ကြော်ငြာတွေ