Hihira 9:6 - Ma Jou ai Demo-demo o Totobelohoka

⁶ De gea yatoma ipaha de o Sikeme manga balu-baluhu de manga dodiawo abe o Bete-Milo manga balu-baluhu, ona mata-mata yomatoomuino o gota ma amoko moi ma timiuku o Sikemoka. Abe genangoka naga ma ngi yomahuba-huba manga jou ma homoaika. Ho ma wange gea de ona iwigoraka o Abimeleke genangoka la womulaenge wahikoano onangika.

Hihira 9:6 ပူးပေါင်းရင်းမြစ်များ

2 Samuele 5:9

De o Dautu wahikala ipaha de ahao womanoa ma kota ma hidoku gea ma goronaka ho gea ihiromanga “O Dautu ai kota.” De ipaha wahuloko ai nyawa la ihigoko o tau ma hungioli genangoka, ho yodiaioli ma kota ma hidoku la utuohi iwoata de ikurutu, de gea igoungu ma kota idogo ilamoko.

1 Kokoano 12:1

De o Rehabeama woiki o Sikeme ma kotaika abe genangoka o Isiraele ma nyawa mata-mata yomatoomuinokau genangoka la iwihitunguu ma gou-goungu iwihidadi manga koano.

1 Kokoano 12:20

Abe ka de o Isiraele ma nyawa mata-mata yoihene ma abari abe o Yerobeama woboaka o Isiraele ma tonakino de yomatoomuino de iwibehehongo la waniiki manga doomu. De una woboa manga doomuino de ahao o Isiraele ma nyawa iwihidadi manga koano. Ho ona o Isiraele ma nyawa manga dutu o Yehuda dika abe ka yoigohi yomahikoano o Saloomo ai ngofaka o Rehabeamika.

1 Kokoano 12:25

De ahao o Yerobeama woiki o Sikeme ma kotaika abe naga o loku-lokuoka o Efaraimi ma nyawa manga tonakoka. De ma kota gea duru wohiputurungu de manga dadatoko hoka o kota ma dadaduhu. De genangoka wogogere ko itedekanua de ahao wogila-gilali o Penuele ma kotaikali de enangoo ma wohiputurungu hokogea.

Yosua 24:26

Abe o Isiraele ma nyawa manga behehongo ma demo Ma Jou o Yaweika gea o Yosua Ma Jou ai himangoka wohitulihuku o bukuoka abe ihiromanga, “Ma Jou ai Behehongo ma Pareta ma Buku.” De ahao o Yosua wohigoko o hakaru ma amoko la idadi to ona manga hohininga ma dodunguu. De hokogea wodiai la ufa yawohanga manga behehongo ma gou-goungu ma demo abe ona de Ma Jou o Yawe yomahiketehibehehongoka. De o hohininga ma dodunguu gea o hakaru ma amoko abe yalulu o gota ma timika abe iwango duru Ma Jou o Yawe ai Tau o Ngoerino ma datekoka.

Hihira 9:5

De ahao una de ai nyawa gea yomakutuono yoiki ai baba ai kapongika abe ma romanga o Ofara. De genangoka ona yatoma ai baba o Gideono ai ngofaka yamoritumidi, abe ona gea manga baba womatengo masara manga ayo yomaleko. De gea ona mata-mata yatoma o hakaru ma amoko moi ma lokuoka. Masara nako ma ngofaka duru ma baha o Yotama, una dika ko iwidaenua angamoi una wakunu woara de womagogonika.

Hihira 9:7

De ipahaino de o Gideono ai ngofaka ma baha o Yotama una woihenino abe o Abimeleke iwigoraka la wahikoano o Sikeme ma nyawaika. Ho una wodoa o Girisimi ma loku ma tubuiye la ka idadi o nyawa dau ai timiuku yoihene ma oraha wabobanarata onanguku. De gea una waamo-amokiye wato, “Ngini o Sikeme ma kota manga balu-baluhu, abeika nitotoihene ahi demoino! Angamoi nako ngini nihigihene, marai Ma Jou Unangoo ka idadi winigihene nginika!”