Hihira 9:5 - Ma Jou ai Demo-demo o Totobelohoka

⁵ De ahao una de ai nyawa gea yomakutuono yoiki ai baba ai kapongika abe ma romanga o Ofara. De genangoka ona yatoma ai baba o Gideono ai ngofaka yamoritumidi, abe ona gea manga baba womatengo masara manga ayo yomaleko. De gea ona mata-mata yatoma o hakaru ma amoko moi ma lokuoka. Masara nako ma ngofaka duru ma baha o Yotama, una dika ko iwidaenua angamoi una wakunu woara de womagogonika.

Hihira 9:5 ပူးပေါင်းရင်းမြစ်များ

1 Kokoano 1:12

Ho naa marai ngohi ka idadi tonihidoaka ma ngekomo la ufa ngona de ani ngofaka o Saloomo ufa initoma nginika.

1 Kokoano 1:21

Ho ngohi tato irahai tomataiti tonihingahu ngona ahi koanoika abe hokokia idadioka. Angamoi nako hoka ko iwa ani putuhu de ani baha adonoka, done ahao ka de nopaha de ngohi de nanga ngofaka o Saloomo imitaokino de ka imihohonenge ngomi.”

Matiusu 2:16

De igoungu ona yososawaro ko aniikua o koano o Herodese ai demo onangika. Ho ko iwihingahua unangika abe o Yesusu o kiaka ai ngi, angamoi ona ka iwirehenoka ho ka yogila-gila dika yolio. Ho ka de o Herodese wohioriki yososawaro gea iwibudi dika de duru iwihidafaeoka de ai ngamo ai hiningaka! Angamoi una duru woigo wihioriki ma ngofaka gea onaguna de ai ngi o kiaka la ka idadi iwitoma. De ahao una wohininga ona yososawaro manga demo abe iwihingahuokau ka furuono yamake ma murumu gea abe idadi o Koano ma hungi ai dodunguu. Ho mangale ma titi manga demo gea hiadono naa wahuloko ai tentaraika wato, “Niloiki o Beteleheeme ma kapongika de ma tonaka gea abe ihigilolitino de niakokitomaka to ona manga ngofa-ngofaka o nau-nauru mata-mataika abe gea manga ngumuru o taongo hinooto de imahikauku!” Hokogea o Herodese wahuloko onangika la wato ma ngofaka gea kiani Unangoo iwidaene.

Matiusu 2:20

De wihingahu wato, “Yusupu, nengokadau ona ato o Yesusu iwitoma, ona gea yohonengoka. Ho naa nomomiki la ngini nilio o Isiraele ma tonakika ngona de o Yesusu de ngoi meme.” Hokogea Ma Jou ai malaekata ai demo o Yusupika.

Hihira 6:11

De ahao Ma Jou o Yawe ai malaekata naa woboa o Ofara ma kapongino abe o Yoasa ai redi itigioka de naga to una ai gota o tarabatini iwango imatengoka genangoka. O Yoasa de ai ngofaka o Gideono yomahidutu o Abiesere ai doomuika. De naa Ma Jou o Yawe ai malaekata woboa manga gotaino gea de wogogeruku o tarabatini gea ma timiuku. De o Gideono kanganoinohi wokarajaanga o gota ma datekoka gea abe ai gandumu abe wautukinoka ho naa warero. De ai rorero ma ngi gea wapake dika manga angguru ma ngengedere ma ngi ma goronaka la ufa o Midiana ma nyawa yamake ai gandumu ma hofoko.

Hihira 6:24

De o Gideono wodiai o huhuba ma ngi genangoka de widingakika Ma Jou o Yaweika. De o huhuba ma ngi gea wohiromanga “O Dame Ma Jou o Yaweoka de Aino.” De ma oraha o ade-ade naa yatulihi o huhuba ma ngi gea nagahi o Ofara ma kapongoka abe ona yomahidutu o Abiesere ai doomuika.

Hihira 8:30

De to una ai ngofaka o nau-nauru yamoritumidi manga ngoe angamoi o Gideono ngoi fekata ko manga ngoe.

Hihira 9:18

Masara abeika nia hibalaha sarakia o wange naa? Ngini ka niwiporete unangika de ai tauikaoo, de hongoli niabaata onangika! Abe to una ai ngofa-ngofaka yamoritumidi niatomaka o hakaru ma amoko moi ma lokuoka. De gea ipahaino de niwigoraka womatengo abe womaboa ahi baba ngoi fekata o gilaongino dika la winihikoano ngini o Sikeme ma balu-baluhu. De niwigoraka una gea ma titi moi dika, abe una de ngini o wariki moi.

Hihira 9:2

“Abeika ngini nialeha-leha o Sikeme manga balu-baluhika la manga hininga sarakia ma titi manga koano. Abe nako manga hininga la yagoraka o Gideono ai ngofaka yamoritumidi gea la yahipareta onangika, eko koaho o nauru womatengo dika wahipareta, de gea ma titi ngohi naa ka idadi tahipareta. De ufa ona yawohanga abe ngohi naa duru o wariki moi de de ona.”

Hihira 9:6

De gea yatoma ipaha de o Sikeme manga balu-baluhu de manga dodiawo abe o Bete-Milo manga balu-baluhu, ona mata-mata yomatoomuino o gota ma amoko moi ma timiuku o Sikemoka. Abe genangoka naga ma ngi yomahuba-huba manga jou ma homoaika. Ho ma wange gea de ona iwigoraka o Abimeleke genangoka la womulaenge wahikoano onangika.