Himatoko 12:8 - Ma Jou ai Demo-demo o Totobelohoka

⁸ Masara ma naga gea ko akunua ho o Mikaele de ai momalaekata ko yahigunoakaua la imanoa o dihangoka.

Himatoko 12:8 ပူးပေါင်းရင်းမြစ်များ

Higiriiri 37:10

Ho ona yotobadiai itotorou ko itedekanua de yahihangoka, Ho ngaro ngini nialingiri ma ona ko niamakeua, yamataka.

Matiusu 16:18

“De naa moioli tonihingahu ngonaika abe o hiketero ma demoino tapake. Abe to ngona ani romanga gea o Peturusu de ani romanga ma titi gea o hakaru. Ho imaketero hoka o nyawa yomaatau o hakaru ma dengeoti ma lokuiye, hokogenangoo to Ngohi ahi gareja ahao todiai o hakaru ma lokuiye. De ma hakaru gea ihidumutu ngonaika. De abe ma titi ahi gareja gea Ngohi todiai, ma doomu gea duru ko iwa ma dorou o kia dika abe akunu yahikala onangika. Abe ngaro o hone-honenge ma kuaha abe ma oraha naa nagahi o Ibilihi ma haeke ma giamoka, masara enangoo ko idadiua yahikala ahi garejaika.”

Yudasa 1:6

De naa moioli tinihihohininga abe ma titi Ma Jou ai momalaekata. Angamoi ma dodihiraka de ai malaekata utu gea manga kuaha de manga gogere gea yanoaka de iwiporetoka Ma Jouika. De ma malaekata gea Ma Jou wakokipakitoka de wakokibuika abe o fufutu ma bui ma goronaka ka hiado-adonika, de genangokahi wahidogunoaika hiadono ahao ai hohowono ma wange adono. De ma oraha gea ahao ai malaekatoo Una wahohowono.

Himatoko 12:11

De ona nanga gogianongoru ihikala enangika ma titi yomahinganono o Domba ma Ngofaka ai awunika de ma titi Ma Jou ai Demo-demo abe ona yahingahu-ngahu de duru yahigaro o nyawa utuika la ato ka idadi iwingaku Ma Jouika. De ona ngaro o honenge yaohana ma titi o Abari ma Rorahai yahingahu-ngahu, masara ona ato koaho yohonenge dika iti ufa yorehene Ma Jouino. De hokogea ma titi hiadono ka idadi ihikala o Ibilihi ma haekika.”

Himatoko 12:7

De ahao ipahaika de naga yomaketeparangi ma dihangoka. De gea Ma Jou ai malaekata womatengo abe duru woputurungu, to una ai romanga o Mikaele. Ho o Mikaele de to una ai momalaekata, de ma naga kohaamoko gea de to enangoo ma momalaekata gea mata-mataika duru yomaketeparangi.

Himatoko 12:9

De gea ma titi ho hiadono ma naga kohaamoko gea de to ena ma malaekata mata-mata gea yaumoka dau o duniauku. De ma naga gea naga to ena ma romanga ma ngoe, angamoi ena gea abe duru ma dodihiraka imahipooteke o dodihaika, de enangoo abe ihiromanga enangika o Ibilihi ma haeke, eko o Tobalawana, de igoungu ena gea abe yatobabudi o dunia ma nyawa mata-mataika la hiadono yorehenoka o howonika. Ho gea o Ibilihi ma haeke de to ena ma malaekata mata-mata yokala de yaumoka ma dihangoka de auku.

Himatoko 20:11

De gea ipaha de ahao ngohi tamake o pareta ma kadera ma hohailoa moi ma gare-garehe abe duru kohaamoko. De Una abe naga wogogerukuoka ma kaderauku, Unangoo timake. De ka itodokanino de o dunia de ma dihangoo ka aiaho de ko iliokaua, abe gea hoka iloara Ma Jou ai himangoka de aino.