Hihira 9:54 - Ma Jou ai Demo-demo o Totobelohoka

⁵⁴ De gea o Abimeleke wohioriki abe ai baha adonoka ho womataiti wiahoko ai duduhunika abe ma goduuru gea wotobaao-ao ai parangi ma dae. Ai duduhunu woboaino de wihuloko unangika wato, “Nomataiti ani humaranga nagoraka de nohihohonenge! Angamoi done hiadono ahao o nyawa yomaketeade-ade ma titi ngohi ato o ngofeka wohitoma!” Ho ma goduuru gea ka witopoko unangoko hiadono ma humaranga ihapongo ai gorona ma poretoko, de gea o Abimeleke wohonengoka.

Hihira 9:54 ပူးပေါင်းရင်းမြစ်များ

2 Samuele 1:10

De ngohi timake wagoungu ai demo gea ho toboa unangino de tikiditokoka la itaiti wohonenge. De ahao tagoraka ai peaino o koano ma sapeo, de ai gogoli tahuputu ai pangaino, de o koano ma kiahonanga gea tonigao ngonaino. De naa ena mata-mata tonihidoaka ngonaika ahi baluhu.” Hokogea o tentara womatengo gea wiade-ade o Dautika.

2 Samuele 1:7

De o Saulu womadogilioro de wohimake de wohiahoko ngohi la toboa. De ngohi topaluhu, tato, ‘Ngohi naga nenangoka ahi baluhu!’”

2 Samuele 1:9

“De ahao o Saulu wohihuloko ngohino, wato, ‘Nomataiti ngohino! Ngohi ka towoma-womahohi ho nohikiditokoka.’ Hokogea womagahoko la ngohi tiduhunu.

Hihira 4:9

De o ngo Debora mihimoteke ai demoika, ho mato, “Ngohi tagoungu, ahao tininiiki ma oraha niloiki niaparangi o Kanani ma nyawaika gea. Masara mangale ngona nomangiriki hokogea ahao o lolaku ma higiriiri ko ngonaikaua angamoi Ma Jou ahao wapake o ngofeka la wihikala o Sisera de ai tentara. Ho o nyawa manga horomati de manga higiriiri ma dumutu munangika de ko ngona o Barakikaua.” Hokogea o ngo Debora mihitararono. Masara o Baraka ngaro motemo hokogea una wato wohingounu Ma Jou ai behehongika ho wosobo wolio o Kedesika de o ngo Debora miniiki.

Hihira 9:55

De ahao to una ai nyawa abe o Isiraele ma nyawa gea yomakiniiki de una, ona mata-mata yamake abe una wopahaka ho ka yomahikabarihi dika de yoborilio manga tau homoi-homoiika.

1 Samuele 14:12

De ahao yadodanauru o Yonatana de ai dodiawoika ato, “Ngini nidoaiye dika la ngomi minidotoko de o dodotoko moi abe duru de ma dubuhoka.” Hokogea yahoheduoli. Masara o Yonatana wihigaro ai dodiawoika gea wato, “Naino nohiniiki ngohi la hodoa de hahimanga dika onangika, angamoi nanga musu gea Ma Jou o Yawe wahidoakoka to ngone nanga giamino. Ho ngone o Isiraele ma nyawa ka idadi hahikala onangika.”

1 Samuele 14:13

Ho o Yonatana ma bakoro duru kohagurutiye genangiye wodoa de kiani wodoa womaliara de ai giama de ai lou. De hokogenangoo ai dodiawo winiiki wihidoduruiye. De ka de yomahiadono daku o bakoro ma peaiye de duru o Yonatana de ai duduhunu yapai-pairi manga musuika hiadono o Filistina ma nyawa gea de manga hawana yomadohuku masara Ma Jou o Yonatana de ai dodiawo wahiputurungu hiadono o Filistina ma tentara genangoka yakokitomaka.

1 Samuele 14:14

De manga honenge yahikabarihi manga gogoana ma ngi ma amokika abe ma dola daku gea ko iwoatikaua. De ona abe o Yonatana de ai dodiawo yatoma genangoka ngade-ngade manga ngoe yamonaoko.

1 Samuele 14:17

Ho o Saulu wahuloko ai nyawaika wato, “Niaetongo nanga tentara mata-mataika la hohioriki nako naga abe ko yaiwaka.” De ona iwiniiki ai pareta ma demo gea ho yaetongo ipahaino de ahao iwihioriki abe o Yonatana de ai duduhunu watobaao-ao ai kiahonanga, ona yahinooto gea ko yaiwaka.

1 Samuele 14:7

De ai dodiawo abe ai parangi ma dae de ma dadatoko watobaao-ao, wato, “Nako ngohi, abeika ngohi naga ani datekoka, ho o kia dika ani hininga adaene genangika nato nodiai, hokogenangoo de to ngohioo ahi hininga tosanangi toniniiki.” Hokogea womahitaana ai tagongo o Yonatanika.

1 Samuele 16:21

Hokogea hiadono o Dautu womaturuuru o Saulu ai tauika de wileleani ai koano de ai totabua abe wotobarago-ragoho la o Saulu wihiriidi. De o Saulu duru wiigo o Dautika de ika-ika o Dautu wihikarajaangoli la waniiki ona abe o Saulu ai parangi ma dae de ma dadatoko yatobaao ho ahao o Dautu watobaniiki onangika.

1 Samuele 31:6

Ho duru o wange gea o Saulu de ai tentara abe naga unangoka yomakiniiki yokokihonenge. De to una ai ngofa-ngofakino yahange gea onangoo yokokihonengoka o wange gea.