Himatoko 1:13 - Ma Jou ai Demo-demo o Totobelohoka13 De ma hidogoronaka naga womatengo ai rupa hoka o nyawa. De Una gea womahinoaukuoka o baju ma guru-gurutuku de naga ai aluino o ban moi o gurasino abe wohipakitino. အခန်းကိုကြည့်ပါ။ |
Himatoko 1:13
15 ပူးပေါင်းရင်းမြစ်များ
De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.
De ipaha de ngohi tomalegaika, de naga ihihimatoko ngohino o hiketero abe ma titi hokokia Ma Jou waurusu de wahohowono onangika abe iwilawa-lawana abe ahao ma oraha ma baha adonoka. De gea tamake o lobi moi ma gare-garehe, de naga womatengo wogogeruku o lobiuku gea abe ai rupa hoka o nyawa. De ai peauku naga womahisapeouku de o koano ma sapeo o gurasino, de abe ai giamoka naga wasoino hoka o gugutuku ma dia abe duru idoto.
De ahao ma malaekata tumidi gea abe amomoiika naga manga tagongo la o kokangela yahipoha dau o duniauku, ona Ma Jou ai Tauoka de aino yohupu. De gea yomahinoaukuoka de o baju ma guru-gurutuku abe duru ma gare-garehe de ma leto-letongo, de gea ma lawe duru ma alu-aluhino yodiai. De naga manga aluino o ban o gurasino abe ihipakitino.
De ahao Una gea wohihuloko wato, “Naa ngona nohitulihuku ahi demo naa abe o Efesusu ma gareja manga malaekatika, la unangoli ka idadi wadofanga ahi demo abe o gareja ma nyawaika. Notulihi nato, ‘Naa to Ngohi ahi demo nginika. Ngohi naa abe ma murumu tumidi tasoino ahi giama ma nirakoka, de Ngohi totagi-tagi abe ma posi ma liate tumidi o gurasino ma hidogoronaka.’” Hokogea Una womahingahu.
ကြော်ငြာတွေ